X

ଫ୍ୟାକ୍ଟ ଚେକ୍: ଆବୁଧାବିରେ ନିର୍ମିତ ହେଉଥିବା ହିନ୍ଦୁ ମନ୍ଦିର ସାଉଦି ଆରବର ବୋଲି ଭ୍ରମାତ୍ମକ ଦାବି ସହିତ ଭିଡିଓ ଭାଇରାଲ୍ ହେଉଛି

ଯେତେବେଳେ ବିଶ୍ୱାସ ନ୍ୟୁଜ୍ ଏହି ଭିଡିଓର ଯାଞ୍ଚ କଲା, ଆମେ ଜାଣିଲୁ ଯେ ଏହି ଭିଡିଓ ସାଉଦି ଆରବର ନୁହେଁ, ବରଂ ସଂଯୁକ୍ତ ଆରବ ଏମିରେଟ୍ସର ଆବୁଧାବିରେ ନିର୍ମାଣ ହେଉଥିବା ଏକ ମନ୍ଦିରର ଅଟେ। ବର୍ତ୍ତମାନ ସେହି ଭିଡିଓ ଭୁଲ୍ ଦାବି ସହିତ ଭାଇରାଲ କରାଯାଉଛି।

  • By Vishvas News
  • Updated: May 18, 2022

ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍)। ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଏକ ମନ୍ଦିରର ଆନିମେଟେଡ୍ ଭିଡିଓ ଦେଖିବାକୁ ମିଳୁଛି। ଭିଡିଓ ସେୟାର କରିବାବେଳେ ୟୁଜରମାନେ ଦାବି କରୁଛନ୍ତି ଯେ ଏହି ଭିଡିଓ ସାଉଦି ଆରବରେ ନିର୍ମିତ ପ୍ରଥମ ହିନ୍ଦୁ ମନ୍ଦିରର ଅଟେ। ଯେତେବେଳେ ବିଶ୍ୱାସ ନ୍ୟୁଜ୍ ଏହି ଭିଡିଓର ଯାଞ୍ଚ କଲା, ଆମେ ଜାଣିଲୁ ଯେ ଏହି ଭିଡିଓ ସାଉଦି ଆରବର ନୁହେଁ, ବରଂ ସଂଯୁକ୍ତ ଆରବ ଏମିରେଟ୍ସର ଆବୁଧାବିରେ ନିର୍ମିତ ଏକ ମନ୍ଦିରର ଅଟେ। ବର୍ତ୍ତମାନ ସେହି ଭିଡିଓଟି ଏକ ଭ୍ରମାତ୍ମକ ଦାବି ସହିତ ଭାଇରାଲ ହେଉଛି।

ଭାଇରାଲ୍ ପୋଷ୍ଟରେ କ’ଣ ଅଛି?

ଭାଇରାଲ ପୋଷ୍ଟ ସେୟାର କରି ଜଣେ ଫେସବୁକ ବ୍ୟବହାରକାରୀ ଲେଖିଛନ୍ତି, “ସାଉଦି ଆରବର ହିନ୍ଦୁ ମନ୍ଦିର”।

