X

Fact Check: কেন্দ্ৰীয় কৰ্মচাৰী, পেঞ্চনাৰসকলৰ ডিএ আৰু ডিআৰৰ ভুৱা জাননী ভাইৰেল

উপসংহাৰ: বিশ্বাস নিউজৰ তদন্তত DA আৰু DR ৰ দাবী ভুৱা বুলি পৰিগণিত হৈছে। বিত্ত মন্ত্ৰালয়ে ভাইৰেল পত্ৰখন ভুৱা বুলি অভিহিত কৰিছে।

  • By Vishvas News
  • Updated: July 1, 2021

বিশ্বাস নিউজ (নতুন দিল্লী) । ছ’চিয়েল মিডিয়া ব্যৱহাৰকাৰীসকলে শেহতীয়াকৈ এখন বিশেষ পত্ৰ শ্বেয়াৰ কৰি থকা দেখা গৈছে। এই দাবী কৰা হৈছে যে দেশৰ বিত্ত মন্ত্ৰালয়ে ১ জুলাই, ২০২১ তাৰিখে ক’ৰোনা সন্দৰ্ভত এক বিশেষ বৈঠকত ক’ৰোনাৰ বাবে কেন্দ্ৰীয় কৰ্মচাৰী আৰু পেঞ্চনাৰসকলে পাবলৈ বাকী থকা মৰগীয়া বানচ আৰু ডিআৰ পৰিশোধ কৰাৰ সিদ্ধান্ত লৈছে। দাবী কৰা অনুসৰি, এই ধন তিনিটা কিস্তিত পৰিশোধ কৰা হ’ব। পিছে, বিশ্বাস নিউজৰ অনুসন্ধানত এই দাবীটো ভুৱা বুলি প্ৰমাণিত হৈছে। বিত্ত মন্ত্ৰালয়ে এই ভাইৰেল পত্ৰখন ভুৱা বুলি অভিহিত কৰিছে।

কি এই ভাইৰেল পোষ্ট?

ফে’চবুক ইউজাৰ Sanjeet Singhania এ বিগত ২৬ জুন ২০২১ তাৰিখে এই ভাইৰেল পত্ৰখন শ্বেয়াৰ কৰি লিখিছে, “ভাৰত চৰকাৰে কোভিড সংকটৰ বাবে কেন্দ্ৰীয় কৰ্মচাৰীসকলৰ মহাৰ্ঘভাট্টা নিষিদ্ধকৰণ জানুৱাৰী, ২০২০ ৰ পৰা উঠাই লোৱা হৈছে।’ এই পোষ্টটোৰ আৰ্কাইভ সংস্কৰণটো ইয়াত ক্লিক কৰি চাব পাৰিব।

ফে’চবুক ইউজাৰ Umed Parashar – এও এই ভাইৰেল পত্ৰখন নিজৰ টাইমলাইনত পোষ্ট কৰিছে। এই পোষ্টটোৰ আৰ্কাইভ সংস্কৰণ ইয়াত ক্লিক কৰি চাব পাৰিব।

একেটা দাবী টুইটাৰতো ভাইৰেল হৈ আছে। ৰাম ৰাজপুত জয় হিন্দ নামৰ টুইটাৰ ব্যৱহাৰকাৰীয়ে ২৭ জুন, ২০২১ তাৰিখে এই ভাইৰেল পত্ৰ টুইট কৰি কৈছিল যে কেন্দ্ৰীয় চৰকাৰে ৰখা মহাৰ্ঘ ভাট্টা জুলাইৰ পৰা ৩টা কিস্তিত পৰিশোধৰ অনুমতি দিয়া হ’ব। এই টুইটটোৰ আৰ্কাইভ কৰা সংস্কৰণটো ইয়াত ইয়াত ক্লিক কৰি চাব পাৰিব।

অনুসন্ধান

বিশ্বাস নিউজে প্ৰথমে ভাইৰেল ফটো আৰু পোষ্টবোৰ ভালদৰে পৰীক্ষা কৰি চাইছিল। ২০২১ চনৰ ২৬ জুনত জাৰি কৰা এই পত্ৰখনত কোৱা হৈছে যে ১ জুলাই, ২০২১ৰ পৰা কোভিড-১৯ সংকটৰ বাবে কেন্দ্ৰীয় কৰ্মচাৰীসকলে পাবলগীয়া মৰগীয়া বানচ আৰু পেঞ্চনাৰসকলৰ অনাদায়ী ডিআৰ মোকলাই দিয়াৰ সিদ্ধান্ত লোৱা হৈছে। কিছুমান ব্যৱহাৰকাৰীয়ে টুইটাৰ পোষ্টত শ্বেয়াৰ কৰা ভাইৰেল পত্ৰখনত মন্তব্য কৰি ইয়াক ভুৱা আদেশ বুলিও অভিহিত কৰিছে।

