Fact Check: দলিত যুৱকত ধৰ্মীয় শ্লোগান দিবলৈ বাধ্য কৰাৰ পুৰণি ভিডিঅ’ বিভ্ৰান্তিকৰ দাবীৰ সৈতে ভাইৰেল
মধ্য প্ৰদেশৰ ভিণ্ডত 2023-ৰ আগষ্টত দলিত যুৱকক পিটন দি তেওঁক ধৰ্মীয় শ্লোগান দিবলৈ বাধ্য কৰাৰ ঘটনা পোহৰলৈ আহিছিল। সেই ঘটনাত আৰক্ষীয়ে অভিযুক্তসকলক গ্ৰেপ্তাৰ কৰিছিল। সেই ভিডিঅ’টোক এতিয়া শ্বেয়াৰ কৰি বিভ্ৰান্তি সৃষ্টি কৰা হৈ আছে।
- By: Sharad Prakash Asthana
- Published: Apr 12, 2025 at 03:07 PM
নতুন দিল্লী (বিশ্বাস নিউজ)। সাম্প্ৰদায়িক সম্প্ৰীতিক নষ্ট কৰিব পৰা এটা পোষ্টক ছ’চিয়েল মিডিয়াত ভাইৰেল কৰা হৈ আছে। তাত দেখা পোৱা গৈ আছে কেইজনমান মানুহে এজন যুৱকক ‘জয় শ্ৰীৰাম’ ধ্বনি দিবলৈ আৰু আপত্তিজনক শব্দ কোৱাৰ কাৰণে বাধ্য কৰি আছে। ভিডিঅ’ক শ্বেয়াৰ কৰি কেইজনমান ইউজাৰে দাবী কৰি আছে যে দলিত যুৱকক পিটন দি তেওঁক শ্লোগান দিবলৈ বাধ্য কৰা হৈ আছে। ইউজাৰসকলে এইটোক শেহতীয়া বুলি ভাবি শ্বেয়াৰ কৰি আছে।
বিশ্বাস নিউজে অনুসন্ধান কৰাৰ পাছত গম পাইছে ভাইৰেল ভিডিঅ’টো মধ্য প্ৰদেশৰ ভিণ্ডত 2023-ৰ আগষ্টত হোৱা ঘটনাৰ হয়। এই ঘটনা পোহৰলৈ অহাৰ পাছত আৰক্ষীয়ে অভিযুক্তসকলক গ্ৰেপ্তাৰ কৰিছিল। সেই পুৰণি ভিডিঅ’ক এতিয়া শ্বেয়াৰ কৰি ইউজাৰসকলে বিভ্ৰান্তিৰ সৃষ্টি কৰি আছে।
ভাইৰেল পোষ্ট
ফেচবুক ইউজাৰ Babloo Yadav 10 এপ্ৰিলত ভিডিঅ’টো শ্বেয়াৰ (আৰ্কাইভ লিংক) কৰি লিখিছে,
“জয় শ্ৰীৰাম ধ্বনি দে…-ৰ বাপেক ঠাকুৰ হয়, কোৱা…-ৰ বাপেক ঠাকুৰ হয়। এনেকৈ ধৰ্ম আৰু জাতিৰ ৰক্ষা কৰি আছে মোগল পুত্ৰ। এই ভিডিঅ’টো কোনখন ঠাইৰ হয়, কোনোবা ক’ব নে।“
এক্স ইউজাৰ @Advocatehca-এও এই ভিডিঅ’টোক একে ধৰণৰ দাবীৰ সৈতে শ্বেয়াৰ (আৰ্কাইভ লিংক) কৰিছে।
অনুসন্ধান
