Fact Check : চোৰাংচোৱাগিৰিৰ সন্দেহত ইৰাণত গ্ৰেপ্তাৰ ভাৰতীয় লোকৰ দাবীৰ সৈতে ভাইৰেল নৌসেনাৰ অনুশীলনৰ পুৰণি ফটো
বিশ্বাস নিউজে নিজৰ তদন্তত এই ভাইৰেল ছবিখন ২০২৩ চনৰ নৌসেনাৰ অনুশীলনৰ ফটো বুলি বুলি জানিব পাৰিছে।একে সময়তে বাতৰি অনুসৰি ইৰাণে মোছাদৰ বাবে চোৰাংচোৱাগিৰি কৰাৰ সন্দেহত কেইবা ডজন লোকক গ্ৰেপ্তাৰ কৰিছে। অৱশ্যে ধৃত লোকসকলৰ পৰিচয় সন্দৰ্ভত এতিয়ালৈকে ইৰাণৰ পৰা কোনো আনুষ্ঠানিক নিশ্চিতকৰণ হোৱা নাই। এনে পৰিস্থিতিত ভাৰতীয় চোৰাংচোৱাৰ দাবী বিভ্ৰান্তিকৰ।
- By: Umam Noor
- Published: Jun 23, 2025 at 01:29 PM
নতুন দিল্লী (বিশ্বাস নিউজ)। বিভিন্ন ছ’চিয়েল মিডিয়া প্লেটফৰ্মত ভাইৰেল হৈ আছে এখন ছবি। ভাইৰেল ছবিখনত এজন ব্যক্তিক আৰক্ষীৰ জিম্মাত দেখা পোৱা বুলি অভিযোগ উঠিছে। ফটোখন শ্বেয়াৰ কৰাৰ সময়ত এইয়া দাবী কৰা হৈছে যে এই ফটোখন ইজৰাইলৰ মোছাদৰ বাবে চোৰাংচোৱাগিৰি কৰা এজন ভাৰতীয় লোকৰ আৰু তেওঁক ইৰাণত গ্ৰেপ্তাৰ হৈছে।
বিশ্বাস নিউজে নিজৰ তদন্তত এই ভাইৰেল ছবিখন ২০২৩ চনৰ নৌসেনাৰ অনুশীলনৰ ফটো বুলি জানিব পৰা গৈছে।একে সময়তে বাতৰি অনুসৰি ইৰাণে মোছাদৰ বাবে চোৰাংচোৱাগিৰি কৰাৰ সন্দেহত কেইবা ডজন লোকক গ্ৰেপ্তাৰ কৰিছে। অৱশ্যে ধৃত লোকসকলৰ পৰিচয় সন্দৰ্ভত এতিয়ালৈকে ইৰাণৰ পৰা কোনো আনুষ্ঠানিক নিশ্চিতকৰণ হোৱা নাই। এনে পৰিস্থিতিত ভাৰতীয় চোৰাংচোৱাৰ দাবী বিভ্ৰান্তিকৰ।
ভাইৰেল পোষ্টটোত কি আছে?
১৭ জুনত এজন ফেচবুক ব্যৱহাৰকাৰীয়ে ভাইৰেল পোষ্টটো শ্বেয়াৰ কৰি লিখিছিল, “ইজৰাইলৰ মোছাদৰ বাবে চোৰাংচোৱাগিৰি কৰাৰ অপৰাধত ইৰাণত গ্ৰেপ্তাৰ ৭৩ জন ভাৰতীয় আৰু ইয়াত শ শ ভাৰতীয় গৰুৰ গোবৰ ভক্তই ইজৰাইলৰ পতাকা লৈ ঘূৰি ফুৰিছে..??”।
পোষ্টটোৰ আৰ্কাইভ কৰা সংস্কৰণ ইয়াত চাওক।
পুংখাণুপুংখ অনুসন্ধান
আমাৰ তদন্ত আৰম্ভ কৰি আমি প্ৰথমে গুগলত ভাইৰেল ফটোখন অনুসন্ধান কৰিলোঁ। সন্ধান কৰি আমি এই ছবিখন ৱিকিমিডিয়াৰ ৱেবছাইটত পাইছিলোঁ। ইয়াত দিয়া তথ্য অনুসৰি ইৰাণ, চীন আৰু ৰাছিয়াই একেলগে ভাৰত মহাসাগৰত এক অনুশীলন চলাইছিল। ইয়াত তেওঁলোকে হাইজেক কৰা জাহাজ এখন মুক্ত কৰাৰ বাবে অনুশীলন চলাইছিল। তিনিওখন দেশৰ জাহাজ আৰু বিমানে ইয়াত অংশগ্ৰহণ কৰিছিল।
