హైదరాబాద్‌ (విశ్వాస్ న్యూస్) : దేశ రాజధాని సరిహద్దుల్లోని రైతుల ఉద్యమం కొనసాగుతున్న ఈ సమయంలో, రిలయన్స్ జియో లోగోతో ఆహార ధాన్యాల బస్తాలకు చెందిన వైరల్ ఫోటోలు సోషల్ మీడియాలో వైరల్ అవుతున్నాయి, ముఖేష్ అంబానీ తక్కువ ధరలకు కొనుగోలు చేశారనే వాదనతో వీటిని పోస్ట్ చేస్తున్నారు.
విశ్వాస్ న్యూస్ దర్యాప్తులో వైరల్ దావా నకిలీదని తేలింది. జియో సీనియర్ అధికారులు ఈ వైరల్ పోస్ట్‌లను ఖండించారు, మరియు వారి బ్రాండ్ పేరును దుర్వినియోగం చేయడంపై అప్రమత్తం అయ్యారు.
దావా :
జియో లోగోతో కూడిన ఆహార ధాన్యం బస్తాల యొక్క కొన్ని ఫోటోలు సోషల్ మీడియాలో వైరల్ అవుతున్నాయి, అంబానీ ఎక్కువ ధరలకు అమ్మడం కోసం వాటిని రైతుల నుండి తక్కువ ధరలకు కొనుగోలు చేశారనే వాదనతో వాటిని పోస్ట్ చేస్తున్నారు. ఫేస్బుక్ యూజర్ టింకు లోటీ ఈ వైరల్ ఫోటోలను షేర్‌ చేసి ఇలా రైటప్‌ ఇచ్చారు. ‘చట్టం చేయడానికి ముందే బ్యాగ్స్ తయారు చేయబడ్డాయి, మరియు అన్ని సన్నాహాలు పూర్తయ్యాయి.’
పోస్ట్ యొక్క ఆర్కైవ్ వెర్షన్ ఇక్కడ చూడవచ్చు.
హిందీ, తమిళం వంటి వివిధ భారతీయ భాషలలో ఇలాంటి వాదనలు షేర్‌ చేస్తున్నట్లు మేము కనుగొన్నాము.
దర్యాప్తు :
విశ్వాస్ న్యూస్ మొదట అధికారిక జియో అండ్ రిలయన్స్ వెబ్‌సైట్‌లో కొత్త ఆహార ఉత్పత్తి ప్రారంభానికి సంబంధించిన సమాచారం కోసం శోధించింది. ఒక వ్యక్తి రిలయన్స్ జియో మార్ట్ పేరిట ఆన్‌లైన్ కిరాణా షాపింగ్ చేస్తున్నప్పటికీ, వైరల్ దావాను ధృవీకరించే ప్రామాణికమైన ఆధారాలు ఏవీ మాకు దొరకలేదు.
దీనిని నిర్ధారించుకోవడం కోసం విశ్వాస్ న్యూస్ రిలయన్స్ ఇండస్ట్రీస్ లిమిటెడ్ కార్పొరేట్ కమ్యూనికేషన్స్ వైస్ ప్రెసిడెంట్ తుషార్ పానియాను సంప్రదించింది. పానియా ఈ వాదనలను ఖండించారు, మరియు వైరల్ పోస్టులు నకిలీవి అని స్పష్టం చేశారు. రిలయన్స్ జియోకు చెందిన ఫ్రాంకో విలియం కూడా ఈ వాదనలను ఖండించారు. కొందరు తమ బ్రాండ్ పేరును దుర్వినియోగం చేస్తున్నారని ప్రజలను హెచ్చరించారు.
వైరల్ పోస్ట్‌ను షేర్‌ చేసుకున్న ఫేస్బుక్ పేజీ సోషల్ స్కానింగ్‌లో ఇది పంజాబ్ నుంచి ఆపరేట్‌ చేస్తున్నట్లు తెలిసింది.
निष्कर्ष: వైరల్ పోస్ట్ నకిలీ. రిలయన్స్ ఇండస్ట్రీస్ సీనియర్ అధికారులు నకిలీ వాదనలను ఖండించారు.
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
