Fact Check: અભિનંદનના નામે ફરી વાયરલ થયું ફેક નિવેદન, અખબારના સમાચાર સાથે કરવામાં આવી છેડછાડ

નવી દિલ્હી (વિશ્વાસ સમાચાર): સોશિયલ મીડિયાના વિવિધ પ્લેટફોર્મ પર ફરી એકવાર વિંગ કમાન્ડર (હવે ગ્રુપ કેપ્ટન) અભિનંદન વર્ધમાનના નિવેદનના નામે એક સમાચારનો અધૂરો ભાગ વાયરલ કરવામાં આવી રહ્યો છે. આમાં એડિટેડ સમાચારને વાયરલ કરીને સોશિયલ મીડિયા યુઝર્સ દાવો કરી રહ્યા છે કે અભિનંદને આ નિવેદન આપ્યું હતું. વિશ્વાસ ન્યૂઝની તપાસમાં જાણવા મળ્યું કે દૈનિક જાગરણ અખબારમાં પ્રકાશિત વિશ્વાસ ન્યૂઝના એક જૂના ફેક્ટ ચેક રિપોર્ટને એડિટ કરીને ખોટા દાવાની સાથે વાયરલ કરવામાં આવ્યો છે. અભિનંદનના નામે એક રાજકીય નિવેદન વાયરલ થયું હતું. તે સમયે વિશ્વાસ ન્યૂઝે વાયરલ થયેલા દાવાની તપાસ કરી હતી.

શું થઈ રહ્યું છે વાયરલ?

ફેસબુક યુઝર સંતોષ કુમાર નિષાદે અખબારના એક અધૂરા કટિંગને પોસ્ટ કરતા લખ્યું કે, “દેખ રહે હો વિનોદ ચૂંટણી જીતવા માટે આ દેશમાં સૈનિકોની બલી આપવામાં આવે છે.”

વાયરલ પોસ્ટને સાચી માનીને અન્ય યુઝર્સ પણ વાયરલ કરી રહ્યા છે. આના આર્કાઇવ વર્ઝનને અહીં જુઓ.

તપાસ

પાકિસ્તાનથી સુરક્ષિત પરત ફરેલા વાયુસેનાના જાંબાજ અભિનંદનના નામે 2019માં એક નિવેદન વાયરલ થયું હતું. તેમાં દાવો કરવામાં આવ્યો હતો કે તેમણે પુલવામા હુમલાને લઈને ભાજપ, નરેન્દ્ર મોદી, પાકિસ્તાન અને ઈમરાન ખાન પર પ્રહારો કર્યા હતા. વિશ્વાસ ન્યૂઝે 16 મે, 2019ના રોજ વાયરલ નિવેદનની તપાસ કરી હતી. જેમાં એવું સામે આવ્યું હતું કે અભિનંદને ક્યારેય આવું નિવેદન આપ્યું નથી. કેટલાક લોકો તેમની તસવીર સાથે બનાવટી નિવેદનો વાયરલ કરી રહ્યા હતા.

વિશ્વાસ ન્યૂઝનો ફેક્ટ ચેક ન્યૂઝ રિપોર્ટ દૈનિક જાગરણની આવૃત્તિઓમાં પણ પ્રકાશિત થતો હતો. 18 મે 2019ના રોજ દૈનિક જાગરણે આ ફેક્ટ ચેક રિપોર્ટ પ્રકાશિત કર્યો હતો. તે પ્રકાશિત ફેક્ટ ચેક રિપોર્ટના એક ભાગને અલગ કરીને કેટલાક લોકો જાણી જોઈને ભ્રમ ફેલાવવાનો પ્રયાસ કરી રહ્યા છે. સમાચારમાં છપાયેલા સમાચારને નીચે જોઈ શકાય છે.

વિશ્વાસ ન્યૂઝની અગાઉની તપાસને અહીં વિગતવાર વાંચી શકાય છે.

Fact Check : पुलवामा अटैक पर अभिनंदन ने नहीं दिया कोई बयान, फर्जी है वायरल पोस्‍ट

તપાસ બાદ ફેક પોસ્ટ વાયરલ કરનાર યુઝર વિશે માહિતી એકઠી કરવામાં આવી. ફેસબુક યુઝર સંતોષ કુમાર નિષાદ યુપીના રહેવાસી છે. તેમના એકાઉન્ટને 1500 લોકો ફોલો કરે છે.

નિષ્કર્ષઃ વિશ્વાસ ન્યૂઝની તપાસમાં અભિનંદનના નામે વાયરલ નિવેદન બનાવટી સાબિત થયું. અખબારમાં પ્રકાશિત વિશ્વાસ ન્યૂઝના ફેક્ટ ચેક રિપોર્ટના એક ભાગને એડિટ કરીને ખોટા દાવાની સાથે વાયરલ કરવામાં આવી રહ્યો છે.

ટેગ્ઝ

• Abhinandan
• Fact Check
• Fake Statement