Fact Check: ‘டிரம்ப் வரி அழுத்தத்திற்கு அடிபணியவில்லை’ என்று இந்தியாவை ஒபாமா புகழ்ந்து பேசும் வைரலான ஆடியோ ஒரு டீப் ஃபேக்.

புது தில்லி (விஷ்வாஸ் நியூஸ்). வரிகள் தொடர்பாக இந்தியாவிற்கும் அமெரிக்காவிற்கும் இடையிலான உறவுகளில் பதற்றம் நிலவி வரும் நிலையில், முன்னாள் அமெரிக்க ஜனாதிபதி பராக் ஒபாமாவின் வீடியோ கிளிப் பல்வேறு சமூக ஊடக தளங்களில் பகிரப்பட்டு வருகிறது, அதில் அவர், டிரம்பின் வரி அழுத்தத்திற்கு ‘தலைவணங்காததற்காக’ இந்தியாவைப் பாராட்டுவதைக் கேட்க முடிகிறது. டொனால்ட் டிரம்பின் வரி அழுத்தத்திற்கு மற்ற நாடுகள் அடிபணிந்தாலும், இந்த விஷயத்தில் இந்தியா தனது நிலைப்பாட்டில் உறுதியாக இருப்பதாக ஒபாமா தனது உரைகளில் ஒன்றில் கூறியதாகக் கூறப்படுகிறது.

டிரம்ப் நிர்வாக அதிகாரிகளை மேற்கோள் காட்டி செய்தி அறிக்கைகளின்படி, வரிகள் குறித்த இந்தியாவின் நிலைப்பாடு பிடிவாதமாக உள்ளது, மேலும் 50% வரி அமலுக்கு வந்த பிறகும் அது அமெரிக்காவின் அழுத்தத்திற்கு அடிபணியவில்லை. இருப்பினும், ஒபாமா இந்தியாவைப் பாராட்டியதாகவும், இந்த நிலைப்பாட்டிற்காக மற்ற நாடுகளைக் கண்டித்ததாகவும் கூறி வைரலாகி வரும் வீடியோ உண்மையானது அல்ல, ஆனால் செயற்கை நுண்ணறிவால் உருவாக்கப்பட்ட ஒரு டீப் ஃபேக்.

வைரல் ஆவது என்ன?

“தி குளோபல் அப்டேட்ஸ்“ யூடியூப் சேனல் அரை மணிநேர நீளம் உள்ள ஒபாமாவின் பேச்சைக் கொண்ட இந்த வீடியோவை பகிர்ந்து (ஆர்க்கைவ்டு லின்க் ) பகிர்ந்துள்ளது, அதில் அவர் டிரம்பின் வரி அழுத்தத்திற்கு அடிபணியாததற்காக இந்தியாவைப் புகழ்ந்து பேசுவதையும், மற்ற நாடுகளை விமர்சிப்பதையும் கேட்க முடிகிறது.

வைரலாகும் இந்த வீடியோவில், ஒபாமா, “எனது நண்பர்களே, இன்று நாம் வரலாறு எதிர்பாராததை நோக்கி சாய்ந்துவிட்டதாகத் தோன்றும் ஒரு தருணத்தில் கூடுகிறோம். ஒரு காலத்தில் வளரும் குரலாகக் கருதப்பட்ட ஒரு நாடு, ஒரு காலத்தில் உலக வல்லரசின் பெரிய அரங்குகளில் இரண்டாம் நிலை என்று நிராகரிக்கப்பட்ட ஒரு நாடு, இப்போது வேறு எந்த நாடும் செய்யத் துணியாத ஒன்றைச் செய்ய முன்வந்துள்ளது. தனது பாரம்பரியத்தில் வேரூன்றிய தைரியத்துடனும், எதிர்காலத்தில் வேரூன்றிய உறுதியுடனும், உலகையே ஆம், அமெரிக்காவையும் கூட ஆச்சரியப்படுத்தும் ஒரு நடவடிக்கையை செய்ய இந்தியா முன்வந்துள்ளது. நாம் காண்பது வெறும் புவிசார் அரசியல் தந்திரம் அல்ல, முக்கிய செய்திகளின் சுழற்சியில் மற்றொரு தலைப்பு மட்டும் அல்ல, இது ஒரு அறிவிப்பு, ஒரு பிரகடணம் என்பதோடு அதிகார சமநிலை, இறையாண்மைக்கான அர்த்தம் மற்றும் நாளை எப்படி இருக்கப் போகிறது என்பதை மீண்டும் பார்க்க  உலகை நிர்பந்திக்கும் ஒரு திருப்புமுனையுமாகும்.”  