এই ভিত্তিত আমি আমাৰ তদন্ত আগবঢ়ালোঁ আৰু ভাইৰেল ছবিখন তাছনিম নিউজ নামৰ ৱেবছাইটত পাইছিলোঁ। ইয়াত দিয়া তথ্য অনুসৰি ইৰাণ, চীন আৰু ৰাছিয়াই যৌথভাৱে উত্তৰ ভাৰত মহাসাগৰত সামৰিক অনুশীলন (Maritime Security Belt 2023) চলাইছিল। ইয়াত তেওঁলোকৰ নৌসেনা আৰু বায়ুসেনাই হাইজেক কৰা জাহাজ এখন মুকলি কৰিবলৈ প্ৰশিক্ষণ লৈছিল। ভাইৰেল ছবিখনৰ লগতে এই মক ড্ৰিলৰ আন এখন ছবিও এই ফটো গেলেৰীত পোৱা গৈছে।
১৭ জুনত চিএনএনে প্ৰকাশ কৰা অনুসৰি, ‘ইৰানে চোৰাংচোৱাগিৰিৰ সন্দেহত কেইবা ডজন লোকক গ্ৰেপ্তাৰ কৰিছে, যাৰ ফলত ইজৰাইলৰ মোছাদ চোৰাংচোৱা সেৱাই ইছলামিক গণৰাজ্যত অনুপ্ৰৱেশ কৰাৰ সন্দেহ উত্থাপন কৰিছে।কিন্তু গ্ৰেপ্তাৰ হোৱাসকলৰ কোনো পৰিচয় আমি বিচাৰি উলিয়াব পৰা নাই।
ভাইৰেল দাবী নিশ্চিত কৰিবলৈ আমি আমাৰ সহযোগী দৈনিক জাগৰণত আন্তঃৰাষ্ট্ৰীয় বাতৰি কভাৰ কৰা জ্যেষ্ঠ সংবাদদাতা জে পি ৰঞ্জনৰ সৈতে যোগাযোগ কৰিলোঁ। তেওঁ আমাক জনাইছে, ইৰাণ চৰকাৰে গ্ৰেপ্তাৰ হোৱা সন্দেহযুক্ত চোৰাংচোৱাৰ পৰিচয় আনুষ্ঠানিকভাৱে নিশ্চিত কৰা নাই। এনে পৰিস্থিতিত ‘ভাৰতীয় চোৰাংচোৱা’ৰ দাবী একেবাৰে ভুল।
এতিয়া ভুৱা পোষ্টটো শ্বেয়াৰ কৰা ফেচবুক ব্যৱহাৰকাৰীজনৰ ছ’চিয়েল স্কেনিং কৰাৰ পাল পৰিল। আমি দেখিলোঁ যে ব্যৱহাৰকাৰী পুষপেন্দ্ৰ শ্ৰীবাস্তৱৰ বায়’ অনুসৰি ব্যৱহাৰকাৰীজন কোনো ৰাজনৈতিক দলৰ সৈতে জড়িত। তেওঁৰ ঘৰ লক্ষ্ণৌত। একে সময়তে ফেচবুকত ৭ হাজাৰৰো অধিক লোকে তেওঁক ফ’ল’ কৰে।
নিষ্কৰ্ষঃ বিশ্বাস নিউজে নিজৰ তদন্তত এই ভাইৰেল ছবিখন ২০২৩ চনৰ নৌসেনাৰ অনুশীলনৰ ফটো বুলি বুলি জানিব পাৰিছে।একে সময়তে বাতৰি অনুসৰি ইৰাণে মোছাদৰ বাবে চোৰাংচোৱাগিৰি কৰাৰ সন্দেহত কেইবা ডজন লোকক গ্ৰেপ্তাৰ কৰিছে। অৱশ্যে ধৃত লোকসকলৰ পৰিচয় সন্দৰ্ভত এতিয়ালৈকে ইৰাণৰ পৰা কোনো আনুষ্ঠানিক নিশ্চিতকৰণ হোৱা নাই। এনে পৰিস্থিতিত ভাৰতীয় চোৰাংচোৱাৰ দাবী বিভ্ৰান্তিকৰ।
- Claim Review : ফটোখন শ্বেয়াৰ কৰাৰ সময়ত এইয়া দাবী কৰা হৈছে যে এই ফটোখন ইজৰাইলৰ মোছাদৰ বাবে চোৰাংচোৱাগিৰি কৰা এজন ভাৰতীয় লোকৰ আৰু তেওঁক ইৰাণত গ্ৰেপ্তাৰ হৈছে।
- Claimed By : FB User- Pushpendra Srivastava
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
