X

ଫ୍ୟାକ୍ଟ ଚେକ୍: ସାମ୍ପ୍ରଦାୟିକ ରଙ୍ଗ ଦେଇ ଉତ୍ତରପ୍ରଦେଶ ନାମରେ ଭାଇରାଲ୍ ହେଉଥିବା ଭିଡିଓ ଛତିଶଗଡ଼ର ଅଟେ

ସାମ୍ପ୍ରଦାୟିକ ଅସନ୍ତୋଷ ସୃଷ୍ଟି କରିବା ଉଦ୍ଦେଶ୍ୟରେ ଛତିଶଗଡ଼ରେ ଘଟିଥିବା ଏକ ଘଟଣାର ଭିଡିଓକୁ ମୁସଲିମ ସମ୍ପ୍ରଦାୟର ସଦସ୍ୟଙ୍କ ଦ୍ୱାରା ଉତ୍ତରପ୍ରଦେଶର ପ୍ରତାପଗଡ଼ ଜିଲ୍ଲାର ଦୁର୍ଗା ପୂଜା ପେଣ୍ଡାଲ୍‌ରେ ଭଙ୍ଗାରୁଜା କରାଯାଉଛି କହି ଭାଇରାଲ କରାଯାଉଛି। ଭାଇରାଲ ହେଉଥିବା ଏହି ଭିଡିଓ ଛତିଶଗଡ଼ର ଦଙ୍ଗା ପ୍ରଭାବିତ କୱର୍ଧା ଜିଲ୍ଲାର ଏବଂ ଏହି ଭିଡିଓରେ ନାରଙ୍ଗୀ ପତାକା ଧରିଥିବା ହିନ୍ଦୁ ସଂଗଠନର ଲୋକମାନେ ଉପଦ୍ରବ କରୁଥିବା ଦେଖାଯାଇପାରିବ।

  • By Vishvas News
  • Updated: October 25, 2021

ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍)। ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ କିଛି ଦୁର୍ବୃତ୍ତମାନେ ଭଙ୍ଗାରୁଜା କରୁଥିବା ଦେଖିବାକୁ ମିଳୁଛି। ଉତ୍ତର ପ୍ରଦେଶର ଲାଲଗଞ୍ଜ ସହରରେ ଦୁର୍ଗା ପୂଜା ପେଣ୍ଡାଲ୍‌ରେ ମୁସଲମାନ ସମ୍ପ୍ରଦାୟର ଲୋକମାନେ ଏହି ହିଂସାକାଣ୍ଡ କରିଛନ୍ତି ବୋଲି ଦାବି କରାଯାଉଛି।

ବିଶ୍ୱାସ ନ୍ୟୁଜ୍‌ର ଅନୁସନ୍ଧାନରେ ଏହି ଦାବି ମିଥ୍ୟା ବୋଲି ଜଣାପଡ଼ିଛି। ଛତିଶଗଡ଼ରେ ଘଟିଥିବା ଏହି ଘଟଣାକୁ ସାମ୍ପ୍ରଦାୟିକ ଅସନ୍ତୋଷ ସୃଷ୍ଟି କରିବା ଲକ୍ଷ୍ୟରେ ଉତ୍ତରପ୍ରଦେଶର ଦୁର୍ଗା ପୂଜା ପେଣ୍ଡାଲ୍‌ରେ ଭଙ୍ଗାରୁଜା ହେଉଛି ବୋଲି କୁହାଯାଇଛି। ଭିଡିଓ ଭାଇରାଲ ହେଉଥିବା ଭିଡିଓ ଛତିଶଗଡ଼ର ଦଙ୍ଗା ପ୍ରଭାବିତ କୱର୍ଧା ଜିଲ୍ଲାର ଅଟେ ଏବଂ ଏହି ଭିଡିଓରେ ନାରଙ୍ଗୀ ପତାକା ଧରିଥିବା ହିନ୍ଦୁ ସଂଗଠନର ଲୋକମାନେ ଉପଦ୍ରବ

