Fact Check: মহম্মদ চিৰাজে বিৰাট কোহলী আৰু আৰচিবিৰ ওপৰত এই বিবৃতি দিয়া নাছিল, মিছা দাবী ভাইৰেল হৈছে

নতুন দিল্লী (বিশ্বাস সংবাদ)। ইণ্ডিয়ান প্ৰিমিয়াৰ লীগ (আই পি এল) 2025 ত, মহম্মদ চিৰাজে এইবাৰ গুজৰাট টাইটানছৰ হৈ খেলিব। মহম্মদ চিৰাজেও এই বিষয়ে এটা আৱেগিক পোষ্ট শ্বেয়াৰ কৰিছে। ইফালে, ছ’চিয়েল মিডিয়াত এটা পোষ্ট শ্বেয়াৰ কৰি কেপচনত জনাইছে যে, মহম্মদ চিৰাজে কৈছে যে তেওঁ আই পি এলত আৰ চি বিৰ বিৰুদ্ধে খেলখনত খেলিব নোৱাৰে কিয়নো তেওঁ বিৰাট কোহলীৰ সন্মুখত বলিং কৰিব নোৱাৰিব। বহুতো ব্যৱহাৰকাৰীয়ে এই দাবীটো সঁচা বুলি শ্বেয়াৰ কৰিছে। 

বিশ্বাস নিউজৰ অনুসন্ধানত, ভাইৰেল দাবীটো মিছা বুলি পৰিগণিত হৈছিল। মহম্মদ চিৰাজৰ নামত ছচিয়েল মিডিয়াত ভাইৰেল বিবৃতিটো ভুৱা। প্ৰকৃততে, মহম্মদ চিৰাজে তেনে কোনো মন্তব্য দিয়া নাই। মহম্মদ চিৰাজে ৰয়েল চেলেঞ্জাৰ্ছ বাংগালোৰ  (আৰচিবি)ৰ বিষয়ে এটা আৱেগিক পোষ্ট শ্বেয়াৰ কৰিছে  । 

ভাইৰেল পোষ্টটোত কি আছে?

ছ’চিয়েল মিডিয়া ব্যৱহাৰকাৰী অবিৰাট১৮ (আৰ্কাইভ লিংক)য়ে ভাইৰেল পোষ্টটো শ্বেয়াৰ কৰিছে । পোষ্টটোত লিখা আছে, মহম্মদ চিৰাজে কৈছিল, “মই  আই পি এল ২০২৫  ত আৰ চি বিৰ বিৰুদ্ধে দুখন মেটচ খেলিব নোৱাৰিম কাৰণ মই সেই খেলখনত বিৰাট ভাইৰ সন্মুখত বলিং কৰিব লাগিব আৰু এইটো মোৰ বাবে সম্ভৱ নহ’ব। “

পুংখানুপুংখ সন্ধান

ভাইৰেল দাবীৰ সত্যতা জানিবলৈ, আমি সম্পৰ্কিত কীৱৰ্ডৰ সৈতে গুগল অনুসন্ধান কৰিছিলো। আমি অনুসন্ধানৰ ওপৰত কোনো বিশ্বাসযোগ্য মিডিয়া প্ৰতিবেদন পোৱা নাছিলো, যিয়ে এই ভাইৰেল দাবীটো সত্য প্ৰমাণিত কৰিব পাৰে। যদি মহম্মদ চিৰাজে এনে ধৰণৰ কোনো মন্তব্য দিছিল, তেন্তে এইটো শিৰোনামত থাকিলহেঁতেন। কিন্তু আমি তেনে কোনো বাতৰি বা পোষ্ট বিচাৰি পোৱা নাছিলো। 

তদন্তটো আগুৱাই লৈ, আমি মহম্মদ চিৰাজৰ অফিচিয়েল ছ’চিয়েল মিডিয়া হেণ্ডেলবোৰ স্কেন কৰিলোঁ । আমি ইয়াত ভাইৰেল দাবীৰ সৈতে সম্পৰ্কিত কোনো পোষ্ট বিচাৰি পোৱা নাছিলো। কিন্তু আমি ২০২৪ চনৰ ২৬ নৱেম্বৰত মহম্মদ চিৰাজৰ প্ৰমাণীকৃত ইনষ্টাগ্ৰাম হেণ্ডেলত  এটা পোষ্ট পাইছিলো। এটা ভিডিঅ’ শ্বেয়াৰ কৰি, তেওঁ আৰচিবিত তেওঁৰ যাত্ৰাৰ বিষয়ে কৈছে। পোষ্টটোত, তেওঁ তেওঁৰ অনুৰাগী আৰু দলক ধন্যবাদ জনাইছে। 

