X

ଫ୍ୟାକ୍ଟ ଚେକ୍: ସୋସିଆଲ ମିଡିଆରେ ଇଣ୍ଡିଆ ଶବ୍ଦର କାଳ୍ପନିକ ବ୍ୟାଖ୍ୟା ଭାଇରାଲ ହୋଇଛି, ଏହି ଶବ୍ଦଟି ଆସିଛି ସିନ୍ଧୁ ନଦୀରୁ

ନିଷ୍କର୍ଷ: ବିଶ୍ୱାସ ନ୍ୟୁଜ୍ର ଅନୁସନ୍ଧାନରେ ଇଣ୍ଡିଆ ଶବ୍ଦକୁ ନେଇ କରାଯାଉଥିବା ଦାବି ମିଥ୍ୟା ପ୍ରମାଣିତ ହୋଇଛି। ଇଣ୍ଡିଆ ଏକ ସଂକ୍ଷିପ୍ତ ଶବ୍ଦ ନୁହେଁ ବରଂ ଏକ ନାମ। ଭାଇରାଲ ହେଉଥିବା ଫୁଲ୍ ଫର୍ମ ମନଗଢ଼ା ଏବଂ ଏହାର ବାସ୍ତବତା ସହିତ କୌଣସି ସମ୍ପର୍କ ନାହିଁ। ଇଣ୍ଡିଆ ଶବ୍ଦର ଉତ୍ପତ୍ତି ଇଣ୍ଡସ୍ (ସିନ୍ଧୁ) ନଦୀରୁ ଉତ୍ପନ୍ନ ହୋଇଛି ଏବଂ ଏହି ଶବ୍ଦ 15 ଅଗଷ୍ଟ 1947 ରେ ଭାରତ ସ୍ୱାଧୀନତା ପାଇବା ପୂର୍ବରୁ ମଧ୍ୟ ପ୍ରଚଳିତ ଥିଲା।

  • By Vishvas News
  • Updated: July 9, 2021

ବିଶ୍ୱାସ ନ୍ୟୁଜ୍ (ନୂଆଦିଲ୍ଲୀ) । ଇଣ୍ଡିଆ ଶବ୍ଦ ବିଷୟରେ ଏକ ଦାବି ସୋସିଆଲ ମିଡିଆରେ ଭାଇରାଲ ହେଉଛି। ସୋସିଆଲ ମିଡିଆ ବ୍ୟବହାରକାରୀମାନେ ଦାବି କରୁଛନ୍ତି ଯେ ଇଣ୍ଡିଆ ଶବ୍ଦର ଫୁଲ୍ ଫର୍ମ ହେଉଛି ଇଣ୍ଡିପେଣ୍ଡେଣ୍ଟ ନେସନ୍ ଡିକ୍ଲେୟର୍ଡ ଇନ୍ ଅଗଷ୍ଟ (Independent Nation Decalared in August) ଅଟେ । ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଏହି ଦାବି ମିଥ୍ୟା ପ୍ରମାଣିତ ହୋଇଛି। ଏହା ଏକ ମନଗଢ଼ା ଫୁଲ୍ ଫର୍ମ ଅଟେ ଏବଂ ଏହାର ବାସ୍ତବତା ସହିତ କୌଣସି ସମ୍ପର୍କ ନାହିଁ । ଇଣ୍ଡିଆ ଶବ୍ଦ ଇଣ୍ଡସ୍ (ସିନ୍ଧୁ) ନଦୀରୁ ଉତ୍ପନ୍ନ ହୋଇଛି ଏବଂ ଏହି ଶବ୍ଦ 15 ଅଗଷ୍ଟ 1947 ରେ ଭାରତ ସ୍ୱାଧୀନତା ପାଇବା ପୂର୍ବରୁ ମଧ୍ୟ ପ୍ରଚଳିତ ଥିଲା।