କରୁଥିବା ଦେଖିବାକୁ ମଳୁଛି।


🚩🙏💪।” ଭାଇରାଲ୍ ପୋଷ୍ଟରେ କଣ ଅଛି? ଭାଇରାଲ ଭିଡିଓ (ଆର୍କାଇଭ୍‌ଡ ଲିଙ୍କ) ସେୟାର କରି ଫେସବୁକ ୟୁଜର୍ ‘ଶଙ୍କର ମାଲି ତନୱାର’ ଲେଖିଛନ୍ତି, “# କ୍ରିୟାକିପ୍ରତିକ୍ରିୟା…। # ଜୟଶ୍ରୀରାମ ପ୍ରତାପଗଡ଼ ଜିଲ୍ଲାର ଲାଲଗଞ୍ଜ ସହରର # ଦୁର୍ଗାପୁଜା ପେଣ୍ଡାଲ୍‌ରେ ପ୍ରବେଶ କରି ଜିହାଦୀମାନେ ପୂଜା ବନ୍ଦ କରି ମା ଦୁର୍ଗାଙ୍କ ପତାକା ବାହାର କରି ଏହାକୁ ଫିଙ୍ଗି ଦେଇଥିଲେ, ଏହା ପରେ ଶ୍ରୀ ବଜରଙ୍ଗ ସେନାର କିଛି ସଦସ୍ୟ ଏବଂ ହିନ୍ଦୁ ସଂଗଠନର ଲୋକମାନେ ସକ୍ରିୟ ହୋଇ ଯାଇଥିଲେ। ପ୍ରତ୍ୟେକ ମୁସଲମାନକୁ ସେମାନଙ୍କ ଘରୁ ବାହାରକୁ ଟାଣି ଆଣି ମାଡ଼ ମାରିଲେ, ମସଜିଦଗୁଡ଼ିକର ପତାକା ଉପାଡ଼ି ଫିଙ୍ଗି ଦେଲେ। କାର ଏବଂ ମୋଟରସାଇକେଲ ଭାଙ୍ଗିଦେଲେ। ପୁରା ମୁସଲମାନ ସମ୍ପ୍ରଦାୟ ପୋଲିସ ଷ୍ଟେସନରେ ଆଶ୍ରୟ ନେଇଛନ୍ତି। ଜୟ ଶ୍ରୀ ରାମ… “

ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଥିବା ଅନ୍ୟ ୟୁଜରମାନେ ଏହି ଭିଡିଓକୁ ସମାନ ଏବଂ ଏକାଭଳି ଦାବି ସହିତ ସେୟାର କରିଛନ୍ତି। ଟ୍ୱିଟର ବ୍ୟବହାରକାରୀ ‘ସୁଜିତ ସିଂ ଗେହଲୋତ୍ କାନପୁର’ ମଧ୍ୟ ଏହି ଏକା ଦାବି ସହିତ ଏହି ଭିଡିଓ ସେୟାର କରିଛନ୍ତି।

ଅନୁସନ୍ଧାନ

ଏହି ଭାଇରାଲ ଭିଡିଓକୁ ଉତ୍ତରପ୍ରଦେଶର ଲାଲଗଞ୍ଜରେ ଘଟିଥିବା ଘଟଣା ବୋଲି କୁହାଯାଇଛି। ଯଦି ଏପରି ଘଟଣା ଘଟିଥାନ୍ତା, ତେବେ ଏହା ଏକ ବଡ଼ ଖବର ହୋଇଥାନ୍ତା। କିନ୍ତୁ, ନ୍ୟୁଜ୍ ସର୍ଚ୍ଚ ସମୟରେ, ଆମେ ଏପରି କୌଣସି ଖବର ପାଇଲୁ ନାହିଁ ଯେଉଁଥିରେ ଭାଇରାଲ୍ ଭିଡିଓରେ ଦାବି କରାଯାଇଥିବା ଭଳି ଘଟଣା ବିଷୟରେ ଉଲ୍ଲେଖ କରାଯାଇଛି।

ସର୍ଚ୍ଚ ସମୟରେ, ଆମେ 13 ଅକ୍ଟୋବର 2021 ରେ ଦୈନିକ ଜାଗରଣର ୱେବସାଇଟରେ ପ୍ରକାଶିତ ଏକ ରିପୋର୍ଟ ପାଇଲୁ, ଯାହା ଅନୁଯାୟୀ ଇଣ୍ଟରନେଟରେ ଅନ୍ୟ ସମ୍ପ୍ରଦାୟର ଲୋକମାନେ ଲାଲଗଞ୍ଜ ଅଞ୍ଚଳରେ ଥିବା ଏକ ଦୁର୍ଗା ପୂଜା ପେଣ୍ଡାଲରେ ଜବରଦସ୍ତି ପୂଜାପାଠ ବନ୍ଦ କରିବା ସହ ନାରଙ୍ଗୀ ପତାକା ଫିଙ୍ଗିବା ଦାବି କରାଯାଇ ପୋଷ୍ଟ କରାଯାଇଥିବା ଉତ୍ତେଜନାମୂଳକ ଭିଡିଓ ସାମ୍ନାକୁ ଆସିବା ମାତ୍ରେ ପୋଲିସ ପ୍ରଶାସନ ତତ୍ପର ହୋଇ ଉଠିଥିଲା।