ভাইৰেল দাবীক লৈ অনুসন্ধান কৰাৰ কাৰণে আমি কী-ৱৰ্ড দি এই বিষয়ত গুগল ছাৰ্চ কৰিছিলোঁ। আইবিচি 24-ৰ ৱেবছাইটত 12 আগষ্ট 2023-ত প্ৰকাশ পোৱা বাতৰি-ত ভিডিঅ’টোৰ স্ক্ৰীণ শ্বট দেখিবলৈ পোৱা গৈ আছে। বাতৰি অনুসৰি, ঘটনাটো মধ্য প্ৰদেশৰ ভিণ্ডৰ হয়, তাত দলিত যুৱকক ‘জয় শ্ৰীৰাম’ ধ্বনি দিবলৈ বাধ্য কৰা হৈছিল। যুৱকক আপত্তিজনক শব্দ কোৱাৰ কাৰণেও বাধ্য কৰা হৈছিল। এই ঘটনাত আৰক্ষীয়ে গোচৰ দাখিল কৰি তিনি জন অভিযুক্তক গ্ৰেপ্তাৰ কৰিছিল।
টিভি9 আৰু আজতক-ৰ ৱেবছাইটতো এই সম্বন্ধীয় বাতৰি 12 আগষ্ট 2023-ত প্ৰকাশ পাইছিল। তাতেও কোৱা হৈছে যে ভিডিঅ’টো মধ্য প্ৰদেশৰ ভিণ্ডৰ হয়।
আজতক-ত প্ৰকাশ পোৱা বাতৰি অনুসৰি, 9 আগষ্টত দলিত যুৱক জন বাইক চলাই ঘৰলৈ গৈ আছিল। বাটতে স্কুটিত আহি থকা দুই জন যুৱকে দলিত যুৱকক পিটন দিছিল আৰু ধৰ্মীয় শ্লোগান দিবলৈ বাধ্য কৰিছিল। 11 আগষ্টত ভুক্তভোগীয়ে গোহদ চৌৰাহা আৰক্ষী থানাত অভিযোগ দাখিল কৰিছিল। আৰক্ষীয়ে এই ঘটনাত চাৰি জন অভিযুক্তৰ নাম গম পাইছিল। তাৰে মাজত তিনি জনক গ্ৰেপ্তাৰ কৰা হৈছিল।
এই ঘটনাত আমি ভিণ্ডত নঈ দুনিয়াৰ ৰিপোৰ্টাৰ মনোজ শ্ৰীবাস্তৱৰ সৈতে যোগাযোগ কৰিছিলোঁ। তেওঁ আমাক কৈছে যে ভাইৰেল ভিডিঅ’টো প্ৰায় দুই বছৰ আগৰ হয়। এই ঘটনাত আৰক্ষীয়ে অভিযুক্তসকলক গ্ৰেপ্তাৰ কৰিছিল। শেহতীয়াকৈ এনেকুৱা কোনো ঘটনা সংঘটিত হোৱা নাই।
পুৰণি ভিডিঅ’ক শ্বেয়াৰ কৰা ফেচবুক ইউজাৰ-ৰ প্ৰোফাইল আমি স্কেন কৰিছিলোঁ। প্ৰয়াগৰাজত বসবাস কৰা এই যুৱকজন এটা ৰাজনৈতিক দলৰ সৈতে যুক্ত।
সিদ্ধান্ত: মধ্য প্ৰদেশৰ ভিণ্ডত 2023-ৰ আগষ্টত দলিত যুৱকক পিটন দি তেওঁক ধৰ্মীয় শ্লোগান দিবলৈ বাধ্য কৰাৰ ঘটনা পোহৰলৈ আহিছিল। সেই ঘটনাত আৰক্ষীয়ে অভিযুক্তসকলক গ্ৰেপ্তাৰ কৰিছিল। সেই ভিডিঅ’টোক এতিয়া শ্বেয়াৰ কৰি বিভ্ৰান্তি সৃষ্টি কৰা হৈ আছে।
- Claim Review : দলিত যুৱকক পিটন দি ধৰ্মীয় শ্লোগান দিবলৈ বাধ্য কৰা হৈছে।
- Claimed By : FB User- Babloo Yadav
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