କଣ ଭାଇରାଲ୍ ହେଉଛି

ଫେସବୁକ୍ ବ୍ୟବହାରକାରୀ ଅବନ୍ ତାଲାଟି 28 ଜୁନ୍ 2021 ରେ ଭାଇରାଲ୍ ହେଉଥିବା ଦାବି ସେୟାର କରିଛନ୍ତି। ଏକ ଛବି ସେୟାର କରାଯାଇଛି, ଯେଉଁଥିରେ ଲେଖାଯାଇଛି ଯେ ଆପଣ ଜାଣନ୍ତି କି ଭାରତ କିପରି ଇଣ୍ଡିଆ ନାମରେ ନାମିତ ହେଲା… ସ୍ୱାଧୀନତା ପରେ ଇଂରେଜମାନେ ଏହି ନାମ ଦେଇଥିଲେ । ଏହା ମଧ୍ୟ ଦାବି କରାଯାଇଛି ଯେ ଇଣ୍ଡିଆ – ଇଣ୍ଡିପେଣ୍ଡେଣ୍ଟ ନେସନ୍ ଡିକ୍ଲେୟର୍ଡ ଇନ୍ ଅଗଷ୍ଟ, 15 ଅଗଷ୍ଟ 1947 ରେ ମିଳିଥିବା ସ୍ୱାଧୀନତା ଆଧାରରେ ଅଗଷ୍ଟକୁ ଏହି ଦାବିରେ ଯୋଡି ଦିଆଯାଇଛି । ଏହି ପୋଷ୍ଟର ଆର୍କାଇଭ୍ଡ ଲିଙ୍କ୍ ଏଠାରେ କ୍ଲିକ୍ କରି ଦେଖାଯାଇପାରିବ।

ଅନୁସନ୍ଧାନ

ବିଶ୍ୱାସ ନ୍ୟୁଜ୍ ପ୍ରଥମେ ଏହି ଭାଇରାଲ୍ ଦାବିକୁ ଇଣ୍ଟରନେଟରେ ସର୍ଚ୍ଚ କଲା। ଏହି ଦାବିର ସତ୍ୟତା ଜାଣିବା ପାଇଁ ଲୋକମାନେ Quora ଉପରେ ପ୍ରଶ୍ନ ମଧ୍ୟ ପୋଷ୍ଟ କରିଛନ୍ତି। ଏହି ପ୍ରଶ୍ନର ଉତ୍ତର ଦେବାବେଳେ ଜଣେ ଉପଭୋକ୍ତା କହିବାକୁ ଚେଷ୍ଟା କରିଛନ୍ତି ଯେ ପ୍ରାଚୀନ କାଳରୁ ଇଣ୍ଡିଆ ଶବ୍ଦ ପ୍ରଚଳିତ ହୋଇଆସିଛି।

ଆମେ ପିଅର୍-ଟୁ-ପିଅର୍ ଲର୍ଣ୍ଣିଂ ପ୍ଲାଟଫର୍ମ ବ୍ରେନ୍‌ଲୀ(Brainly)ର ୱେବସାଇଟରେ ପୋଷ୍ଟ ହୋଇଥିବା ପ୍ରଶ୍ନ ମଧ୍ୟ ପାଇଲୁ। କେହି ଉପଭୋକ୍ତା ଏହାକୁ ଠିକ୍ ବୋଲି କହିଛନ୍ତି ଏବଂ କେହି ଏହାକୁ ଭୁଲ୍ ବୋଲି କହିଛନ୍ତି।

ଆମେ ଇଣ୍ଟରନେଟରେ ଇଣ୍ଡିଆ ଶବ୍ଦର ଫୁଲ୍ଫର୍ମ ସର୍ଚ୍ଚ କଲୁ। Javatpoint.com ନାମକ ୱେବସାଇଟରେ କୁହାଯାଇଛି ଯେ ଇଣ୍ଡିଆ ଏକ ସଂକ୍ଷିପ୍ତ ଶବ୍ଦ ନୁହେଁ, ଯାହାର ଫୁଲଫର୍ମ ହୋଇପାରିବ। ଏଠାରେ କୁହାଯାଇଛି ଯେ ଏହି ନାମ ସିନ୍ଧୁ ବା ଇଣ୍ଡସ୍ ନଦୀ ସହିତ ଜଡ଼ିତ।

ଇଣ୍ଟରନେଟ୍‌ରେ ସର୍ଚ୍ଚ ସମୟରେ ଭାରତ ସରକାରଙ୍କ knowindia.gov.in ୱେବସାଇଟ୍ ରେ ଆମେ ଇଣ୍ଡିଆ (ଭାରତ) ବିଷୟରେ କୌତୁହଳପୂର୍ଣ୍ଣ ସୂଚନା ନାମକ ଏକ ବିଭାଗ ପାଇଲୁ। ଏଥିରେ ମଧ୍ୟ କୁହାଯାଇଛି ଯେ ଇଣ୍ଡିଆ ନାମ ଇଣ୍ଡସ୍ ନଦୀରୁ ଆସିଛି। ପ୍ରାଚୀନ କାଳରେ ଏହା ସିନ୍ଧୁ ନାମରେ ଜଣାଶୁଣା ଥିଲା। ଫରାସୀ ଆକ୍ରମଣକାରୀମାନେ ଏହାକୁ ହିନ୍ଦୁରେ ବଦଳାଇଲେ। ଏହି ସୂଚନା ଏଠାରେ କ୍ଲିକ୍ କରି ଦେଖାଯାଇପାରିବ।