ରିପୋର୍ଟ ଅନୁଯାୟୀ, ‘ଯେତେବେଳେ ଲାଲଗଞ୍ଜ ପୋଲିସ ତଦନ୍ତ ଆରମ୍ଭ କଲା ସେତେବେଳେ ଜଣା ପଡ଼ିଲା ଯେ, ଭାଇରାଲ ଭିଡିଓ ଛତିଶଗଡ଼ରୁ ଆସିଥିଲା। ପୋଲିସ ଅଭିଯୁକ୍ତଙ୍କ ନମ୍ବରରୁ ତାଙ୍କ ନାମ ଖୋଜିଥିଲା। ଇନ୍ସପେକ୍ଟର ରାଜେଶ କୁମାରଙ୍କ ତତ୍ତ୍ୱାବଧାନରେ ଅଭିଯୁକ୍ତ ସନ୍ତୋଷ କୁମାର ମଣ୍ଡଳଙ୍କ ବିରୋଧରେ ଦୁଇ ସମ୍ପ୍ରଦାୟ ମଧ୍ୟରେ ସୌହାର୍ଦ୍ଦ୍ୟ ଭଙ୍ଗ ଏବଂ ଜନସାଧାରଣଙ୍କ ଶାନ୍ତି ଭଙ୍ଗ କରିବାକୁ ଷଡଯନ୍ତ୍ର କରିବା ନେଇ ଏକ ମାମଲା ରୁଜୁ ହୋଇଥିଲା।

ଭାଇରାଲ ହେଉଥିବା ଭିଡିଓରୁ ମଧ୍ୟ ଏହା ଛତିଶଗଡର ବୋଲି ସୁନିଶ୍ଚିତ ହୋଇଛି। ଭିଡିଓକୁ ଧ୍ୟାନର ସହ ଦେଖିବା ପରେ, ଆମେ ନଷ୍ଟ ହୋଇଯାଇଥିବା ଗାଡ଼ିର ନମ୍ବର ପ୍ଲେଟ୍ ପାଇଲୁ ଯେଉଁଥିରେ ‘CH 04 HD 1430’ ନମ୍ବର ଲେଖାଯାଇଥିଲା। ଏଥିରୁ ଏହା ସ୍ପଷ୍ଟ ହୋଇଛି ଯେ ଭିଡିଓ ଭାଇରାଲ ହେଉଛି ଛତିଶଗଡ଼ରୁ, ଯାହା ଉତ୍ତରପ୍ରଦେଶ ଲାଲଗଞ୍ଜର ସାମ୍ପ୍ରଦାୟିକ ଘଟଣାର ରଙ୍ଗ ଦେଇ ଭାଇରାଲ କରାଯାଉଛି।

ଭାଇରାଲ ହେଉଥିବା ଭିଡିଓରେ ଦୁର୍ବୃତ୍ତମାନେ ସ୍ପଷ୍ଟ ଭାବରେ ଜୟ ଶ୍ରୀ ରାମ କହି ରାସ୍ତାରେ ଭଙ୍ଗାରୁଜା କରୁଥିବା ଦେଖିବାକୁ ମିଳୁଛି। ଭିଡ଼ରେ ଥିବା କେତେକ ଲୋକ ହାତରେ ନାରଙ୍ଗୀ ପତାକା ମଧ୍ୟ ଧରିଛନ୍ତି। ଏଥିରୁ ସ୍ପଷ୍ଟ ହୋଇଛି ଯେ ଭଙ୍ଗାରୁଜା କରୁଥିବା ଉପଦ୍ରବୀମାନେ ହିନ୍ଦୁ ସଂଗଠନର ଅଟନ୍ତି।

ଆମର ସହଯୋଗୀ ଦୈନିକ ଜାଗରଣର ରାୟପୁର ବ୍ୟୁରୋ ମୁଖ୍ୟ ସଞ୍ଜିତ କୁମାର ମଧ୍ୟ ଏହା ନିଶ୍ଚିତ କରି କହିଛନ୍ତି ଯେ ଏହି ଭିଡିଓ ଛତିଶଗଡ଼ର କୱର୍ଧା ଦଙ୍ଗା ସହ ଜଡ଼ିତ।

ଉତ୍ତରପ୍ରଦେଶ ପୋଲିସ ମଧ୍ୟ ସରକାରୀ ଟ୍ୱିଟର ହ୍ୟାଣ୍ଡେଲରେ ସୂଚନା ଦେଇ କହିଛି ଯେ 05.10.2021 ରେ ଛତିଶଗଡ଼ର କୱର୍ଧାରେ ଘଟିଥିବା ଘଟଣାକୁ ବିଭ୍ରାନ୍ତିକର ରୂପରେ ଉତ୍ତରପ୍ରଦେଶ ପ୍ରତାପଗଡ଼ର ଏକ ଘଟଣା ଭାବରେ ଉପସ୍ଥାପନ କରି ଦୁଷ୍ପ୍ରଚାର କରିବା ସମ୍ବନ୍ଧରେ @pratapgarhpol ଦ୍ୱାରା ମାମଲାକୁ ଖଣ୍ଡନ କରାଯାଇ ଏକ ମକଦ୍ଦମା ଦାଏର କରାଯାଇଛି।

