వాస్తవ తనిఖీ: విరాట్ కోహ్లీ క్రికెట్ నుండి రిటైర్మెంట్ ప్రకటించలేదు

కొత్త ఢిల్లీ (విశ్వాస్ న్యూస్): మాజీ భారతదేశపు స్కిప్పర్ విరాట్ కోహ్లీ కు సంబంధించిన రెండు వీడియోలు ఇంటర్నెట్ పై చక్కర్లు కొడుతున్నాయి, వీటిల్లో ‘చేస్ మాస్టర్’ అని కూడా పిలువబడే స్టార్ బాటర్ అంతర్జీతీయ క్రికెట్ నుండి రిటైర్మెంట్ ప్రకటించారు అని క్లెయిమ్ చేయబడింది. అయితే, రెండు వైరల్ వీడియోలు పాతవి మరియు కోహ్లీ తన రిటైర్మెంట్ గురించి ఎలాంటి ప్రకటన చేయలేదు. వీడియోలు అసత్యపు క్లెయిమ్ తో షేర్ చేయబడ్డాయి.

క్లెయిమ్:

ఫేస్‎బుక్ పేజ్ ‘ఓవరాల్ వైపర్’ ఈ వీడియోను జనవరి 4 నాడు ఈ క్యాప్షన్ తో షేర్ చేసింది, ‘విరాట్ కోహ్లీ క్రికెట్ నుండి రిటైర్ అవుతున్నారు, వీడ్కోలు విరాట్ కోహ్లీ’. విరాట్ కోహ్లీకి సంబంధించిన అనేక ఇతర వీడియోలు కూడా ఇదే రకమైన క్లెయిమ్ తో సోషల్ మీడియాపై షేర్ చేయబడ్డాయి.

దర్యాప్తు:

విరాట్ కోహ్లీ యొక్క రిటైర్మెంట్ కు సంబంధించి సమాచారము కొరకు విశ్వాస్ న్యూస్ ముందుగా గూగుల్ సెర్చ్ ను ఆశ్రయించింది. సంబంధిత కీవర్డ్స్ టైప్ చేసినప్పుడు, విరాట్ కోహ్లీ తన రిటైర్మెంట్ ప్రకటించారు అని ధృవీకరించే ఎలాంటి వార్తలు మాకు లభించలేదు. ఒకవేళ విరాట్ తన రిటైర్మెంట్ ప్రకటించి ఉంటే, అది దేశానికి చాలా పెద్ద వార్త అయి ఉండేది, ముఖ్యంగా మీడియాకు.

క్లెయిమ్ ను మరింత దర్యాప్తు చేస్తూ, మేము పూర్తి వీడియోను విన్నాము మరియు ఆ వీడియోలో విరాట్ ఎక్కడా రిటైర్మెంట్ గురించి మాట్లాడలేదు అని మేము కనుగొన్నాము. సంబంధిత కీవర్డ్స్ తో మరింతగా సెర్చ్ చేసినప్పుడు, మాకు ఈ వీడియో ఇదివరకు చాలా సోషల్ మీడియా వేదికలపై షేర్ చేయబడింది అని తెలిసింది.

ఇదే వీడియో మాకు యూట్యూబ్ ఛానల్ పై ‘ఈవెంట్స్ అండ్ హ్యాపెనింగ్ స్పోర్ట్స్’ అనే పేరుతో జూన్ 16, 2019 నాడు అప్లోడ్ చేయబడింది. సమాచారము ప్రకారము, విరాట్ కోహ్లీ యొక్క ఈ వీడియో ఆయన మాంచెస్టర్ లోని ఓల్డ్ ట్రాఫోర్డ్ స్టేడియం లో భారత్ మరియు పాకిస్తాన్ మ్యాచ్ లో మ్యాచ్ ప్రారంభానికి ముందు ఒక పత్రికా సమావేశములో ప్రసంగిస్తున్నది

cricketworldcup.com అని పేరుగల ఒక వెబ్సైట్ కూడా ఇదే వీడియోను జూన్ 16, 2019 నాడు అప్లోడ్ చేసింది.

