Fact Check: বিজেপিয়ে ফুলন দেৱীৰ হত্যাকাৰী শ্বেৰ সিং ৰাণাক তাৰকা প্ৰচাৰকৰ তালিকাত অন্তৰ্ভুক্ত কৰা নাই, বিভ্ৰান্তিকৰ দাবী ভাইৰেল
বিজেপিয়ে শ্বেৰ সিং ৰাণাক বিধানসভা নিৰ্বাচন ২০২২ ৰ বাবে তাৰকা প্ৰচাৰক কৰা নাই। হয়, ড০ সঞ্জয় নিশাদৰ দলে নিশ্চিতভাৱে বিজেপিক সমৰ্থন কৰিছে।
- By Vishvas News
- Updated: February 17, 2022
নতুন দিল্লী (বিশ্বাস নিউজ) । উত্তৰ প্ৰদেশ বিধানসভা নিৰ্বাচন ২০২২ৰ পূৰ্বে ছ’চিয়েল মিডিয়াত এটা পোষ্ট শ্বেয়াৰ কৰা হৈছে আৰু দাবী কৰা হৈছে যে বিজেপিয়ে ফুলন দেৱীৰ হত্যাকাৰী শ্বেৰ সিং ৰাণাক তাৰকা প্ৰচাৰক কৰি তুলিছে, আনহাতে সঞ্জয় নিশাদে বিজেপিক সমৰ্থন কৰি আছে।
বিশ্বাস নিউজে ইয়াৰ অনুসন্ধানত দাবীটো বিভ্ৰান্তিকৰ বুলি বিচাৰি পাইছিল। বিজেপিয়ে ২০২২ চনৰ বিধানসভা নিৰ্বাচনৰ বাবে শ্বেৰ সিং ৰাণাক কোনো ৰাজ্যত তাৰকা প্ৰচাৰক কৰা নাই। হয়, উত্তৰ প্ৰদেশনিৰ্বাচনৰ বাবে, নিশাদ পাৰ্টিৰ সভাপতি ড০ সঞ্জয় নিশাদে নিশ্চিতভাৱে বিজেপিৰ সৈতে মিত্ৰতা কৰিছে।
ভাইৰেল পোষ্টটোত কি আছে?
ফে’চবুক ইউজাৰ Rahul Yadav এ ৬ ফেব্ৰুৱাৰী ২০২২ তাৰিখে লিখিছে, বিজেপিয়ে ফুলন দেৱী নিশাদৰ হত্যাকাৰী শ্বেৰ সিং ৰাণাক এজন তাৰকা প্ৰচাৰক কৰি তুলিছে। লজ্জিত হোৱা উচিত।
অনুসন্ধান
ভাইৰেল পোষ্টটোৰ অনুসন্ধান কৰিবলৈ, আমি প্ৰথমে কীৱৰ্ডৰ পৰা ‘শ্বেৰ সিং ৰাণাক বিজেপিৰ দ্বাৰা তাৰকা প্ৰচাৰক কৰা হৈছে’ বুলি দাবী টো বিচাৰিছিলো। আমি ইয়াত তেনেকুৱা কোনো খবৰ পোৱা নাছিলো। তাৰ পিছত আমি উত্তৰ প্ৰদেশত বিজেপিৰ তাৰকা প্ৰচাৰকসকলৰ তালিকা বিচাৰিছিলো। ২০ জানুৱাৰী, ২০২২ তাৰিখে জাগৰণত প্ৰকাশিত এক প্ৰতিবেদন অনুসৰি, বিজেপিয়ে উত্তৰ প্ৰদেশ বিধানসভা নিৰ্বাচনৰ বাবে তাৰকা প্ৰচাৰকসকলৰ তালিকা প্ৰকাশ কৰিছে। ইয়াত প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহকে ধৰি ৩০ জন নেতাৰ নাম অন্তৰ্ভুক্ত আছে। আমি তেওঁলোকৰ ভিতৰত শ্বেৰ সিং ৰাণাৰ নাম পোৱা নাছিলো।
