Fact Check: தௌகீர் ரசாவின் யோகி ஆதரவு கருத்துக்கள் சமீபத்தியவை அல்ல, அவர் கைது செய்யப்பட்ட பிறகு வைரல்
பரேலி வன்முறையைத் தொடர்ந்து, இத்தேஹாத்-இ-மில்லத் கவுன்சிலின் (IMC) தலைவரான மௌலானா தௌகீர் ராசா, காவல்துறையினரால் கைது செய்யப்பட்டுள்ளார்.
- By: Umam Noor
- Published: Oct 10, 2025 at 05:14 PM
புது டெல்லி (விஷ்வாஸ் நியூஸ்). பரேலி வன்முறையைத் தொடர்ந்து, இத்தேஹாத்-இ-மில்லத் கவுன்சிலின் (IMC) தலைவரான மௌலானா தௌகீர் ராசா, காவல்துறையினரால் கைது செய்யப்பட்டுள்ளார். அதே நேரத்தில், அவரது காணொளி ஒன்று சமூக ஊடகங்களில் வைரலாகியுள்ளது. வைரலாகும் அந்த காணொளியில், மௌலானா ராசா யோகி ஆதித்யநாத்தைப் புகழ்வதைக் கேட்கலாம்.
“யோகி ஆதித்யநாத்துடன் எனக்கு கருத்து வேறுபாடுகள் உள்ளன, ஆனால் அவர் நல்ல காரியங்களை செய்திருந்தால், நான் அவரைப் பாராட்டுவேன்” என்று மௌலானா தௌகீர் கூறுவதை கேட்கலாம். மௌலானா ராசாவின் இந்தக் காட்சிகள், அவர் சமீபத்தில் கைது செய்யப்பட்ட பிறகு எடுக்கப்பட்டவை என்றும், அதில் அவர் யோகி அரசாங்கத்தைப் பாராட்டியதாகவும் கூறி பயனர்கள் இந்த காணொளியைப் பகிர்ந்து வருகிறார்கள்.
விஸ்வாஸ் நியூஸ் தனது விசாரணையில், இந்த காணொளி பழையது என்றும் 2022 ஆம் ஆண்டுக்கு முந்தையது என்றும் கண்டறிந்துள்ளது. இந்த காணொளி அவர் கைது செய்யப்பட்ட பிறகு பதிவு செய்யப்பட்டது என்ற தவறான கூற்றுடன் இப்போது வைரலாகி வருகிறது.
வைரலாகும் காணொளி பதிவில் இருப்பது என்ன?
இந்த வைரலான பதிவைப் (காப்பகம்), பகிர்ந்துகொண்டு, ஒரு முகநூல் பயணர் எழுதியதாவது, “யோகி ஜிக்கு சவால் விடுத்து ஆயிரக்கணக்கான முஸ்லிம் இளைஞர்களின் கைகால்களை உடைத்த பரேலியைச் சேர்ந்த அதே மௌலானா இவர்தான்… இப்போது அவர் யோகி ஜியைப் புகழ்கிறார்… லத்தி அடியின் தாக்கம் மிக உடனடியாக வெளிப்பட்டுள்ளது, உ.பி. காவல்துறையின் லத்தியடி எதிரொலிக்கும் தருணத்தில், தௌகீர் ரசாவின் உணர்வுகள் மாறுகின்றன… இந்தப் பகிர்வைக் கேளுங்கள், இவை மிகவும் அன்பான வார்த்தைகள். காதல் ஏற்பட்டபோது, இதயம் போதையில் மூழ்கியது, அது நடந்தபோது, காதல் முழுமையடைந்தது.”
பல X பயனர்களும் இதே போன்ற கூற்றுகளுடன் இந்த காணொளியைப் பகிர்ந்து வருகின்றனர்.
விசாரணை
எங்கள் விசாரணையைத் தொடங்குகையில், முதலில் வைரலான இந்த காணொளியை நாங்கள் கவனமாக ஆராய்ந்து, அதில் மௌலானா ராசா, “நரேந்திர மோடி ‘ராஜதர்மத்தை’ (ஒரு ஆட்சியாளரின் கடமை) எவ்வாறு நிலைநிறுத்துவது என்பது குறித்து யோகி அரசிடமிருந்து உத்வேகம் பெற வேண்டும். நரேந்திர மோடி ‘சப்கா சாத், சப்கா விகாஸ்’ (அனைவருடனும் இணைந்து, அனைவருக்கும் வளர்ச்சி) பற்றிப் பேசுகிறார், ஆனால் மாநிலத்தின் முன்னேற்றத்திற்காக செய்யப்படும் பணிகளை நான் பாராட்டுவேன்; யோகி ஆதித்யநாத்துடன் எனக்கு கருத்து வேறுபாடுகள் (இக்திலாஃபத்) உள்ளன என்பது வேறு விஷயம், அவை அப்படியே இருக்கின்றன, ஆனால் அவர் நல்ல காரியங்களை செய்திருந்தால், நான் அவரைப் பாராட்டுவேன்.” என்று கூறியதைக் கண்டோம்.