దైనిక్ జాగరణ్ కూడా జూన్ 15, 2019 నాడు కోహ్లీ యొక్క పత్రికా సమావేశము గురించి ఒక వ్యాసాన్ని ప్రచురించింది మరియు ఫీచర్ చిత్రముగా వైరల్ వీడియో యొక్క స్క్రీన్ షాట్ ను ఉపయోగించింది. ఈ వీడియో 2019లో భారత్ వర్సెస్ పాకిస్తాన్ మ్యాచ్ లో విరాట్ కోహ్లీ యొక్క మ్యాచ్-ముందు పత్రికా సమావేశము నుండి తీసుకోబడినది అని వార్తా నివేదిక పేర్కొనింది.

విరాట్ కోహ్లీ యొక్క రిటైర్మెంట్ కు సంబంధించిన రెండవ వైరల్ వీడియోను కూడా మేము దర్యాప్తు చేశాము. వైరల్ వీడియో ఆసియా కప్ 2022లో పాకిస్తాన్ చేతిలో భారత్ ఓడిపోయినప్పుడు తీయబడిన వీడియో అని ఈ దర్యాప్తులో కనుగొనబడింది.

ఈ వీడియో సెప్టెంబరు 5, 2022 నాడు అనేక యూట్యూబ్ ఛానల్స్ పై అప్లోడ్ చేయబడింది అని మేము కనుగొన్నాము. న్యూస్ ఏజెన్సీ ఏఎన్‎ఐ కూడా తన అధికారిక యూట్యూబ్ ఛానల్ పై వీడియోను అప్లోడ్ చేసింది మరియు ఇది విరాట్ కోహ్లీ యొక్క మ్యాచ్-అనంతర పత్రిక ప్రకటన అని వివరించింది.

అలాగే మేము క్లెయిమ్ కు సంబంధించి విరాట్ కోహ్లీ యొక్క సోషల్ మీడియా హ్యాండిల్స్ ను కూడా స్కాన్ చేశాము, కాని అతని రిటైర్మెంట్ కు సంబంధించిన పోస్ట్ ఏది మాకు కనిపించలేదు. మేము దైనిక్ జాగరణ్ స్పోర్ట్స్ కరెస్పాండెంట్ అభిషేక్ త్రిపాఠితో కూడా దీని గురించి మాట్లాడాము. “విరాట్ కోహ్లీ యొక్క ఈ వీడియో పాతది. ఈ వైరల్ క్లెయిమ్ నకిలీది అని ఆయన తెలిపారు” అని ఆయన అన్నారు.

T20 క్రికెట్ వరల్డ్ కప్ 2022 యొక్క సెమీ-ఫైనల్స్ లో భారత్ ఓటమితో, అనేక భారతీయ ఆటగాళ్ళ పాత వీడియోలు అనేక రకాల క్లెయిమ్స్ తో సోషల్ మీడియాపై వైరల్ అయ్యాయి.

మేము అసత్యపు క్లెయిమ్ తో వీడియోను షేర్ చేసిన ఫేస్‎బుక్ పేజ్ ‘ఓవరాల్ వైపర్’ ను స్కాన్ చేశాము మరియు ఈ పేజ్ ను వేలమంది ఫాలో చేస్తున్నారని కనుగొన్నాము.

ముగింపు: మాజీ భారతదేశపు స్కిప్పర్ విరాట్ కోహ్లీ కు సంబంధించిన రెండు వీడియోలు ఇంటర్నెట్ పై చక్కర్లు కొడుతున్నాయి, వీటిల్లో ఆయన అంతర్జీతీయ క్రికెట్ నుండి రిటైర్మెంట్ ప్రకటించారు అని క్లెయిమ్ చేయబడింది.

ట్యాగ్స్

• Fact Check
• Virat Kohli
• virat kohli retirement