ପୋଷ୍ଟର ଆର୍କାଇଭ୍ଡ ଭର୍ସନ୍ ଏଠାରେ ଦେଖନ୍ତୁ।

ଅନୁସନ୍ଧାନ

ଆମର ଅନୁସନ୍ଧାନ ଆରମ୍ଭ କରି, ଆମେ ପ୍ରଥମେ ଭିଡିଓର କୀଫ୍ରେମ୍‌ଗୁଡ଼ିକ ବାହାର କରିଥିଲୁ ଏବଂ ଗୁଗୁଲ୍ ରିଭର୍ସ ମାଧ୍ୟମରେ ଇମେଜ୍ ସର୍ଚ୍ଚ କରିଥିଲୁ। ସନ୍ଧାନ କରିବା ସମୟରେ, ଆମକୁ ଏମିରେଟ୍ସ ଅଲ-ୟୁମ୍‌ ନାମକ ଏକ ୱେବସାଇଟରେ ଭାଇରାଲ ଭିଡିଓର ମନ୍ଦିର ସମ୍ବନ୍ଧୀୟ ଏକ ଖବର ମିଳିଲା। ଏପ୍ରିଲ 21, 2019 ରେ ପ୍ରକାଶିତ ଏହି ଖବରରେ ଲେଖାଥିଲା, ଦୁବାଇ ଏବଂ ଆବୁଧାବି ମଝିରେ ରାଜପଥରେ 55,000 ବର୍ଗ ମିଟର ପରିସରରେ ନିର୍ମାଣ ହେବାକୁ ଥିବା ପ୍ରଥମ ହିନ୍ଦୁ ମନ୍ଦିରର ମୂଳଦୁଆ ଗତକାଲି ସଂଯୁକ୍ତ ଆରବ ଏମିରେଟ୍ସର ଆବୁଧାବିରେ ପକାଯାଇଛି। ଏହି ମନ୍ଦିର ଆବୁ ମୁରେଖା ଅଞ୍ଚଳରେ ନିର୍ମିତ ହେବ ଏବଂ ସଂଯୁକ୍ତ ଆରବ ଏମିରେଟ୍ସରେ ଦଶ ଲକ୍ଷରୁ ଅଧିକ ହିନ୍ଦୁମାନେ ଏଠାରେ ପୂଜାର୍ଚ୍ଚନା କରିପାରିବେ।

ଭିତ୍ତିପ୍ରସ୍ତର ସ୍ଥାପନ ସମାରୋହରେ, ଆବୁଧାବିର କମ୍ୟୁନିଟି ଡେଭଲପମେଣ୍ଟ ମୁଖ୍ୟ ଡ. ମୁଗିର ଅଲ-ଖଲି, ମନ୍ଦିର ନିର୍ମାଣ ସଂଗଠନ (ବିଏପିଏସ୍) ର ଆଧ୍ୟାତ୍ମିକ ପ୍ରମୁଖ ମହନ୍ତ ସ୍ୱାମୀ ମହାରାଜ ଏବଂ ଦେଶରେ ଭାରତୀୟ ରାଷ୍ଟ୍ରଦୂତ ନୋଦୀପ ସିଂଙ୍କ ବ୍ୟତୀତ ଦେଶର କିଛି ନେତା, ଅଧିକାରୀ ଏବଂ ହିନ୍ଦୁ ସମ୍ପ୍ରଦାୟର ହଜାର ହଜାର ଲୋକଙ୍କ ଉପସ୍ଥିତିରେ କହିଲେ ଯେ ଆବୁଧାବିରେ ଏହି ହିନ୍ଦୁ ମନ୍ଦିରର ମୂଳଦୁଆ ପଡ଼ିବା ସଂଯୁକ୍ତ ଆରବ ଏମିରେଟ୍ସ ଏବଂ ଭାରତ ଗଣତନ୍ତ୍ରର ସମ୍ପର୍କର ଗଭୀରତାକୁ ପ୍ରତିଫଳିତ କରୁଛି। ରିପୋର୍ଟରେ ପୂର୍ଣ୍ଣ କାହାଣୀ ପଢ଼ାଯାଇ ପାରିବ।

ଅଧିକ ଅନୁସନ୍ଧାନ ପରେ ଆମେ ସ୍କାଏ ନ୍ୟୁଜ୍ ଆରବୀର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲରେ ଭାଇରାଲ୍ ଭିଡିଓର ମନ୍ଦିର ବିଷୟରେ ଏକ ଭିଡିଓ ପାଇଲୁ। ଏପ୍ରିଲ୍ 22, 2019 ରେ ଏଠାରେ ଅପଲୋଡ୍ ହୋଇଥିବା ଖବର ଅନୁଯାୟୀ ପ୍ରଥମ ହିନ୍ଦୁ ମନ୍ଦିରର ମୂଳଦୁଆ ଆବୁଧାବିରେ ରଖାଯାଇଛି। ସମାରୋହ ସହ ଜଡ଼ିତ ଖବରଗୁଡ଼ିକ ଭିଡିଓରେ ଦେଖାଯାଇ ପାରିବ।

