വസ്തുത പരിശോധന: ദിൽജിത് ഡോസാൻജ് ഈ വൈറൽ പ്രസ്താവന നടത്തിയിട്ടില്ല. ഈ വൈറൽ ട്വീറ്റ് വ്യാജമാണ്.

ന്യൂഡൽഹി(വിശ്വാസ് ന്യൂസ്): സമൂഹമാധ്യമങ്ങളിൽ പങ്കുവെച്ച ഈ പ്രസ്താവനയുടെ ഒരു സ്ക്രീൻഷോട്ട് പറയുന്നു, “വിദ്യാസമ്പന്നരായ ആളുകൾ കര്ഷകരെപ്പോലെ തെരുവിൽ ഇറങ്ങിയിരുന്നെങ്കിൽ വിമാനത്താവളങ്ങളോ റെയിൽവേ സ്‌റ്റേഷനുകളോ വിൽക്ക പ്പെടുകയില്ല, തൊഴിൽ നഷ്ടപ്പെടുകയില്ല, ജിഡിപി ഈ പതനത്തിൽ എത്തുകയില്ല. ” ഗായകനും ബോളിവുഡ് നടനുമായ ദിൽജിത് ഡോസാൻജിന്റെ പേരിലാണ് ഈ ട്വിറ്റർ പ്രത്യക്ഷപ്പെട്ടത്. . വിശ്വാസ് ന്യൂസ് നടത്തിയ അന്വേഷണത്തിൽ ഇത് വ്യാജമെന്ന് തെളിഞ്ഞു. ഇത് ദിൽജിത് ഡോസാൻജിന്റെ ഔദ്യോഗിക ട്വിറ്റർ ഹാൻഡിൽ അല്ല. ഇപ്പോൾ ഈ ട്വിറ്റർ ഹാൻഡിൽ നീക്കം ചെയ്യപ്പെട്ടിരിക്കുന്നു.

എന്താണ് വൈറൽ പോസ്റ്റിലുള്ളത് ?

ഫേസ്ബുക്ക് യൂസർ ഗുർചരൺ സിംഗ് ഈ പോസ്റ്റ് പങ്കുവെച്ചു.

ഈ പോസ്റ്റിന്‍റെ ആര്‍ക്കൈവ്ഡ് വേര്‍ഷന്‍ പരിശോധിക്കാം, ഇവിടെ

 അന്വേഷണം

അന്വേഷണം ആരംഭിച്ചുകൊണ്ട് വിശ്വാസ് ന്യൂസ് വൈറൽപോസ്റ്റിൽ കണ്ട handle @Diljitdosanjhi എന്ന ട്വീറ്റർ ഹാൻഡിൽ സെർച്ച് ചെയ്തു. അങ്ങനെയൊരു ഹാൻഡിൽ നിലവിലില്ലെന്ന് ഞങ്ങൾക്ക് മനസ്സിലായി. വേ ബാക്ക് മെഷീൻ ഉപയോഗിച്ചുള്ള സെർച്ചിൽ ഈ ഹാന്റിലിന്റെ 2020 ഡിസംമ്പർ 7,8 തീയതികളിലെ 2 സ്‌ക്രീൻ ഷോട്ടുകൾ കണ്ടെത്തിയെങ്കിലും അവിടെ നീല ടിക് ഉണ്ടായിരുന്നില്ല. അതായത് ഈ അക്കൗണ്ട് വെരിഫൈ ചെയ്തിട്ടില്ല. കൂടാതെ ഈ ട്വീറ്റർ ഹാന്ഡിലിൽ ദിൽജിത്തിന്റെ പേരിൽ ഒരു അധിക ‘I’ ചേർത്തിരുന്നു.. ദിൽജിത്തിന്റെ യഥാർത്ഥ ട്വീറ്റർ ഹാന്ഡിലിൽ, അവസാനം ഒരു അധിക (i) ഇല്ല.

ഇതിനുശേഷം ഞ ങ്ങൾ ദിൽജിത്തിന്റെ യഥാർത്ഥ ട്വിറ്റർ ഹാൻഡിൽ സെർച്ച് ചെയ്തു. അതിൽ കര്ഷകസമരത്തെ പിന്താങ്ങിക്കൊണ്ടുള്ള പല ട്വീറ്റുകളും കണ്ടുവെങ്കിലും ഈ വൈറൽ ട്വിറ്റർ അതിനുസമാനമായതോ കണ്ടെത്താനായില്ല.

കൂടുതൽ വിവരങ്ങൾക്കായി പഞ്ചാബി ജാഗരണിനുവേണ്ടി വിനോദ വാർത്തകൾ കവർ ചെയ്യുന്ന തേജിന്ദർ കൗർ എന്ന ജേണലിസ്റ്റിനെ ഞങ്ങൾ ബന്ധപ്പെട്ടു. ഈ വൈറലായ ട്വീറ്റ് ദിൽജിത് ഡോസാഞ്ചിന്റെതല്ലെന്നും അദ്ദേഹത്തിന്റെ പേരിൽ ഉണ്ടാക്കിയ ഒരു വ്യാജ അക്കൗണ്ടിൽനിന്ന് ട്വീറ്റ് ചെയ്തതാണെന്നും അവർ വ്യക്തമാക്കി.

ഫേസ്‌ബുക്കിൽ ഗുർചരൻ സിംഗ് എന്നൊരു യൂസർ ആണ് ഈ പോസ്റ്റ് ഷെയർ ചെയ്തിരിക്കുന്നത്. ഈ യൂസറുടെ പ്രൊഫൈൽ സ്കാൻ ചെയ്തപ്പോൾ അയാൾക്ക് 4,114 ഫോളോവേഴ്സ് ഉണ്ടെന്ന് വ്യക്തമായി.

निष्कर्ष: ദിൽജിത് ഡോസാൻജ് ഈ വൈറൽ പ്രസ്താവന നടത്തിയിട്ടില്ല. ഈ വൈറൽ ട്വീറ്റ് ഒരു വ്യാജ അക്കൗണ്ടിൽ നിന്നാണ് ട്വീറ്റ് ചെയ്തിരിക്കുന്നത്.

ടാഗ്സ്

• Diljit Dosanjh
• Fact Check