X

ଫ୍ୟାକ୍ଟ ଚେକ୍: ଆଫଗାନିସ୍ତାନ ଉପସ୍ଥାପିକାଙ୍କ ବୁର୍ଖା ପିନ୍ଧି ଖବର ପଢ଼ୁଥିବା ଫଟୋ କତାର ନାମରେ ସେୟାର କରାଯାଉଛି

ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଭାଇରାଲ୍ ଦାବି ମିଥ୍ୟା ବୋଲି ଜଣାପଡ଼ିଛି। ଭାଇରାଲ ଫଟୋ କାତାରର ଉପସ୍ଥାପିକାଙ୍କର ନୁହେଁ, ବରଂ ଆଫଗାନିସ୍ତାନର ଜଣେ ଖବର ଉପସ୍ଥାପିକାଙ୍କର ଅଟେ, ଯାହା ବର୍ତ୍ତମାନ ମିଥ୍ୟା ଦାବି ସହିତ ସେୟାର କରାଯାଉଛି।

  • By Vishvas News
  • Updated: June 29, 2022

ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍)। ନୂପୁର ଶର୍ମା ବିବାଦରେ କାତାର ସମେତ ଅନେକ ମୁସଲମାନ ଦେଶର ପ୍ରତିକ୍ରିୟା ପରେ ସୋସିଆଲ ମିଡିଆରେ ବୁର୍ଖା ପିନ୍ଧିଥିବା ଜଣେ ମହିଳା ଟିଭି ଉପସ୍ଥାପିକାଙ୍କ ଫଟୋ ଭାଇରାଲ ହେବାରେ ଲାଗିଛି। ଦାବି ହେଉଛି ଯେ ଏହି ଉପସ୍ଥାପିକା ହେଉଛନ୍ତି କତାରର ନ୍ୟୁଜ ଚ୍ୟାନେଲରେ କାମ କରୁଥିବା ଫାତିମା ଶେଖ, ଯିଏ ଭାରତରେ ଧାର୍ମିକ ସ୍ୱାଧୀନତା ବିଷୟରେ ଖବର ପଢ଼ୁଛନ୍ତି।

ବିଶ୍ୱାସ ନ୍ୟୁଜ୍ ନିଜର ଅନୁସନ୍ଧାନରୁ ଜାଣିପାରିଛି ଯେ ଭାଇରାଲ୍ ଦାବି ବିଭ୍ରାନ୍ତିକର ଅଟେ। ଭାଇରାଲ ହେଉଥିବା ଫଟୋ କାତାରର ଉପସ୍ଥାପିକାଙ୍କର ନୁହେଁ, ବରଂ ଆଫଗାନିସ୍ତାନର ଜଣେ ଖବର ଉପସ୍ଥାପିକା ଖତେରା ଅହମଦୀଙ୍କର ଅଟେ।

ଭାଇରାଲ୍ ପୋଷ୍ଟରେ କ’ଣ ଅଛି?

ଭାଇରାଲ ଫଟୋ ଶେୟାର କରି ଫେସବୁକ ବ୍ୟବହାରକାରୀ ମୁଲଚାନ୍ଦ ଦାଦିଚ ଲେଖିଛନ୍ତି, “କାତାରର ଉପସ୍ଥାପିକା ଫା-ତିମା ଶେ-ଖ ଭାରତରେ ଧର୍ମର ସ୍ୱାଧୀନତା ଉପରେ ଖବର ପଢ଼ୁଛନ୍ତି।”

ଫେସବୁକ୍ ପୋଷ୍ଟର ବିଷୟବସ୍ତୁ ଏଠାରେ ଅବିକଳ ଲେଖାଯାଇଛି। ପୋଷ୍ଟର ଆର୍କାଇଭ୍ ସଂସ୍କରଣ ଏଠାରେ ଦେଖାଯାଇପାରିବ। ସୋସିଆଲ ମିଡିଆରେ ଅନ୍ୟ ଉପଭୋକ୍ତାମାନେ ଏକା ଭଳି ଦାବି କରି ଏହି ଭିଡିଓ ସେୟାର କରୁଛନ୍ତି।

ଅନୁସନ୍ଧାନ

ଭାଇରାଲ୍ ଫଟୋର ସତ୍ୟତା ଜାଣିବା ପାଇଁ, ଆମେ ଗୁଗୁଲ୍ ରିଭର୍ସ ଇମେଜ୍ ମାଧ୍ୟମରେ ଫଟୋ ଖୋଜିଲୁ। ଏହି ସମୟ ମଧ୍ୟରେ ଆମେ ଭାଇରାଲ୍ ଏପି ଇମେଜେସ୍ ୱେବସାଇଟରେ ଏକ ଅପଲୋଡ୍ ପାଇଲୁ। କ୍ୟାପସନରେ ଦିଆଯାଇଥିବା ସୂଚନା ଅନୁଯାୟୀ, ଏହି ଫଟୋଟି ଆଫଗାନିସ୍ତାନ ଖବର ଉପସ୍ଥାପିକା ଖତେରା ଅହମ୍ମଦୀଙ୍କର ଅଟେ। ଏହି ଫଟୋଟି 22 ମଇ 2022 ରେ ଟୋଲୋ ନ୍ୟୁଜ୍ ଷ୍ଟୁଡିଓରେ ନିଆଯାଇଥିଲା। ବାସ୍ତବରେ, ଆଫଗାନିସ୍ତାନର ତାଲିବାନ ଶାସକମାନେ ଏକ ନିର୍ଦ୍ଦେଶ ଜାରି କରି କହିଥିଲେ ଯେ ପ୍ରସାରଣ ହେଉଥିବା ସମୟରେ ଦେଶର ସମସ୍ତ ମହିଳା ଉପସ୍ଥାପିକା ନିଶ୍ଚିତ ଭାବରେ ମୁହଁ ଢାଙ୍କିବେ। ଏହି ଆଦେଶ ଲାଗୁ ହେବା ପରେ ଏହି ଫଟୋ ନିଆଯାଇଥିଲା।