நாங்கள் இதை ஒரு துப்பாகக் கருதி, வைரல் ஆகி வரும் காணொளியில் இருந்து முக்கிய பகுதிகளை எடுத்து, கூகிள் லென்ஸைப் பயன்படுத்தி ரிவர்ஸ் இமேஜ் தேடலை நடத்தி எங்கள் விசாரணையைத் தொடங்கினோம். இந்தத் தேடலின் போது, ஜூன் 20, 2022 அன்று பதிவேற்றப்பட்ட ‘கனக் நியூஸ்’ இன் சரிபார்க்கப்பட்ட யூடியூப் சேனலில் உள்ள இந்த காணொளி எங்களுக்குக் கிடைத்தது. இதில் மௌலானா தௌகீர் ‘அக்னிவீர்’ திட்டம் மற்றும் நூபுர் சர்மாவின் கைது பற்றிப் பேசுவது இடம்பெற்றுள்ளது. கூடுதலாக, வைரலான காணொளி துண்டு இந்த காணொளியில் 7:34-7:58 நிமிடங்கள் வரை உள்ளது.
ஜூன் 20, 2022 தேதியிட்ட டைம்ஸ் நவ் வலைத்தளத்திலும் நுபுர் சர்மாவைக் கைது செய்யக் கோரும் மௌலானா கான் இடம்பெற்றுள்ள இது தொடர்பான செய்திகளைக் நாங்கள் கண்டோம்.. மத்திய அரசு முஸ்லிம்களைப் புறக்கணிப்பதாகக் குற்றம் சாட்டிய அவர், இந்தப் பிரச்சினையை ஐக்கிய நாடுகள் சபைக்கு எடுத்துச் செல்வோம் என்றும் எச்சரித்தார். அயோத்தியில் ‘ராஜ தர்மத்தை’ கடைப்பிடித்து முஸ்லிம் விரோத நடவடிக்கைகளுக்கு எதிராக நடவடிக்கை எடுத்ததற்காக முதல்வர் யோகி ஆதித்யநாத்தை மௌலானா பாராட்டினார். அதே நேரத்தில், மத்திய அரசின் ‘அக்னிவீர்’ திட்டத்தை எதிர்த்தார், அது இளைஞர்களின் எதிர்காலத்தை அழிப்பதாகக் குற்றம் சாட்டினார். நூபுர் சர்மாவின் கருத்துகளைத் தொடர்ந்து, உ.பி. உட்பட பல மாநிலங்களில் வன்முறை போராட்டங்கள் வெடித்தன, இதனால் நூற்றுக்கணக்கானோர் கைது செய்யப்பட்டனர்.
இந்த விஷயத்தில், ஜூன் 19, 2022 அன்று ETV பாரத் செய்தியில் “உத்தரப் பிரதேசத்தின் பரேலியில், இஸ்லாமியா மைதானத்தில், இத்தேஹாத்-இ-மில்லத் கவுன்சில் (IMC) தலைவர் மௌலானா தௌகீர் ராசா பிரதமர் நரேந்திர மோடி மீது நேரடித் தாக்குதலைத் தொடங்கினார். மௌலானா தௌகீர் ராசா யோகி அரசாங்கத்தைப் பாராட்டினார். நரேந்திர மோடியை விட யோகியின் ஆட்சியை நாங்கள் விரும்பவில்லை, ஆனால் யோகி ‘ராஜதர்மத்தை’ நிலைநிறுத்துகிறார் என்று அவர் கூறினார். அயோத்தியில் முஸ்லிம்களை அவதூறு செய்தவர்களை யோகி சிறைக்கு அனுப்பினார். யோகி அரசாங்கத்தின் இந்த நடவடிக்கையை நாங்கள் பாராட்டுகிறோம். அமைதிக்கான ஒவ்வொரு பணியிலும், நாங்கள் உங்களுடன் இருக்கிறோம், உங்களுடன் இருப்போம்.” என்று கூறப்பட்டிருந்தது.