ସ୍କୁପ୍‌ହୁପ୍ ୱେବସାଇଟରେ ଆମେ ଏ ବିଷୟରେ ଗୋଟିଏ ଲେଖା ପାଇଲୁ। ଏଥିରେ କୁହାଯାଇଛି ଯେ ଖ୍ରୀଷ୍ଟପୂର୍ବ 5ମ ଶତାବ୍ଦୀରେ ଯେତେବେଳେ ଫରାସୀମାନେ ଭାରତୀୟ ଉପମହାଦ୍ୱୀପ ଉପରେ ଜବରଦଖଲ କଲେ, ସେତେବେଳେ ସିନ୍ଧୁ ହିନ୍ଦୁରେ ପରିବର୍ତ୍ତିତ ହୋଇଗଲା। ଖ୍ରୀଷ୍ଟପୂର୍ବ ଚତୁର୍ଥ ଶତାବ୍ଦୀରେ, ଗ୍ରୀକ୍ ହେରୋଡୋଟସ୍ ସମୟର ହିନ୍ଦସ୍, ନବମ ଶତାବ୍ଦୀ ବେଳକୁ ଇଣ୍ଡୋସରେ ପରିବର୍ତ୍ତିତ ହୋଇ ଏକ ପୁରାତନ ଇଂରାଜୀ ଶବ୍ଦରେ ପରିଣତ ହୋଇଥିଲା। ଶେଷରେ, ସପ୍ତାଦଶ ଶତାବ୍ଦୀରେ, ଆଧୁନିକ ଇଂରାଜୀ ଭାଷାରେ ଇଣ୍ଡିଆ ଶବ୍ଦ ସୃଷ୍ଟି ହେଲା।

ଇଣ୍ଟରନେଟ୍‌ରେ ସନ୍ଧାନ ସମୟରେ, ଆମେ ଏଜୁକେସନ୍ ପ୍ଲାଟଫର୍ମ BYJU’sର ସାଇଟରେ ବ୍ରିଟିଶ ଶାସନ କାଳରେ ଭାରତର ଆଇନ କାନୁନ୍‌ ସମ୍ବନ୍ଧୀୟ ଏକ ତାଲିକା ପାଇଲୁ। ସେଗୁଡିକରେ ଭାରତ ସ୍ୱାଧୀନତା ପୂର୍ବରୁ ପ୍ରଣୀତ ଅନେକ ନିୟମରେ ଇଣ୍ଡିଆ ଶବ୍ଦ ବ୍ୟବହୃତ ହୋଇଛି। ଉଦାହରଣ ସ୍ୱରୂପ ପିଟ୍ସ ଇଣ୍ଡିଆ ଆକ୍ଟ 1784, ଇଣ୍ଡିଆନ୍ ସ୍ଲେଭରି ଆକ୍ଟ, 1843, ଗଭର୍ଣ୍ଣମେଣ୍ଟ ଅଫ୍ ଇଣ୍ଡିଆ ଆକ୍ଟ, 1858, ଇଣ୍ଡିଆନ୍ ପେନାଲ କୋଡ୍, 1860 ଇତ୍ୟାଦି। ଏଠାରେ କ୍ଲିକ୍ କରି ସମ୍ପୂର୍ଣ୍ଣ ତାଲିକା ଦେଖାଯାଇପାରିବ।

