Fact Check: ‘બેશરમ રંગ’ ગીત પર ડાન્સ કરનાર શખ્સ બિલાવલ ભુટ્ટો નહીં પણ પાકિસ્તાની વિદ્યાર્થી છે

નવી દિલ્હી (વિશ્વાસ ન્યૂઝ): પાકિસ્તાનની કથળતી આર્થિક સ્થિતિ વચ્ચે સોશિયલ મીડિયા પર ‘પઠાણ’ ફિલ્મના ગીત પર ડાન્સનો એક વીડિયો વાયરલ થઈ રહ્યો છે. જેમાં એક ફંક્શનમાં ‘બેશરમ રંગ’ ગીત પર યુવક અને યુવતી ડાન્સ કરી રહ્યાં છે. કેટલાક સોશિયલ મીડિયા યુઝર્સ આ વીડિયો શેર કરીને દાવો કરી રહ્યા છે કે પાકિસ્તાનના મંત્રી બિલાવલ ભુટ્ટો ‘બેશરમ રંગ’ ગીત પર ડાન્સ કરી રહ્યા છે.

વિશ્વાસ ન્યૂઝને તેની તપાસમાં જાણવા મળ્યું કે પઠાણ ફિલ્મના ગીત પર ડાન્સ કરનાર યુવક પાકિસ્તાનના મંત્રી બિલાવલ ભુટ્ટો નહીં, પરંતુ ત્યાંનો વિદ્યાર્થી મેહરોઝ બેગ છે. તેણે તેના મિત્ર ઇનાયા ખાન સાથે ડાન્સ કર્યો હતો.

શું છે વાયરલ પોસ્ટ

ફેસબુક યુઝર સ Satyaagrah India (આર્કાઇવ્ડ લિંક )એ 21 જાન્યુઆરીએ વીડિયો પોસ્ટ કર્યો અને લખ્યું, Pakistan is in safe hands of leaders like Billawal Bhutto…they want Kashmir

(પાકિસ્તાન બિલાવલ ભુટ્ટો જેવા નેતાઓના હાથમાં સુરક્ષિત છે…તેમને કાશ્મીર જોઈએ છે.)

તપાસ

વાયરલ વીડિયોની તપાસ કરવા માટે અમે પહેલા વીડિયોને ધ્યાનથી જોયો. તેના પર i.g Cyed. Haider લખેલું છે. અમે તેને કીવર્ડ વડે ગૂગલ પર સર્ચ કર્યું. આમાં અમને ફેસબુક પેજ Syed Tweets પર વાયરલ વીડિયો ( આર્કાઇવ લિંક ) મળ્યો. આમાં બિલાવલ ભુટ્ટોનો પણ ઉલ્લેખ કરવામાં આવ્યો છે. એક યુઝરે તેના કમેન્ટ સેક્શનમાં લખ્યું છે, આ અભિનેત્રી ઇનાયા ખાન છે.

આ પછી અમે inaya khan actress કીવર્ડથી ગૂગલ પર સર્ચ કર્યું તો ઈનાયા ખાનના ઇન્સ્ટાગ્રામ એકાઉન્ટ મળ્યું. તેના પર 12 જાન્યુઆરીએ વીડિયો અપલોડ કરવામાં આવ્યો છે. તે વાયરલ વીડિયોનું લાંબુ વર્ઝન છે. તેના ડિસ્ક્રિપ્શનમાં લખ્યું છે કે તેની સાથે ડાન્સ કરી રહેલા પાર્ટનરનું નામ મેહરોઝ બેગ છે.

અમને મેહરોઝ બેગના ઈન્સ્ટા એકાઉન્ટ પર વાયરલ વીડિયો પણ મળ્યો. આમાં તેના અને ઈનાયાના બીજા કેટલાક ડાન્સના વીડિયો જોઈ શકાય છે.

વધુ વિગતો માટે અમે મેઇલ દ્વારા મેહરોઝ બેગનો સંપર્ક કર્યો. તેઓનું કહેવું છે, ‘વીડિયોમાં હું જ ડાન્સ કરી રહ્યો છું. હું મારી મિત્ર ઇનાયા ખાનની સાથે ડાન્સ કરી રહી છું. તે એક પાકિસ્તાની અભિનેત્રી અને સોશિયલ મીડિયા ઇન્ફ્લુએન્શર છે. હું 25 વર્ષનો છું અને હું ઇકરા યુનિવર્સિટીમાંથી મીડિયા સ્ટડીઝનો અભ્યાસ કરી રહ્યો છું. હું પણ સોશિયલ મીડિયા ઇન્ફ્લુએન્શર છું અને ડાન્સ વીડિયો પોસ્ટ કરતો રહું છું. ,

વીડિયોને ભ્રામક દાવા સાથે શેર કરનાર ફેસબુક યુઝર ‘સત્યાગ્રહ ઈન્ડિયા’ની પ્રોફાઈલ સ્કેન કરી. જે મુજબ તેના છ ફ્રેન્ડ્સ છે.

નિષ્કર્ષ: પઠાણ ફિલ્મના ગીત ‘બેશરમ રંગ’ પર ડાન્સ કરનાર યુવકનું નામ મેહરોઝ બેગ છે. પાકિસ્તાનના મેહરોઝ બેગે તેના મિત્ર અને પાકિસ્તાની અભિનેત્રી ઈનાયા ખાનની સાથે ડાન્સ કર્યો હતો. આ વીડિયોને પાકિસ્તાની મંત્રી બિલાવર ભુટ્ટો સાથે કોઈ લેવાદેવા નથી.

ટેગ્ઝ

• Bilawal Bhutto
• Dance
• Fact Check
• Pakistan