X

ફેક્ટ ચેકઃ હાર્દિક પટેલના જૂના વીડિયોને હાલનો બતાવીને ખોટા સંદર્ભમાં કરવામાં આવ્યો વાયરલ

  • By Vishvas News
  • Updated: October 15, 2022

નવી દિલ્હી (વિશ્વાસ ન્યૂઝ): સોશિયલ મીડિયામાં દરરોજ અનેક વીડિયો વાયરલ થાય છે. હાલમાં ગુજરાતમાં ચૂંટણીને લઈને તમામ પક્ષો મેદાનમાં ઉતરી ગયા છે. ત્યારે પાર્ટીઓ એકબીજા પર આરોપ લગાવે છે તેમ હાલમાં વિવિધ વીડિયો પોસ્ટ કરીને એક બીજા પર પ્રહાર કરવાનો મોકો છોડતા નથી. તો કેટલાક લોકો કેટલાક વીડિયોને ખોટી રીતે અને ખોટા સંદર્ભમાં પોસ્ટ કરીને ખોટી માહિતી ફેલાવવાનું પણ કામ કરે છે. આ સંદર્ભમાં ગુજરાતમાં વિધાનસભાની ચૂંટણી પહેલા ભાજપના નેતા હાર્દિક પટેલનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. 45 સેકન્ડના વીડિયોમાં કેટલાક લોકો હાર્દિક પટેલ સાથે દલીલ કરતા જોઈ શકાય છે. હવે આ વીડિયો હાલનો છે તેવું બતાવીને શેર કરીને એવો દાવો કરવામાં આવી રહ્યો છે કે ગુજરાતના લોકો હાર્દિક પટેલથી નારાજ છે, તેથી હાર્દિક પટેલને લોકોએ ભગાડી દીધો હતો.

વિશ્વાસ ન્યુઝની તપાસમાં વાયરલ થયેલો દાવો ખોટો નીકળ્યો. આ વાયરલ વીડિયો 2019નો છે. જ્યારે હાર્દિક પટેલ અમદાવાદના પ્રહલાદ નગર ગાર્ડનમાં ઈન્ટરવ્યુ આપવા આવ્યો હતો અને ત્યાં લોકોએ તેને રોક્યો હતો અને કોંગ્રેસમાં જોડાવા અંગે સવાલો કર્યા હતા. આટલું જ નહીં રોષે ભરાયેલા લોકોએ હાર્દિકને ત્યાંથી જવાનું પણ કહ્યું હતું. જુનો વીડિયો હવે ભ્રામક દાવા સાથે શેર કરવામાં આવી રહ્યો છે.

શું છે વાયરલ પોસ્ટમાં

વાયરલ વીડિયો શેર કરતા ફેસબુક યુઝર નિમેશ કુમાર ગુપ્તાએ કેપ્શનમાં લખ્યું છે કે, “ભાજપ નેતા હાર્દિક પટેલને જનતાએ ભગાડ્યો, ગુજરાતની જનતા ભાજપથી ખૂબ નારાજ છે.”

સોશિયલ મીડિયા પર અન્ય કેટલાક યુઝર્સ આ પોસ્ટને સમાન દાવા સાથે શેર કરી રહ્યા છે. પોસ્ટનું આર્કાઇવ કરેલ સંસ્કરણ અહીં જોઈ શકાય છે.