 “আৰচিবিৰ সৈতে সাত বছৰ কটাইছো, সেয়ে এইয়া মোৰ অতি অন্তৰংগ। যেতিয়া মোৰ আৰচিবি জাৰ্চীত অতিবাহিত কৰা সময়ৰ কথা মনত পৰে, মোৰ হৃদয় মৰম আৰু সন্মানেৰে ভৰি পৰে। প্ৰথমবাৰৰ বাবে মই আৰচিবিৰ জাৰ্চী পিন্ধিছিলো, মই কেতিয়াও কল্পনা কৰা নাছিলো যে আমাৰ মাজত এনে সম্পৰ্ক থাকিব। আৰচিবিৰ ৰঙত বল কৰা প্ৰথম বলৰ পৰা উইকেট লোৱালৈকে, প্ৰতিখন মেটচ খেলা,  আপোনাৰ সৈতে শ্বেয়াৰ কৰা প্ৰতিটো মুহূৰ্ত এক স্মৰণীয় যাত্ৰা।  বহুতো উত্থান-পতন হৈছে, কিন্তু এটা বস্তু স্থিৰ হৈ আছে, সেয়া হৈছে আপোনাৰ সমৰ্থন। আৰচিবি এটা ফ্ৰেঞ্চাইজিতকৈ অধিক, এইয়া এক অনুভৱ,  ঘৰৰ দৰে অনুভৱ অনা এক পৰিয়াল। 

“যদিও মই এতিয়া মোৰ কেৰিয়াৰৰ এটা নতুন অধ্যায়ত ভৰি দি আছো, আৰচিবি সদায় মোৰ হৃদয়ৰ অংশ হৈ থাকিব। এইটো বিদায় নহয়- এইয়া বিদায় নহয় থ্যাংকচ গিভিং। মোৰ ওপৰত বিশ্বাস কৰা, মোক আলিঙ্গন কৰা আৰু মোক ক্ৰিকেটতকৈ ডাঙৰ কিবা এটা অংশ অনুভৱ কৰাই দিয়াৰ বাবে ধন্যবাদ। “

আমি ইংৰাজী জাগৰণৰ ৱেবছাইটত মহম্মদ চিৰাজে শ্বেয়াৰ কৰা পোষ্টটোৰ সৈতে সম্পৰ্কিত বাতৰিও পাইছিলো।  ২০২৪ চনৰ ২৬ নৱেম্বৰত  প্ৰকাশিত বাতৰিটোৱেও ভাইৰেল দাবী সম্পৰ্কীয় কোনো তথ্য বিচাৰি পোৱা নাছিল। 

আমি এই বিষয়ত ক্ৰীড়া সাংবাদিক আৰু ভাষ্যকাৰ চয়দ হুছেইনৰ সৈতে যোগাযোগ কৰিছিলো। তেওঁ আমাক কৈছিল যে ভাইৰেল দাবীটো মিছা । মহম্মদ চিৰাজে তেনে কোনো মন্তব্য দিয়া নাই।

অৱশেষত, আমি পোষ্টটো শ্বেয়াৰ কৰা ব্যৱহাৰকাৰীৰ একাউণ্ট স্কেন কৰিলোঁ। আমি দেখিছিলো যে ব্যৱহাৰকাৰীয়ে ক্ৰীড়া সম্পৰ্কীয় পোষ্টসমূহ শ্বেয়াৰ কৰে।

উপসংহাৰ: বিশ্বাস নিউজে ইয়াৰ অনুসন্ধানত জানিব পাৰিছিল যে মহম্মদ চিৰাজৰ নামত ভাইৰেল বিবৃতিটো মিছা। মহম্মদ চিৰাজে আৰচিবিৰ বিষয়ে এক আৱেগিক পোষ্ট শ্বেয়াৰ কৰিছে, কিন্তু ভাইৰেল দাবীৰ সৈতে সম্পৰ্কিত কোনো পোষ্ট কৰা নাই। মানুহে  চ’চিয়েল মেডিয়াত ভুৱা পোষ্ট শ্বেয়াৰ কৰি আছে। 

ট্যাগ্স

• Cricket News
• Mohammad Siraj statement