முழு அறிக்கையையும் இங்கே படிக்கலாம்: டிரைவ் லின்க்

விசாரணை

ஆகஸ்ட் 27, 2025 அன்று 25% கூடுதல் வரி அமல்படுத்தப்பட்டதன் மூலம், அமெரிக்காவிற்கு ஏற்றுமதி செய்யப்படும் இந்தியப் பொருட்களின் மீதான மொத்த வரி 50% ஆக உயர்ந்துள்ளது. இதன் மூலம், அதிகபட்ச அமெரிக்க வரியை எதிர்கொள்ளும் உலகின் சில நாடுகளின் பட்டியலில் இந்தியாவும் சேர்க்கப்பட்டுள்ளது. இந்தியாவிற்கும் அமெரிக்காவிற்கும் இடையே இன்னும் எந்த வர்த்தக ஒப்பந்தமும் இல்லை, மேலும் இது தொடர்பாக இரு நாடுகளுக்கும் இடையே பதட்டங்கள் உள்ளன.

வர்த்தக ஒப்பந்தம் தொடர்பாக டிரம்ப் மற்றும் அவரது நிர்வாகத்தால் பல அறிக்கைகள் வெளியிடப்பட்டுள்ளன, ஆனால் இந்தியாவிடமிருந்து எந்த அதிகாரப்பூர்வ பதிலும் இல்லை. இருப்பினும், எங்கள் செய்தித் தேடலில், முன்னாள் அமெரிக்க ஜனாதிபதி பராக் ஒபாமாவின் அறிக்கை, வரி விவகாரத்தில் இந்தியாவின் நிலைப்பாட்டைப் பாராட்டியதாகவும், டிரம்பின் அழுத்தத்திற்கு மற்ற நாடுகள் அடிபணிந்ததாகவும் குறிப்பிடும் எந்த செய்தி அறிக்கையும் எங்களுக்குக் கிடைக்கவில்லை.

வைரல் ஆடியோ ஒரு டீப்ஃபேக் ஆக இருக்கும் என்ற சந்தேகத்தை இது எழுப்பியது. எனவே, டீப்ஃபேக் கண்டறிதல் கருவிகளைப் பயன்படுத்தி இந்த ஆடியோவை நாங்கள் பகுப்பாய்வு செய்தோம் .

பஃபலோ பல்கலைக்கழகத்தின் டீப்ஃபேக்-ஓ-மீட்டரின் உதவியுடன் இந்த மல்டிமீடியாவை நாங்கள் சோதித்தோம், மேலும் அதன் கிட்டத்தட்ட அனைத்து குறிகாட்டிகளும் இந்த வீடியோவில் ஏஐ கையாளுதலின் அதிகபட்ச சாத்தியத்தை உறுதிப்படுத்தின.

AASIST (2021) டிடெக்டரின் பகுப்பாய்வு இந்த ஆடியோ கிட்டத்தட்ட 100% ஏஐ-யால் உருவாக்கப்பட்டது என்பதை உறுதிப்படுத்தியது, மேலும் LFCC -LCNN (2021) டிடெக்டரும் இந்த  ஆடியோ 100% AI-யால் உருவாக்கப்பட்டது என்பதை உறுதிப்படுத்தியது.

இந்த ஆடியோ AI-உருவாக்கப்பட்டதற்கான சாத்தியக்கூறுகளை மற்ற டிடெக்டர்களும் உறுதிப்படுத்தினர்.