১৯ জানুৱাৰী, ২০২২ তাৰিখে ANI_HindiNews এ বিজেপিৰ ষ্টাৰ কেম্পেইনাৰৰ এখন তালিকা প্ৰচাৰ কৰিছিল।
২০২২ চনৰ ৩ ফেব্ৰুৱাৰীত অমৰ উজালাত প্ৰকাশিত এক প্ৰতিবেদন অনুসৰি, পঞ্জাৱৰ হৈ বিজেপিৰ ৩০ জন তাৰকা প্ৰচাৰক ঘোষণা কৰা হৈছে। প্ৰধানমন্ত্ৰী মোডীৰ উপৰিও, হেমা মালিনী আৰু ৰৌদ্ৰ দেওলৰ নামও ইয়াত অন্তৰ্ভুক্ত কৰা হৈছে।
শ্বেৰ সিং ৰাণাৰ নামও উত্তৰাখণ্ড নিৰ্বাচনৰ বাবে মুকলি কৰা তাৰকা প্ৰচাৰকসকলৰ তালিকাত নাই। ২০২২ চনৰ ২৯ জানুৱাৰীত tv9hindi ত প্ৰকাশিত এক প্ৰতিবেদন অনুসৰি, বিজেপিয়ে উত্তৰাখণ্ড নিৰ্বাচনৰ বাবে ৩০ জন তাৰকা প্ৰচাৰৰ এখন তালিকা প্ৰকাশ কৰিছে। উত্তৰ প্ৰদেশৰ মুখ্যমন্ত্ৰী যোগী আদিত্যনাথেও উত্তৰাখণ্ডত প্ৰচাৰ চলাব।
৩ ফেব্ৰুৱাৰীত নিউজ নেশ্যনত প্ৰকাশিত এক প্ৰতিবেদন অনুসৰি, গোৱা নিৰ্বাচনৰ বাবে বিজেপিৰ তাৰকা প্ৰচাৰকসকলৰ ভিতৰত গৃহমন্ত্ৰী অমিত শ্বাহ আৰু প্ৰতিৰক্ষা মন্ত্ৰী ৰাজনাথ সিঙৰ নাম অন্যতম।
আমি এই সন্দৰ্ভত বিজেপিৰ ৰাষ্ট্ৰীয় মুখপাত্ৰ বিজয় সোনকাৰ শাস্ত্ৰীৰ সৈতে কথা পাতিছিলো। তেওঁ কৈছিল যে বিজেপিয়ে শ্বেৰ সিং ৰাণাক ইয়াৰ তাৰকা প্ৰচাৰক কৰা নাই। এইটো কেৱল এটা উৰাবাতৰি।
আমি তেতিয়া ‘সঞ্জয় নিশাদৰ বিজেপিক সমৰ্থন’ৰ দাবী পৰীক্ষা কৰিছিলো। ২০২২ চনৰ ২৬ জানুৱাৰীত navbharattimes ত লিখা হৈছে যে এসময়ত এছপিৰ সৈতে থকা নিশাদ দলে এইবাৰ নিৰ্বাচনত বিজেপিক সমৰ্থন জনাইছে। বিজেপিয়ে নিশাদ পাৰ্টিৰ সভাপতি ড০ সঞ্জয় নিশাদক বিধান পৰিষদলৈ পঠিয়াইছে য’ত তেওঁৰ পুত্ৰ বিজেপিৰ এজন সাংসদ।
আমি ফেচবুক ব্যৱহাৰকাৰী Rahul Yadavৰ প্ৰ’ফাইল স্কেন কৰিছিলো যিয়ে বিভ্ৰান্তিকৰ পোষ্টটো ভাইৰেল কৰিছিল। তেওঁ এটা ৰাজনৈতিক আদৰ্শৰ দ্বাৰা অনুপ্ৰাণিত।
নিষ্কৰ্ষঃ বিজেপিয়ে শ্বেৰ সিং ৰাণাক বিধানসভা নিৰ্বাচন ২০২২ ৰ বাবে তাৰকা প্ৰচাৰক কৰা নাই। হয়, ড০ সঞ্জয় নিশাদৰ দলে নিশ্চিতভাৱে বিজেপিক সমৰ্থন কৰিছে।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
-
Whatsapp 9205270923
-
Telegram 9205270923
-
Email-Id contact@vishvasnews.com
