വസ്തുതാപരിശോധന: ഈ പെൺകുട്ടിയെ കാണാതായി മണിക്കൂറുകൾക്കുള്ളിൽ വീണ്ടും സ്വന്തം കടുംബത്തോടൊപ്പം ചേർത്തു. 2016 -ലെ വൈറലായ ഈ ചിത്രത്തോടൊപ്പമുള്ള അവകാശവാദം വ്യാജം

ന്യൂഡൽഹി (വിശ്വാസ് ന്യൂസ്): ഒരു വനിതാ റെയിൽവേ പോലീസിനോടൊപ്പം കരഞ്ഞുകൊണ്ടുനിൽക്കുന്ന ഒരു പെൺകുട്ടിയുടെ ചിത്രം സമൂഹമാധ്യമങ്ങളിൽ വൈറലായിരിക്കുന്നു. സ്വന്തം കുടുംബത്തിൽനിന്നും ഒറ്റപ്പെട്ടുപോയ ആ കുട്ടിയെ കുടുംബത്തോടൊപ്പം എത്തിക്കാൻ സഹായമഭ്യർത്ഥിച്ചുകൊണ്ടുള്ള ഒരു കുറിപ്പും അതോടോപ്പമുണ്ട്. വിശ്വാസ് ന്യൂസിന്റെ അന്വേഷണത്തിൽ ഇത് വ്യാജമെന്ന് തെളിഞ്ഞു. 2016 -ൽ നാഗ്പൂർ റെയിൽവേസ്റ്റേഷൻ പ്ലാറ്റുഫോമിൽ കണ്ടെത്തിയ ഒറ്റപ്പെട്ടുപോയ ഒരു കുട്ടിയുടെ ചിതമാണിത്. ഈ ചിത്രം അതിവേഗം ഫേസ്ബുക്കിലും പിന്നീട് വാട്ട്സാപ്പിലും വൈറലായി. 20 മിനിറ്റിനുള്ളിൽത്തന്നെ ആ കുട്ടിയുടെ അമ്മയെയും ബന്ധുക്കളെയും കണ്ടെത്താൻ അധികൃതർക്ക് കഴിഞ്ഞു. കുട്ടിയെ അവരെ ഏല്പിക്കുകയും ചെയ്തു.

എന്താണ് വൈറൽ പോസ്റ്റിലുള്ളത്?

ഞങ്ങളുടെ +91 95992 99372.എന്ന ചാറ്റ്ബോട്ട് നമ്പറിൽ ഈ അവകാശവാദം ഞങ്ങൾ കണ്ടു. പരിശോധിച്ചപ്പോൾ ഇത് ഫേസ്‌ബുക്കിൽ വൈറലാണെന്ന് മനസ്സിലായി. ചിത്രത്തോടൊപ്പമുള്ള കുറിപ്പിൽ പറയുന്നു:” മുമ്പൈയിൽനിന്ന് വരുന്ന ഒരു ട്രെയിനിൽ ബെല്ലാരിയിൽ വെച്ചാണ് ഈ പെൺകുട്ടിയെ കണ്ടത്. സോണൽ പാടെ എന്നാണ് അവളുടെ പേര്. ദയവായി അവളുടെ വിവരങ്ങൾ പങ്കുവെക്കുക.ദൈവത്തോട് പ്രാർത്ഥിക്കുകയും ചെയ്യുക. അവളെ അവളുടെ കുടുംബത്തോടൊപ്പം വീണ്ടും ഒന്നിപ്പിക്കാൻ നിങ്ങൾക്ക് കഴിഞ്ഞേക്കും.”

ഈ പോസ്റ്റിന്റെ ആർക്കൈവ് ലിങ്ക് ഇവിടെ കാണാം.

അന്വേഷണം ;