ଏହି ପ୍ରସଙ୍ଗରେ ଅତିରିକ୍ତ ସୂଚନା ପାଇଁ ଆମେ ପ୍ରତାପଗଡ଼ ପୋଲିସ ସହିତ ଯୋଗାଯୋଗ କରିଥିଲୁ। ବିଶ୍ୱାସ ନ୍ୟୁଜ୍ ସହ ବାର୍ତ୍ତାଳାପରେ କୁଣ୍ଡା ପୋଲିସ ଡେପୁଟି ସୁପରିଟେଣ୍ଡେଣ୍ଟ୍ ଅର୍ଜୁନ ସିଂ କହିଛନ୍ତି, ‘ଭିଡିଓରେ ଦାବି କରାଯାଇଥିବା କୌଣସି ଘଟଣା ଲାଲଗଞ୍ଜ କିମ୍ବା ଜିଲ୍ଲାର ଅନ୍ୟ ଅଞ୍ଚଳରେ ଘଟି ନାହିଁ। ଆମେ ଆମର ଅନୁସନ୍ଧାନରେ ଜାଣିବାକୁ ପାଇଲୁ ଯେ ଏହି ଭିଡିଓ ଛତିଶଗଡରୁ ଆସିଛି ଏବଂ ଏହାକୁ ଲାଲଗଞ୍ଜ ନାମରେ ଭାଇରାଲ କରିଥିବା ବ୍ୟକ୍ତିକୁ ଆମେ ଚିହ୍ନଟ କରିଛୁ ଏବଂ ତା ବିରୋଧରେ ମାମଲା ରୁଜୁ କରିଛୁ। ତାଙ୍କୁ ଶୀଘ୍ର ଗିରଫ କରାଯିବ।

ଭୁଲ୍ ଦାବି ସହିତ ଭାଇରାଲ୍ ଭିଡିଓ ସେୟାର କରିଥିବା ୟୁଜରଙ୍କୁ ପ୍ରାୟ ଦେଢ଼ ହଜାର ଲୋକ ଫଲୋ କରୁଛନ୍ତି। ମାର୍ଚ୍ଚ 2015 ଠାରୁ ଏହି ପ୍ରୋଫାଇଲ୍ ଫେସବୁକରେ ସକ୍ରିୟ ଅଛି।

निष्कर्ष: ସାମ୍ପ୍ରଦାୟିକ ଅସନ୍ତୋଷ ସୃଷ୍ଟି କରିବା ଉଦ୍ଦେଶ୍ୟରେ ଛତିଶଗଡ଼ରେ ଘଟିଥିବା ଏକ ଘଟଣାର ଭିଡିଓକୁ ମୁସଲିମ ସମ୍ପ୍ରଦାୟର ସଦସ୍ୟଙ୍କ ଦ୍ୱାରା ଉତ୍ତରପ୍ରଦେଶର ପ୍ରତାପଗଡ଼ ଜିଲ୍ଲାର ଦୁର୍ଗା ପୂଜା ପେଣ୍ଡାଲ୍‌ରେ ଭଙ୍ଗାରୁଜା କରାଯାଉଛି କହି ଭାଇରାଲ କରାଯାଉଛି। ଭାଇରାଲ ହେଉଥିବା ଏହି ଭିଡିଓ ଛତିଶଗଡ଼ର ଦଙ୍ଗା ପ୍ରଭାବିତ କୱର୍ଧା ଜିଲ୍ଲାର ଏବଂ ଏହି ଭିଡିଓରେ ନାରଙ୍ଗୀ ପତାକା ଧରିଥିବା ହିନ୍ଦୁ ସଂଗଠନର ଲୋକମାନେ ଉପଦ୍ରବ କରୁଥିବା ଦେଖାଯାଇପାରିବ।

  • Claim Review : ପ୍ରତାପଗଡ଼ ଜିଲ୍ଲାର ଲାଲଗଞ୍ଜ ସହରରେ ଦୁର୍ଗା ପୂଜା ପେଣ୍ଡାଲ୍‌ରେ ପ୍ରବେଶ କରି ଜିହାଦୀମାନେ ପୂଜା ବନ୍ଦ କରିଦେଲେ
  • Claimed By : ଫେସବୁକ୍ ୟୁଜର୍‌- ଶଙ୍କର ମାଲି ତନୱର୍
  • Fact Check : False
False
Symbols that define nature of fake news
  • True
  • Misleading
  • False

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

ଟ୍ୟାଗ୍ସ

Post your suggestion
ଆହୁରି ପଢ

No more pages to load

ଲେଖା ସମ୍ବନ୍ଧୀୟ

Next pageNext pageNext page

Post saved! You can read it later