Fact Check: શાહરૂખ ખાનની સાથે અંબાણી પરિવારની તસવીરને પઠાણ ફિલ્મ સાથે નથી કોઈ સંબંધ

નવી દિલ્હી (વિશ્વાસ ન્યૂઝ)। પઠાણ ફિલ્મ રિલીઝ થયા બાદ એક તસવીર વાયરલ થઈ રહી છે, જેમાં શાહરૂખ ખાન મુકેશ અંબાણી અને તેમના પરિવાર સાથે સેલ્ફી લેતા જોવા મળી રહ્યા છે. તસવીરના બેકગ્રાઉન્ડમાં એક મોટી સ્ક્રીન દેખાય રહી છે. સોશિયલ મીડિયા યુઝર્સ આ તસવીરને શેર કરીને દાવો કરી રહ્યા છે કે અંબાણી પરિવારના સભ્યો શાહરૂખ ખાનની સાથે તેમની ફિલ્મ પઠાણ જોઈ રહ્યા છે. વિશ્વાસ ન્યૂઝને તેની તપાસમાં જાણવા મળ્યું છે કે આ તસવીર 2015ની Jio 4G લૉન્ચ વખતની છે. આ જૂના ફોટોને ફેક દાવાની સાથે પઠાણ સાથે જોડીને વાયરલ કરવામાં આવી છે.

શું છે વાયરલ પોસ્ટમાં?

ફેસબુક યુઝરે વાયરલ પોસ્ટને શેર કરતા લખ્યું, ‘ તમે લોકો બાયકોટ કરતા રહો થિયેટરની બહાર ત્યાં અંબાણી પરિવાર, શાહરૂખની સાથે પઠાણને જોઈ રહ્યો છે.’

તપાસ

અમારી તપાસને શરૂ કરતા સૌથી પહેલા અમે તસવીરને Google લેન્સ દ્વારા સર્ચ કરી. સર્ચમાં અમને આ ફોટો એક ટ્વિટર હેન્ડલ પર 28 ડિસેમ્બર, 2015ના રોજ ટ્વિટ કરેલો મળ્યો. આ ટ્વિટમાં જણાવવામાં આવ્યું હતું કે આ 4G લૉન્ચ દરમિયાન લેવામાં આવેલી સેલ્ફી છે.

Mumbai: @iamsrk takes a selfie with RIL Chairman Mukesh Ambani and his family during the launch of Reliance Jio 4G pic.twitter.com/uyUh2E2EMn

— 𝐇𝐚𝐫𝐬𝐡 𝐊𝐮𝐦𝐚𝐫 (@harshktweets) December 28, 2015

આના આધારે અમે ટાઈમ ટૂલની સાથે ન્યૂઝને સર્ચ કર્યા અને ફાઈનાન્શિયલ એક્સપ્રેસના 28 ડિસેમ્બર, 2015ના એક સમાચાર મળ્યા, જેમાં આપેલા તમામ ફોટાની સાથે જ વાયરલ તસવીર જોઈ શકાય છે. સમાચાર અનુસાર, આ તમામ તસવીરો Jio 4G લૉન્ચ વખતની છે.

વધુ માહિતી માટે વિશ્વાસ ન્યૂઝે દૈનિક જાગરણના ફિલ્મ પત્રકાર સ્મિતા શ્રીવાસ્તવનો સંપર્ક કર્યો. તેમણે કહ્યું કે, ‘આ તસવીર જૂની છે.’

ફેક પોસ્ટને શેર કરનારના ફેસબુકની સોશિયલ સ્કેનીંગમાં અમને જાણવા મળ્યું કે યુઝર મુંબઈનો રહેવાસી છે.

નિષ્કર્ષ: શાહરૂખ ખાનની સાથે અંબાણી પરિવારની સેલ્ફીનો આ તસવીર 2015માં Jio 4G લૉન્ચ વખતની છે. આ જૂના ફોટાને ફેક દાવાની સાથે પઠાણ ફિલ્મ સાથે જોડીને વાયરલ કરવામાં આવી રહ્યો છે.

ટેગ્ઝ

• Ambani Family
• Mukesh Ambani
• Shahrukh Khan
• Shahrukh Khan film Pathan
• shahrukh khan pathan