ଏପର୍ଯ୍ୟନ୍ତ ଆମେ କରିଥିବା ଅନୁସନ୍ଧାନରୁ ସ୍ପଷ୍ଟ ହୋଇଛି ଯେ ଭାରତ ଏକ ସଂକ୍ଷିପ୍ତ ଶବ୍ଦ ନୁହେଁ ବରଂ ଏହା ଏକ ନାମ। ଏହା ବ୍ୟତୀତ 15 ଅଗଷ୍ଟରେ ଭାରତର ସ୍ୱାଧୀନତା ସହିତ ଏହାର କୌଣସି ସମ୍ପର୍କ ନାହିଁ, ଏହା ପ୍ରାଚୀନ କାଳର ଏକ ଶବ୍ଦ। ବିଶ୍ୱାସ ନ୍ୟୁଜ୍ ଏହି ଭାଇରାଲ୍ ଦାବିକୁ ଛାପରା ସ୍ଥିତ ଜୟ ପ୍ରକାଶ ବିଶ୍ୱବିଦ୍ୟାଳୟର ଇତିହାସ ବିଭାଗର ସହକାରୀ ପ୍ରଫେସର ଡକ୍ଟର ରିତେଶ୍ୱର ନାଥ ତିୱାରୀଙ୍କ ସହ ସେୟାର କରିଥିଲା। ସେ ଭାଇରାଲ୍ ଦାବିକୁ ଖଣ୍ଡନ କରି କହିଥିଲେ, ‘ପ୍ରକୃତରେ ଗ୍ରୀକ୍ ଭାଷାରେ ‘ସ’ ର ଉଚ୍ଚାରଣ ନାହିଁ। ଏପରି ପରିସ୍ଥିତିରେ ସେମାନଙ୍କ ପାଇଁ ସିନ୍ଧୁ ନଦୀ ଉଚ୍ଚାରଣ କରିବା ସମ୍ଭବ ନ ଥିଲା। ତେଣୁ ଭାଷାଭିତ୍ତିକ ସମସ୍ୟା ହେତୁ ସିନ୍ଧୁକୁ ଇଣ୍ଡସ୍ ଉଚ୍ଚାରଣ କରାଯାଇଥିଲା। ଏହା ବ୍ୟତୀତ, ପ୍ରାଚୀନ ଭାରତର ବିବରଣୀ ଥିବା ମେଗାସ୍ଥିନିସ୍ଙ୍କ ପୁସ୍ତକର ନାମ ମଧ୍ୟ ଆପଣ ଇଣ୍ଡିକା ରଖାଯାଇଥିବା ଦେଖିପାରନ୍ତି। ପ୍ରାଚୀନ ଭାରତର ସମସାମୟିକ ଗ୍ରୀକ୍, ପ୍ରାଚୀନ ରୋମାନ୍ ସାମ୍ରାଜ୍ୟରେ ଏହି ନାମ ପ୍ରଚଳିତ ଥିଲା। ଏହା ଏକ ନୂତନ ଶବ୍ଦ ନୁହେଁ।’

ବିଶ୍ୱାସ ନ୍ୟୁଜ୍ ଏହି ଭାଇରାଲ୍ ଦାବି ସେୟାର କରିଥିବା ଫେସବୁକ୍ ବ୍ୟବହାରକାରୀ ଅବନ୍ ତାଲାଟିଙ୍କ ପ୍ରୋଫାଇଲ୍ ସ୍କାନ୍ କରିଥିଲା। ବ୍ୟବହାରକାରୀ ଗୁଜୁରାଟର ବଡ଼ୋଦରା ନିବାସୀ ଅଟନ୍ତି।

निष्कर्ष: ନିଷ୍କର୍ଷ: ବିଶ୍ୱାସ ନ୍ୟୁଜ୍ର ଅନୁସନ୍ଧାନରେ ଇଣ୍ଡିଆ ଶବ୍ଦକୁ ନେଇ କରାଯାଉଥିବା ଦାବି ମିଥ୍ୟା ପ୍ରମାଣିତ ହୋଇଛି। ଇଣ୍ଡିଆ ଏକ ସଂକ୍ଷିପ୍ତ ଶବ୍ଦ ନୁହେଁ ବରଂ ଏକ ନାମ। ଭାଇରାଲ ହେଉଥିବା ଫୁଲ୍ ଫର୍ମ ମନଗଢ଼ା ଏବଂ ଏହାର ବାସ୍ତବତା ସହିତ କୌଣସି ସମ୍ପର୍କ ନାହିଁ। ଇଣ୍ଡିଆ ଶବ୍ଦର ଉତ୍ପତ୍ତି ଇଣ୍ଡସ୍ (ସିନ୍ଧୁ) ନଦୀରୁ ଉତ୍ପନ୍ନ ହୋଇଛି ଏବଂ ଏହି ଶବ୍ଦ 15 ଅଗଷ୍ଟ 1947 ରେ ଭାରତ ସ୍ୱାଧୀନତା ପାଇବା ପୂର୍ବରୁ ମଧ୍ୟ ପ୍ରଚଳିତ ଥିଲା।

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

ଟ୍ୟାଗ୍ସ

Post your suggestion
ଆହୁରି ପଢ

No more pages to load

ଲେଖା ସମ୍ବନ୍ଧୀୟ

Next pageNext pageNext page

Post saved! You can read it later