X

Fact Check: ছবিখনত দেখা মহিলা বিষয়াৰক লৈ প্ৰচাৰ কৰা কাহিনীটো মনেসজা

উপসংহাৰ : এই ভাইৰেল দাবীটো ভুৱা। দৰাচলতে, ছবিখনত থকা মহিলাগৰাকী হৈছে অৱন্তিকা তিৱাৰী, যি মধ্যপ্ৰদেশৰ পান্না জিলাৰ এগৰাকী তহচিলদাৰ, কালেক্টৰ নহয়। ভাইৰেল পোষ্টত তেওঁৰ ছবিৰ সৈতে লিখা কাহিনীটোও মনেসজা।

  • By Vishvas News
  • Updated: May 31, 2021

বিশ্বাস নিউজ, নতুন দিল্লী। শেহতীয়াকৈ ছচিয়েল মিডিয়াত এগৰাকী মহিলাৰ ফটো ব্যাপকভাৱে ভাইৰেল হৈ আছে। ছবিখনত মহিলাগৰাকীক কালেক্টৰ বুলি দাবী কৰা হৈছে, য’ত এবাৰ দশম শ্ৰেণীৰ পৰীক্ষাত উত্তীৰ্ণ হোৱাৰ পিছত হোটেলৰ মালিকে তেওঁক এটা পাৰ্টি দিছিল কিয়নো মহিলাগৰাকীৰ দেউতাকৰ ওচৰত তেওঁৰ সন্তানৰ সাফল্যৰ বাবে পাৰ্টি দিবলৈ টকা নাছিল। বিশ্বাস নিউজে ইয়াৰ নিজস্ব অনুসন্ধানত লাভ কৰা তথ্য অনুসৰি দাবীটো ভুৱা। দৰাচলতে, ছবিখনত থকা মহিলাগৰাকী হৈছে অৱন্তিকা তিৱাৰী, যি হৈছে মধ্যপ্ৰদেশৰ পান্না জিলাৰ এগৰাকী তহচিলদাৰ, কালেক্টৰ নহয়। ভাইৰেল হোৱা এই কাহিনীটো মনেসজা।

কি  এই ভাইৰেল পোষ্ট?

ফেচবুক ইউজাৰ ‘অজয় চাওদা’ই এগৰাকী মহিলাৰ ফটো পোষ্ট কৰি লিখিছে, “এজন মানুহে ফটা ধুতি পিন্ধি আছিল আৰু তেওঁ এদিন তেওঁৰ ১৫-১৬ বছৰীয়া জীয়েকৰ সৈতে এখন ডাঙৰ হোটেলত উপস্থিত হৈছিল। তেওঁলোক দুয়োকে চকী এখনত বহি থকা দেখি এজন ৱেইটাৰে তেওঁলোকৰ সন্মুখত পৰিষ্কাৰ ঠাণ্ডা পানী দুগিলাচ ৰাখি সুধিলে, “আপোনাৰ বাবে কি আনিব লাগিব?” মানুহজনে ক’লে, “মই মোৰ ছোৱালীক প্ৰতিশ্ৰুতি দিছিলো যে যদি তেওঁ দশম শ্ৰেণীত জিলাখনৰ ভিতৰত প্ৰথম স্থান লাভ কৰে তেন্তে তেওঁক মই চহৰৰ আটাইতকৈ ডাঙৰ হোটেলখনত এটা দোচা খুৱাম। মই মোৰ প্ৰতিশ্ৰুতি পূৰণ কৰিলো। অনুগ্ৰহ কৰি এওৰ বাবে এটা দোচা আনিব। “ৱেইটাৰে পুনৰ সুধিলে, ” আৰু আপোনাৰ বাবে কি আনিব লাগিব?”