বিশ্বাস নিউজে এই ভাইৰেল দাবী কৰিবলৈ প্ৰয়োজনীয় কী-ৱৰ্ডৰ সহায়ত ইণ্টাৰনেটত অনুসন্ধান কৰিছিল। আমি ২৮ জুন, ২০২১ তাৰিখে আমাৰ সহকৰ্মী দৈনিক জাগৰণৰ ৱেবছাইটত প্ৰকাশিত এক প্ৰতিবেদন পাইছিলো। প্ৰতিবেদনখনত কোৱা হৈছে যে ২০২১ চনৰ জুলাইমাহৰ পৰা বিত্ত মন্ত্ৰালয়ে কেন্দ্ৰীয় চৰকাৰৰ কৰ্মচাৰীসকলক ডিএ পুনৰ আৰম্ভ কৰা আৰু কেন্দ্ৰীয় চৰকাৰৰ পেঞ্চনাৰসকলক মহাৰ্ঘসকাহ প্ৰদান কৰাৰ দাবী কৰি ছ’চিয়েল মিডিয়াত ভাইৰেল হৈ থকা এটা বাৰ্তামিছা বুলি অভিহিত কৰিছে। এই প্ৰতিবেদনটো ইয়াত ক্লিক কৰি বিতংভাৱে পঢ়িব পাৰিব।

ইকনমিক টাইমছে ২৮ জুন, ২০২১ তাৰিখে পিটিআইৰ উদ্ধৃতিৰে এটা প্ৰতিবেদনো প্ৰকাশ কৰিছে। প্ৰতিবেদনখনে বিত্ত মন্ত্ৰালয়ৰ উদ্ধৃতি দি কৈছিল যে বৰ্ধিত ডিএ আৰু ডিআৰ পৰিশোধৰ বাবে কোনো নিৰ্দেশ জাৰি কৰা হোৱা নাই। এই প্ৰতিবেদনটো ইয়াত ক্লিক কৰি চাব পাৰিব।

বিশ্বাস নিউজেও বিত্ত মন্ত্ৰালয়ৰ অফিচিয়েল টুইটাৰ হেণ্ডেলৰ পৰা প্ৰকাশ কৰা এটা টুইটযোগে ভাইৰেল পত্ৰখন লাভ কৰিছিল। বিত্ত মন্ত্ৰালয়ে ২০২১ চনৰ ২৬ জুনত এটা ভাইৰেল পত্ৰ টুইট কৰি কয় যে ভাৰত চৰকাৰে এনে কোনো আনুষ্ঠানিক পত্ৰ জাৰি কৰা নাই আৰু এই ভাইৰেল পত্ৰখন ভুৱা। এই টুইটটো তলত চাব পাৰিব –

উল্লেখযোগ্য যে যোৱা বছৰ এপ্ৰিলত, কৰোনা মহামাৰীৰ পৰিপ্ৰেক্ষিতত, মৰগীয়া বানচ বৃদ্ধিৰ কাম জুন ২০২১ লৈকে স্থগিত কৰা হৈছিল। বিশ্বাস নিউজে ভাইৰেল দাবীটো আমাৰ সহকৰ্মী দৈনিক জাগৰণ অনলাইনৰ উপ সম্পাদক তথা এগৰাকী পেছাদাৰী আৰু ব্যক্তিগত বিত্ত বিশেষজ্ঞ মনীষ মিশ্ৰলৈ প্ৰেৰণ কৰিছিলোঁ। তেওঁ এই কথা নিশ্চিত কৰিছিল যে ভাইৰেল পত্ৰখন বিত্ত মন্ত্ৰালয়ে অস্বীকাৰ কৰিছে। তেওঁ কয় যে যোৱা বছৰ কৰোনাৰ কাৰণে ডিএ বৃদ্ধি স্থগিত ৰখা হৈছিল আৰু এতিয়ালৈকে এই সন্দৰ্ভত কোনো সিদ্ধান্ত গ্ৰহণ কৰা হোৱা নাই।

বিশ্বাস নিউজে ভাইৰেল দাবীটো শ্বেয়াৰ কৰা ফেচবুক ব্যৱহাৰকাৰী সঞ্জিত সিংঘানিয়াৰ প্ৰ’ফাইল স্কেন কৰিছিল। ব্যৱহাৰকাৰীজন বিহাৰৰ চাহৰচাৰ পৰা আহিছে আৰু বাতৰি লিখাৰ পৰলৈকে এই প্ৰ’ফাইলটোত ২৩৫৯ জন অনুসৰণকাৰী আছিল।

নিষ্কৰ্ষঃ উপসংহাৰ: বিশ্বাস নিউজৰ তদন্তত DA আৰু DR ৰ দাবী ভুৱা বুলি পৰিগণিত হৈছে। বিত্ত মন্ত্ৰালয়ে ভাইৰেল পত্ৰখন ভুৱা বুলি অভিহিত কৰিছে।

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

ট্যাগ্স

পোস্ট ইওর সাজেশন
অধিক পঢ়ক

No more pages to load

রিলেটেড আর্টিকলেস

Next pageNext pageNext page

Post saved! You can read it later