Fact Check : પંજાબી ગીત પર ડાન્સ કરી રહેલ વ્યક્તિ ભાજપ નેતા નહીં બાગપતના શિક્ષક છે

નવી દિલ્હી (વિશ્વાસ ન્યૂઝ): રાજસ્થાન ભાજપના નવા પ્રદેશ અધ્યક્ષ સી.પી જોશીના નામે 45 સેકન્ડનો એક વીડિયો વાયરલ થઈ રહ્યો છે. આમાં એક વ્યક્તિને પંજાબી ગીત પર ડાન્સ કરતા જોઈ શકાય છે. સોશિયલ મીડિયા પર કેટલાક યુઝર્સ આ વીડિયોને ભાજપના પ્રદેશ અધ્યક્ષનો જણાવીને વાયરલ કરી રહ્યા છે. વિશ્વાસ ન્યૂઝે વાયરલ પોસ્ટની તપાસ કરી. દાવો ખોટો સાબિત થયો. તપાસમાં જાણવા મળ્યું કે આ વીડિયો યુપીના બાગપત જિલ્લાના શિક્ષક અજય કુમાર શર્માનો છે. આ વીડિયોનો રાજસ્થાનના ભાજપના પ્રદેશ અધ્યક્ષ સીપી જોશી સાથે કોઈ સંબંધ નથી.

શું થઈ રહ્યું છે વાયરલ?

ફેસબુક યુઝર ‘મોરપાલ જાટ‘એ 29 માર્ચે એક વીડિયોને પોસ્ટ કરતા દાવો કર્યો, “રાજસ્થાનમાં ભાજપના નવા પ્રદેશ અધ્યક્ષનો દબદબો યથાવત્ત છે.”

વાયરલ વીડિયોને સાચો માનીને ઘણા યુઝર્સ તેને વાયરલ કરી રહ્યા છે. પોસ્ટના આર્કાઇવ વર્ઝનને અહીં જુઓ.

તપાસ

વિશ્વાસ ન્યૂઝે વાયરલ વીડિયો વિશે જાણવા માટે સૌથી પહેલા તેના કેટલાક કીફ્રેમ્સ કાઢ્યા. પછી તેને ગૂગલ રિવર્સ ઇમેજ અને ગૂગલ લેન્સ દ્વારા સર્ચ કરવાનું શરૂ કર્યું. વીડિયો સાથે જોડાયેલા સમાચાર ઘણી વેબસાઈટ પર મળ્યા. આજતકની વેબસાઈટ પર 20 ડિસેમ્બર 2022ના રોજ પ્રકાશિત સમાચારમાં કહેવામાં આવ્યું હતું કે આ વીડિયો બાગપતના રહેવાસી અજય કુમાર શર્માનો છે. તેમણે પંજાબી ગીત પર આ ડાન્સ પોતાના ભત્રીજાના લગ્નમાં કર્યો હતો. બાગપત જિલ્લાના ધનોરા સિલ્વર નગરના રહેવાસી અજય કુમાર શિક્ષક છે. આ સમાચારને અહીં વાંચો.

વાયરલ વીડિયોને લઈને ટ્રાઇસિટી ટુડે નામની એક વેબસાઈટે પણ ત્રણ મહિના પહેલા સમાચાર પ્રકાશિત કર્યા હતા. જેમાં જણાવવામાં આવ્યું હતું કે બાગપતની કમ્પોઝિટ સ્કૂલ ફાજલપુરમાં તૈનાત શિક્ષક અજય શર્માનો ભત્રીજાના લગ્ન સમારોહમાં ડાન્સ કરતો વીડિયો સોશિયલ મીડિયા પર વાયરલ થયો. આ સમાચારને અહીં વાંચી શકાય છે.

વિશ્વાસ ન્યૂઝે તપાસને આગળ વધારવા અજય શર્માના સોશિયલ મીડિયા હેન્ડલ્સને સર્ચ કરવાનું શરૂ કર્યું. ઇન્સ્ટાગ્રામ પર તેમનું એક એકાઉન્ટ મળ્યું. તેના પર તેમના ઘણા અન્ય વીડિયો પણ જોવા મળ્યા હતા. વાયરલ વીડિયોને 15 ડિસેમ્બર 2022ના રોજ પોસ્ટ કરવામાં આવ્યો હતો. તેને અહીં જોઈ શકાય છે.

વિશ્વાસ ન્યૂઝે તપાસને આગળ વધારતા દૈનિક જાગરણ, ઉદયપુરના પત્રકાર સુભાષ શર્મા સાથે સંપર્ક કર્યો. તેમણે માહિતી આપતા કહ્યું કે, વીડિયોમાં જોવા મળી રહેલ વ્યક્તિ બીજેપીના ચિત્તોડગઢના સાંસદ અને પાર્ટીના પ્રદેશ અધ્યક્ષ સીપી જોશી નથી.

તપાસના અંતે ફેસબુક યુઝર ‘મોરપાલ જાટ’નું સોશિયલ સ્કેનીંગ કર્યું તો જાણવા મળ્યું કે તેના 893 ફ્રેન્ડ્સ છે. યુઝર રાજસ્થાનનો રહેવાસી છે.

નિષ્કર્ષ: વિશ્વાસ ન્યૂઝની તપાસમાં વાયરલ પોસ્ટ ફેક સાબિત થઈ. જે વીડિયોને રાજસ્થાન ભાજપના નવા અધ્યક્ષ સીપી જોશીનો જણાવી વાયરલ કરવામાં આવ્યો, તે યુપીના બાગપતના એક શિક્ષકનો છે. શિક્ષકનું નામ અજય કુમાર શર્મા છે.

ટેગ્ઝ

• BJP leader
• BJP Leader Viral Video
• viral video