তেওঁ ক’লে, “মোৰ ওচৰত এটা দোচাৰ বাবেই ধন আছে। “গোটেই কথাখিনি শুনি ৱেইটাৰে মালিকৰ ওচৰলৈ গৈ গোটেই কাহিনীটো ক’লে আৰু মালিকক ক’লে, “মই তেওঁলোক দুয়োকে পেট ভৰাই খুৱাব বিচাৰো, কিন্তু মোৰ ওচৰত এতিয়া ইমান টকা নাই, গতিকে আপুনি মোৰ দৰমহাৰ পৰা তেওঁলোকৰ বিলখিনি কৰ্তন কৰিব পাৰে।” তেতিয়া মালিকে কৈছিল, “আজি আমি হোটেলৰ হৈ এইগৰাকী অনহাৰ কন্যাৰ সফলতাৰ পাৰ্টি দিম। হোটেল ব্যৱসায়ীজনে এখন মেজ সুন্দৰকৈ সজাই তুলিলে আৰু দৰিদ্ৰ ছোৱালীজনীৰ সফলতাক অতি চমৎকাৰ ভাৱে উপস্থিত সকলো গ্ৰাহকৰ সৈতে উদযাপন কৰিলে। মালিকজনে তেওঁলোকক এটা ডাঙৰ মোনাত তিনিটা দোচা আৰু গোটেই ৰাস্তাত বিতৰণ কৰিব লগা মিঠাই, উপহাৰেৰে ভৰাই ৰাখিছিল।

ইমান সন্মানৰ পিছত তেওঁলোকে দুচকুত আনন্দাশ্ৰু লৈ ঘৰলৈ উভতিছিল। সময় পাৰ হৈ গ’ল আৰু এদিন একেজনী ছোৱালীয়ে আই.এ.এছ. পৰীক্ষাত উত্তীৰ্ণ হ’ল আৰু কালেক্টৰ হিচাপে একেখন চহৰলৈ আহিল। তেওঁ প্ৰথমে একেখন হোটেললৈ এজন কৰ্মচাৰী প্ৰেৰণ কৰি কৈছিল যে কালেক্টৰ মেডাম ৰাতিপুৱাৰ আহাৰ গ্ৰহণৰ বাবে ইয়ালৈ আহিব। হোটেল মালিকজনে লগে লগে এখন মেজ ভালদৰে সজালে। খবৰটো শুনিবলৈ পোৱাৰ লগে লগে গোটেই হোটেলখন গ্ৰাহকেৰে ভৰি পৰিছিল। একেজনী ছোৱালী, কালেক্টৰ ৰূপী, তাইৰ মাক-দেউতাকো হাঁহি হাঁহি হোটেলখনত উপস্থিত হৈছিল। সকলোৱে তেওঁৰ সন্মানত থিয় হৈছিল। হোটেলখনৰ গৰাকীয়ে তেওঁলোকক এটা ফুলৰ তোৰাও উপহাৰ দিছিল। আৰু অৰ্ডাৰৰ বাবে অনুৰোধ কৰিছিল।

ছোৱালীজনীয়ে থিয় হৈ হোটেল মালিক আৰু ৱেইটাৰজনৰ সমূখত থিয় হৈ নমস্কাৰ কৰি ক’লে, “হয়তো আপোনালোক দুয়োজনে মোক চিনি পোৱা নাছিল। মই সেই একেজনী ছোৱালী যাৰ দেউতাকৰ হাতত এদিন আন এটা দোচা কিনিবলৈ টকা নাছিল আৰু আপুনি দুয়োজনে মোৰ সাফল্য উদযাপন কৰিবলৈ এটা বিশাল পাৰ্টি দিছিল, মানৱতাৰ এক প্ৰকৃত উদাহৰণ প্ৰতিষ্ঠা কৰিছিল, আৰু মোৰ গোটেই চুবুৰীয়াৰ বাবে মিঠাই পঠিয়াই দিছিল। 🎈 আজি মই আপোনালোক দুয়োৰে বাবেই আজিৰ এই স্থানত উপনীত হ’ব পাৰিছো। মই আপোনালোক দুয়োকে কৃতজ্ঞতাৰে সদায় মনত ৰাখিম। আজি, এই পাৰ্টিটো মোৰ ফালৰ পৰা দিছো আৰু মই উপস্থিত সকলো গ্ৰাহক আৰু হোটেলৰ সমগ্ৰ কৰ্মচাৰীৰ আহাৰৰ বিল পৰিশোধ কৰিম। কাইলৈ, আপোনালোক দুয়োকে এখন নাগৰিক মঞ্চত “শ্ৰেষ্ঠ নাগৰিক” ৰে সন্মানিত কৰা হ’ব। “