ଆବୁଧାବିରେ ଏହି ମନ୍ଦିର ନିର୍ମାଣ କରୁଥିବା ‘ବିଏପିଏସ୍’ ର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲରେ ଅପଲୋଡ୍ ହୋଇଥିବା ଭାଇରାଲ୍ ଭିଡିଓର ଏକ ବଡ଼ ସଂସ୍କରଣ ଆମେ ପାଇଲୁ। ଏହି ଭିଡ଼ିଓ 23 ଏପ୍ରିଲ 2019 ରେ ଅପଲୋଡ୍ ହୋଇଛି।

ଭାଇରାଲ ଭିଡିଓ ନିଶ୍ଚିତ କରିବା ପାଇଁ ଆମେ ୟୁଏଇର ଅଲ-ଏନ୍ ଖବରକାଗଜର ମୁଖ୍ୟ ସମ୍ପାଦକ ଅହମ୍ମଦ ସଇଦଙ୍କ ସହ ଯୋଗାଯୋଗ କରିଥିଲୁ ଏବଂ ତାଙ୍କ ସହ ଭାଇରାଲ ଭିଡିଓ ସେୟାର କରିଥିଲୁ। ସେ ନିଶ୍ଚିତ କରିଛନ୍ତି ଯେ ଏହି ମନ୍ଦିର ଆବୁଧାବି ଏବଂ ଦୁବାଇ ମଧ୍ୟରେ ଅବସ୍ଥିତ ହେବ ଏବଂ ବର୍ତ୍ତମାନ ସୁଦ୍ଧା ନିର୍ମାଣ କାର୍ଯ୍ୟ ଚାଲିଛି।

ଭୁଲ୍ ପୋଷ୍ଟ ସେୟାର କରିଥିବା ଫେସବୁକ ବ୍ୟବହାରକାରୀଙ୍କ ସାମାଜିକ ସ୍କାନିଂ କରି ଆମେ ଜାଣିବାକୁ ପାଇଲୁ ଯେ ଏହି ପୋଷ୍ଟଟି ‘ଲର୍ଡ କ୍ରିଷ୍ଣା’ ନାମକ ଏକ ଫେସବୁକ ପେଜରୁ ସେୟାର କରାଯାଇଛି ଏବଂ ଏହାକୁ ବାଂଲାଦେଶରୁ ପରିଚାଳନା କରାଯାଉଛି।

निष्कर्ष: ଯେତେବେଳେ ବିଶ୍ୱାସ ନ୍ୟୁଜ୍ ଏହି ଭିଡିଓର ଯାଞ୍ଚ କଲା, ଆମେ ଜାଣିଲୁ ଯେ ଏହି ଭିଡିଓ ସାଉଦି ଆରବର ନୁହେଁ, ବରଂ ସଂଯୁକ୍ତ ଆରବ ଏମିରେଟ୍ସର ଆବୁଧାବିରେ ନିର୍ମାଣ ହେଉଥିବା ଏକ ମନ୍ଦିରର ଅଟେ। ବର୍ତ୍ତମାନ ସେହି ଭିଡିଓ ଭୁଲ୍ ଦାବି ସହିତ ଭାଇରାଲ କରାଯାଉଛି।

  • Claim Review : ଆରବର ହିନ୍ଦୁ ମନ୍ଦିର
  • Claimed By : ଲର୍ଡ କ୍ରିଷ୍ଣା
  • Fact Check : Misleading
Misleading
Symbols that define nature of fake news
  • True
  • Misleading
  • False

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

ଟ୍ୟାଗ୍ସ

Post your suggestion
ଆହୁରି ପଢ

No more pages to load

ଲେଖା ସମ୍ବନ୍ଧୀୟ

Next pageNext pageNext page

Post saved! You can read it later