ପ୍ରାପ୍ତ ସୂଚନା ଆଧାରରେ, ଆମେ କୀୱାର୍ଡ ମାଧ୍ୟମରେ ଗୁଗୁଲରେ ସନ୍ଧାନ କରିବା ଆରମ୍ଭ କଲୁ। ଏହି ସମୟରେ, ଟୋଲୋ ନ୍ୟୁଜ୍ ନିର୍ଦ୍ଦେଶକ ସାଦ୍ ମୋହସେନିଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରେ ଭାଇରାଲ୍ ଦାବି ସହ ଜଡିତ ଏକ ଟ୍ୱିଟ୍ ପାଇଲୁ। ଏହି ଫଟୋକୁ 25 ମଇ 2022 ରେ ଅଂଶୀଦାର କରି ସାଦ ମୋହସେନି କ୍ୟାପସନରେ ଲେଖିଛନ୍ତି, ଏହା ହେଉଛି ଆମର ଖବର ଉପସ୍ଥାପିକା ଖଟେରା ଅହମଦୀଙ୍କ ଏକ ଫଟୋ, ଯିଏ ଏକ ସମାଚାର ବୁଲେଟିନ୍ ପାଇଁ ପ୍ରସ୍ତୁତ ହେଉଥିଲେ। କିନ୍ତୁ ମୁହଁ ଢାଙ୍କି ହୋଇଥିବା ଯୋଗୁଁ ସେ ନିଃଶ୍ୱାସ ନେଇ ପାରୁ ନ ଥିଲେ। ମୁଁ ତାଲିବାନ ଶାସକଙ୍କ ଆଦେଶକୁ ନିନ୍ଦା କରୁଛି। ମହିଳାଙ୍କ ମୁହଁ ଉପରୁ ଏହି ପରଦା ହଟାଇବା ଉଚିତ୍। “

ଅଧିକ ସୂଚନା ପାଇଁ ଆମେ ଆଫଗାନିସ୍ତାନ ସାମ୍ବାଦିକ ଓମିଦ୍ ଫାରୁକଙ୍କ ସହ ଯୋଗାଯୋଗ କରିଥିଲୁ। ସେ ଆମକୁ କହିଲେ, “ଭାଇରାଲ୍ ଦାବି ମିଥ୍ୟା ଅଟେ। ଇୟେ ହେଉଛନ୍ତି ଟୋଲୋ ଟିଭିର ଖବର ଉପସ୍ଥାପିକା ଖତେରା ଅହମ୍ମଦୀ। ଟୋଲୋ ନ୍ୟୁଜ୍ ଡାଇରେକ୍ଟର ସାଦ ମୋହସେନି ମଧ୍ୟ ଏହି ଫଟୋ ସେୟାର କରିଛନ୍ତି।

ଅନୁସନ୍ଧାନ ଶେଷ ହେବା ପରେ ବିଶ୍ୱାସ ନ୍ୟୁଜ୍ ମିଥ୍ୟା ଦାବି ସେୟାର କରିଥିବା ଫେସବୁକ୍ ବ୍ୟବହାରକାରୀଙ୍କର ସୋସିଆଲ୍ ସ୍କାନିଂ କରିଥିଲା। ମୁଲଚାନ୍ଦ ଦାଦିଚଙ୍କର ଫେସବୁକରେ 366 ଜଣ ବନ୍ଧୁ ଅଛନ୍ତି ତାଙ୍କୁ 500 ଜଣ ଫଲୋ କରୁଛନ୍ତି।

निष्कर्ष: ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଭାଇରାଲ୍ ଦାବି ମିଥ୍ୟା ବୋଲି ଜଣାପଡ଼ିଛି। ଭାଇରାଲ ଫଟୋ କାତାରର ଉପସ୍ଥାପିକାଙ୍କର ନୁହେଁ, ବରଂ ଆଫଗାନିସ୍ତାନର ଜଣେ ଖବର ଉପସ୍ଥାପିକାଙ୍କର ଅଟେ, ଯାହା ବର୍ତ୍ତମାନ ମିଥ୍ୟା ଦାବି ସହିତ ସେୟାର କରାଯାଉଛି।

  • Claim Review : କାତାରର ଉପସ୍ଥାପିକା ଫା-ତିମା ଶେଖ ଭାରତରେ ଧାର୍ମିକ ସ୍ୱାଧୀନତା ବିଷୟରେ ଖବର ପଢ଼ୁଛନ୍ତି।
  • Claimed By : ମୁଲଚାନ୍ଦ ଦାଦିଚ
  • Fact Check : False
False
Symbols that define nature of fake news
  • True
  • Misleading
  • False

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

ଟ୍ୟାଗ୍ସ

Post your suggestion
ଆହୁରି ପଢ

No more pages to load

ଲେଖା ସମ୍ବନ୍ଧୀୟ

Next pageNext pageNext page

Post saved! You can read it later