സത്യാവസ്ഥ പരിശോധിക്കാനായി ഞങ്ങൾ ഈ ചിത്തത്തിന്റെ ഗൂഗിൾ റിവേഴ്‌സ് ഇമേജ് നടത്തി.indianexpress.com. -ലെ 2016 -ലെ ഒരു റിപ്പോർട്ടിൽ ഞങ്ങൾ ചിത്രം കണ്ടെത്തി. ആ വാർത്തയിൽ പറയുന്നു “നാലുവയസ്സുള്ള അവാനി ജെയിൻ എന്ന പെൺകുട്ടി താൻ നാഗ്പൂർ റെയിൽവേസ്റ്റേഷൻ പ്ലാറ്റുഫോമിൽ ഒറ്റപ്പെട്ടുപോയ വിവരം ഒരു റെയിൽവെ പോലീസ് ഉദ്യോഗസ്ഥയോട് പറയുന്നതാണ് ചിത്രം. ഉടനടി റെയിൽവെ ആ വിവരം ഫേസ്ബുക്കിലും വാട്ട്‌സ്ആപ്പിലും ഷെയർ ചെയ്തു. കുട്ടി ഒരു റെയിൽവേ പോലീസ് ഉദ്യോഗസ്ഥയുടെ കൈ പിടിച്ച് നിൽക്കുന്നതാണ് ചിത്രത്തിൽ കാണുന്നത്. ഈ ഫോട്ടോ ഒരു റെയിൽവേ ഉദ്യോഗസ്ഥർ ഷെയർ ചെയ്യുകയും മിനിറ്റുകൾക്കുള്ളിൽ 200 -ൽ പരം വാട്ടസ്ആപ് ഗ്രൂപ്പുകളിലൂടെ പ്രചരിക്കുകയും ചെയ്തു. 20 മിനിറ്റുകൾക്കുള്ളിൽ ചിത്രം വൈറലായി. അമ്മയോടും കുടുംബത്തോടുമൊപ്പം നാഗ്പൂരിൽനിന്നും ഭോപ്പാലിലേക്ക് യാത്ര ചെയ്യുകയായിരുന്നു കുട്ടി. ഒടുവിൽ റെയിൽവേ അധികൃതർ കുട്ടിയെ സുനയന ജെയിൻ എന്ന് പേരുള്ള അവളുടെ അമ്മയുടെ അടുത്തെത്തിച്ചു.

സത്യാവസ്ഥ പരിശോധിക്കാനായി ഞങ്ങൾ ഈ ചിത്തത്തിന്റെ എ എൻ ഐയുടെ നാഗ്പുർ കറസ്പോണ്ടന്റ് സൗരഭ് ജോഷിയുമായി ഞങ്ങൾ ഇതിനെപറ്റി ചോദിച്ചു. “ഈ ഫോട്ടോ 2016-ലേതാണ്. അമ്മയോടും കുടുംബത്തോടുമൊപ്പം നാഗ്പൂരിൽനിന്നും ഭോപ്പാലിലേക്ക് യാത്ര ചെയ്യുകയായിരുന്നു കുട്ടി. അതിനിടയിൽ കാണാതായ കുട്ടിയെ റെയിൽവേ പോലീസ് കണ്ടെത്തുകയും കുടുംബത്തെ ഏല്പിക്കുകയും ചെയ്തു,” അദ്ദേഹം വ്യക്തമാക്കി.

അവസാനമായി വിശ്വാസ് ന്യൂസ് ഈ പോസ്റ്റ് ഫേസ്‌ബുക്കിൽ പങ്കുവെച്ച ഗജൻ ഫറിന്റെ സോഷ്യൽ സ്കാനിംഗ് നടത്തി. അയാൾ ദൽഹി നിവാസിയാണ്.

निष्कर्ष: വിശ്വാസ് ന്യൂസിന്റെ അന്വേഷണത്തിൽ ഈ പോസ്റ്റ് വ്യാജമെന്ന് തെളിഞ്ഞു. നാഗ്പൂർ റെയിൽവേസ്റ്റേഷൻ പ്ലാറ്റുഫോമിൽ ഒറ്റപ്പെട്ടുപോയ ഈ പെൺകുട്ടിയുടെ ഫോട്ടോ 2016 -ലേതാണ്. ഈ ഫോട്ടോ ഒരു റെയിൽവേ ഉദ്യോഗസ്ഥർ വാട്ട്സാപ്പിലും ഫേസ്ബുക്കിലും ഷെയർ ചെയ്യുകയും 20 മിനിറ്റുകൾക്കുള്ളിൽ അത് വൈറലാകുകയും ചെയ്തു. താമസിയാതെ റെയിൽവേ പോലീസ് കുട്ടിയുടെ രക്ഷിതാക്കളെ കണ്ടെത്തുകയും കുട്ടിയെ തിരികെ ഏല്പിക്കുകയും ചെയ്തു.

ടാഗ്സ്

• Fact Check
• Fake post
• Lost child
• Lost Girl
• viral post fake