તપાસ

વાઇરલ પોસ્ટની સત્યતા જાણવા માટે વિશ્વાસ ન્યૂઝે સૌપ્રથમ ઇનવિડ ટૂલનો ઉપયોગ કર્યો હતો. આ ટૂલમાં વાયરલ વીડિયો અપલોડ કરીને ઘણી કીફ્રેમ્સ કાઢવામાં આવી હતી. પછી તેને ગૂગલ રિવર્સ ઈમેજ ટૂલમાં અપલોડ કરીને સર્ચ કર્યું. અમને 26 માર્ચ 2019ના રોજ વીટીવી ગુજરાતી ન્યૂઝ એન્ડ બિયોન્ડની ઓફિશિયલ યુટ્યુબ ચેનલ પર વાયરલ વીડિયો અંગેનો એક વીડિયો રિપોર્ટ મળ્યો. જે સમાચાર અનુસાર જ્યારે હાર્દિક પટેલ એક ખાનગી ચેનલને ઇન્ટરવ્યુ આપવા માટે અમદાવાદના પ્રહલાદ નગર ગાર્ડન પહોંચ્યો ત્યારે ત્યાં હાજર લોકોએ તેને સવાલો કર્યા અને તેને ત્યાંથી જવાનું કહ્યું હતું. જુઓ આ વીડિયો

સર્ચ દરમિયાન અમને 26 માર્ચ 2019ના રોજ DeshGujaratHD નામની યુટ્યુબ ચેનલ પર અપલોડ કરાયેલો વાયરલ વીડિયો મળ્યો. વીડિયો સાથે આપવામાં આવેલી માહિતી અનુસાર, ‘હાર્દિક પટેલ અમદાવાદના પ્રહલાદ નગર ગાર્ડનમાં ઈન્ટરવ્યુ આપવા આવ્યો હતો અને ત્યાં ચાલતા લોકોએ તેને રોક્યો હતો અને કોંગ્રેસમાં જોડાવા અંગે સવાલો કર્યા હતા. જુઓ આ વીડિયો..

વાયરલ વીડિયો 26 માર્ચ 2019ના રોજ આર્ગ્યુમેન્ટેટિવ ​​ઈન્ડિયન નામની યુટ્યુબ ચેનલ પર પણ અપલોડ કરવામાં આવ્યો હતો. અહીં પણ વીડિયો 2019નો જણાવવામાં આવ્યો છે. વાયરલ વીડિયો સાથે જોડાયેલા અન્ય ઘણા સમાચાર અહીં વાંચી શકાય છે.

આ અંગે ગુજરાતી જાગરણના એસોસિયેટ એડિટર જીવન કપુરિયાનો સંપર્ક કરવામાં આવ્યો હતો. તેમણે જણાવ્યું કે. આ વાઈરલ વીડિયો જૂનો છે. માર્ચ 2019માં હાર્દિક પટેલ એક ખાનગી ચેનલને આપેલા ઈન્ટરવ્યુ માટે અમદાવાદના પ્રહલાદનગર ગાર્ડનમાં ગયો હતો. ત્યારે બગીચામાં હાજર લોકોએ તેને સવાલ કર્યો હતો અને તેનો વિરોધ પણ કર્યો હતો.

તપાસના અંતે અમે ખોટી પોસ્ટ કરનાર યુઝરનું સોશિયલ સ્કેનીંગ કર્યું. સ્કેનિંગથી જાણવા મળ્યું કે ફેસબુક પર 573 લોકો યુઝરને ફોલો કરે છે.

નિષ્કર્ષ: વિશ્વાસ ન્યૂઝને તપાસમાં જાણવા મળ્યું છે કે હાર્દિક પટેલને લોકો ભગાડી જતા હોવાનો વાયરલ થયેલો વીડિયો તાજેતરનો નથી પરંતુ 3 વર્ષ જૂનો છે. જે અત્યારે ખોટા દાવા સાથે શેર કરવામાં આવી રહ્યો છે.

  • Claim Review : ભાજપ નેતા હાર્દિક પટેલને જનતાએ ભગાડ્યો, ગુજરાતની જનતા ભાજપથી ખૂબ નારાજ છે.
  • Claimed By : નિમેશ કુમાર
  • Fact Check : False
False
Symbols that define nature of fake news
  • True
  • Misleading
  • False

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

ટેગ્ઝ

Post your suggestion

No more pages to load

સબંધિત લેખ

Next pageNext pageNext page

Post saved! You can read it later