மேலும் சரிபார்ப்புக்காக, எங்கள் கூட்டாளியான MCA-வின் முன்முயற்சியான டீப்ஃபேக்ஸ் அனாலிசிஸ் யூனிட் (DAU)-ஐத் தொடர்பு கொண்டோம். வைரல் மல்டிமீடியாவில் பயன்படுத்தப்படும் ஆடியோவின் சிறிய துண்டுகளை DAU-வுடன் பகிர்ந்து கொண்டோம். சுமார் 15 நிமிடங்கள் தொடங்கியதிலிருந்து ஆடியோ டிராக்கை மூன்று நிமிட நீளப் பகுதிகளாகப் பிரித்தோம், மேலும் DAU அதை டீப்ஃபேக் கண்டறிதல் கருவிகளைப் பயன்படுத்தி சரிபார்த்தது. அவர்களின் விசாரணையில், இந்த ஆடியோ டிராக் ஏஐ-யால் உருவாக்கப்பட்டதற்கான சாத்தியக்கூறுகளை அவர்கள் உறுதிப்படுத்தினர்.

இந்த 15 நிமிட ஆடியோ டிராக்கின் பெரும்பாலான பகுதிகள், சில வினாடிகள் தவிர, ஏஐ-யால் உருவாக்கப்பட்டவை என்பதை உறுதிப்படுத்திய Hiya கருவியின் பகுப்பாய்வை DAU எங்களுடன் பகிர்ந்து கொண்டது.

பகுப்பாய்வு அறிக்கையை இங்கே படியுங்கள்.

ஒபாமாவின் குரலில் வைரலாகி வரும் ஆடியோ  போலியான ஒன்று என்பதை எங்கள் விசாரணை தெளிவாகக் காட்டுகிறது.

செய்தி அறிக்கைகளின்படி, அமெரிக்க அதிபர் டொனால்ட் டிரம்ப் அமெரிக்க-ஜப்பான் வர்த்தக ஒப்பந்தத்தில் கையெழுத்திட்டார், இதன் கீழ் ஜப்பானிய இறக்குமதிகளுக்கு 15% வரி விதிக்கப்படும். முன்னதாக, டிரம்ப் ஜப்பான் மீது 25% வரி விதித்திருந்தார்.

இந்தியா மற்றும் அமெரிக்கா இடையிலான வர்த்தகம் குறித்த செய்தி அறிக்கைகளில், வர்த்தகம் மற்றும் தொழில்துறை அமைச்சர் பியூஷ் கோயல், நவம்பர் மாதத்திற்குள் இரு நாடுகளுக்கும் இடையே ஒரு வர்த்தக ஒப்பந்தம் எட்டப்படும் என்று கூறினார்.

ஒபாமாவின் டீப்ஃபேக் போலி ஆடியோவை பகிர்ந்த பயனரின் யூடியூப் சேனலுக்கு 3000 சப்ஸ்கிரைபர்கள் உள்ளனர். சமூக ஊடகங்களில் வைரலாகும் பிற டீஃப்பேக் மல்ட்டிமீடியா குறித்த உண்மை சரிபார்ப்பு அறிக்கைகளை விஷ்வாஸ் நியூஸின்  ஏஐ சரிபார்ப்புப் பிரிவில் படிக்கலாம்.

முடிவுரை: டிரம்பின் வரி அழுத்தத்திற்கு அடிபணியாமல் இருப்பதற்கு ஒபாமா இந்தியாவைப் புகழ்வதாகவும், மற்ற நாடுகளை கண்டிப்பதாகவும் கூறி வைரலாகி வரும் காணொளி உண்மையானது அல்ல, அது ஏஐ உதவியுடன் உருவாக்கப்பட்ட ஒரு டீப்ஃபேக் போலி ஆகும். இந்தியா தற்போது 50% அமெரிக்க வரியை எதிர்கொள்கிறது, இது மற்ற நாடுகளுடன் ஒப்பிடும்போது இருப்பதிலேயே அதிகமானது.

டேக்குகள்

• Obama
• Trump terrif