এই পোষ্টটোৰ  আৰ্কাইভ সংস্কৰণ ইয়াত চাব পাৰিব।

অনুসন্ধান

আমি এই পোষ্টটো পৰীক্ষা কৰিবলৈ গুগল ৰিভাৰ্চ ইমেজত এই ফটোখন শ্বেয়াৰ কৰিছিলো। আমি এই ছবিখন dr_avantika_tiwari নামৰ এটা  ইনষ্টাগ্ৰাম প্ৰ’ফাইলত দেখিবলৈ পাইছিলো। আমি অৱন্তিকা তিৱাৰীৰ টুইটাৰ  হেণ্ডেলত তেখেতৰ প্ৰ’ফাইল পিকৰ দৰে একেখন ছবি পাইছিলো।

তেহচিলদাৰ অৱন্তিকা তিৱাৰীৰ বিষয়ে ইণ্টাৰনেটত অনুসন্ধান কৰাৰ সময়ত, আমি গম পালোঁ যে অৱন্তিকা তিৱাৰী এগৰাকী তেহচিলদাৰ আৰু তেওঁ মধ্যপ্ৰদেশৰ পান্না জিলাৰ কালেক্টৰ নহয়। ইয়াত আমি তেওঁলোকৰ বিষয়ে এনে কোনো আবেগিক কাহিনীও পোৱা নাছিলো।

আমি ভাইৰেল দাবীটো নিশ্চিত কৰিবলৈ অৱন্তিকা তিৱাৰীৰ কাষ চাপিছিলো। অৱন্তিকা তিৱাৰীৰ সহকাৰী অশোকে নিশ্চিত কৰিছিল যে ছবিখন অৱন্তিকা তিৱাৰীৰ হয় কিন্তু তেওঁৰ নাম সংলগ্ন কৰি লিখা কাহিনীটো ভুৱা। তেওঁলোকৰ লগত তেনেকুৱা একো হোৱা নাছিল।

আমি এই বিষয়ত দৈনিক জাগৰণৰ সহযোগী বাতৰি কাকত নই-দুনিয়াৰ সংবাদদাতা ৰাকেশ শৰ্মাৰ সৈতেও কথা পাতিছিলো। তেওঁ কয় যে তহচিলদাৰ অৱন্তিকা তিৱাৰীয়ে নিশ্চিত কৰিছে যে কাহিনীটো ভুৱা।

পোষ্টটো বহুতে সামাজিক মাধ্যমত শ্বেয়াৰ কৰিছে। তাৰে এটা হৈছে ‘Daily Current Affair and Education News’ নামৰ এটা ফেচবুক পৃষ্ঠা। প্ৰ’ফাইল অনুসৰি, এই পৃষ্ঠাটোৰ ফেচবুকত মুঠ ৪,১০৫ জন অনুসৰণকাৰী আছে।

নিষ্কৰ্ষঃ উপসংহাৰ : এই ভাইৰেল দাবীটো ভুৱা। দৰাচলতে, ছবিখনত থকা মহিলাগৰাকী হৈছে অৱন্তিকা তিৱাৰী, যি মধ্যপ্ৰদেশৰ পান্না জিলাৰ এগৰাকী তহচিলদাৰ, কালেক্টৰ নহয়। ভাইৰেল পোষ্টত তেওঁৰ ছবিৰ সৈতে লিখা কাহিনীটোও মনেসজা।

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

ট্যাগ্স

পোস্ট ইওর সাজেশন
অধিক পঢ়ক

No more pages to load

রিলেটেড আর্টিকলেস

Next pageNext pageNext page

Post saved! You can read it later