செப்டம்பர் 28, 2025 தேதியிட்ட டைம்ஸ் ஆஃப் இந்தியா செய்தியில், “வெள்ளிக்கிழமை ‘ஐ லவ் முஹம்மது’ போராட்டத்தின் போது கல் வீசுதல் மற்றும் வன்முறையில் ஈடுபட்ட 15 பேரை பரேலி போலீசார் கைது செய்து சிறைக்கு அனுப்பியுள்ளனர். குற்றம் சாட்டப்பட்டவர்களிடமிருந்து செங்கற்கள், கற்கள், வெற்று தோட்டாக்கள் மற்றும் ஒரு கைத்துப்பாக்கி மீட்கப்பட்டதாக நகர எஸ்பி மனுஷ் பாரிக் தெரிவித்தார்” என்று கூறப்பட்டிருந்தது.
செப்டம்பர் 27 ஆம் தேதி வெளியான டைனிக் ஜாக்ரன் செய்தியின்படி, “பரேலியில் சமீபத்திய சர்ச்சையைத் தொடர்ந்து, இத்தேஹாத்-இ-மில்லத் கவுன்சில் (IMC) தலைவர் மௌலானா தௌகீர் ராசா மீண்டும் தலைப்புச் செய்திகளில் இடம்பிடித்துள்ளார். தௌகீர் ராசா காவல்துறையினரால் கைது செய்யப்பட்டுள்ளார், மேலும் நகரில் இணைய சேவைகள் நிறுத்தி வைக்கப்பட்டுள்ளன” என்று கூறப்பட்டிருந்தது.
செப்டம்பர் 28 ஆம் தேதி வெளியான இந்தியன் எக்ஸ்பிரஸ் செய்தியின்படி, “பரேலியில் வன்முறை நடந்த ஒரு நாளுக்குப் பிறகு, இத்தேஹாத்-இ-மில்லத் கவுன்சில் தலைவர் மௌலானா தௌகீர் ரசா கான் மற்றும் ஏழு பேரை போலீசார் கைது செய்தனர். உள்ளூர் நீதிமன்றம் அவர்கள் அனைவரையும் 14 நாட்கள் நீதிமன்றக் காவலில் வைக்க உத்தரவிட்டது. காவல்துறையினரின் கூற்றுப்படி, வன்முறை கடந்த ஏழு நாட்களாக திட்டமிடப்பட்டது” என்று கூறப்பட்டிருந்தது.
வைரலான அந்த காணொளியை சரிபார்க்க, பரேலியில் உள்ள தைனிக் ஜாக்ரனின் ஆசிரியர் அசுதோஷ் சிங்கைத் நாங்கள் தொடர்பு கொண்டபோது, அவர் அந்த காணொளி பழையது, சமீபத்தியது அல்ல என்பதை உறுதிப்படுத்தினார்.
கடைசியாக, போலிப் பதிவைப் பகிர்ந்த முகநூல் பயனரின் சமூக தேடலை நாங்கள் மேற்கொண்டோம், அதில் மிஸ்ரா சூர்யபான் என்ற பயனருக்கு 11000 பின்தொடர்பவர்கள் உள்ளனர் மற்றும் ஒரு குறிப்பிட்ட சித்தாந்தத்துடன் தொடர்புடைய இடுகைகளைப் அவர் பகிர்ந்து கொள்கிறார் என்பதைக் நாங்கள் கண்டறிந்தோம்.
முடிவுரை: எங்கள் விசாரணையில், யோகி ஆதித்யநாத்தைப் புகழ்ந்து பேசும் மௌலானா தௌகீர் பற்றிய குறிப்பிடப்பட்ட காணொளி 2022 ஆம் ஆண்டுக்கு முந்தையது என்றும், அவர் கைது செய்யப்பட்டதற்குப் பிந்தைய காலகட்டத்தைச் சேர்ந்தது என்ற புனையப்பட்ட கூற்றுடன் இப்போது இந்த காணொளி பரப்பப்படுகிறது என்றும் கண்டறிந்துள்ளோம்.
- Claim Review : தௌகீர் ரசாவின் யோகி ஆதரவு கருத்துக்கள் சமீபத்தியவை.
- Claimed By : முகநூல் பயனர்- மிஸ்ரா சூர்யபன்
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
