వాస్తవ తనిఖీ : మీ ఫోన్ నుండి కరోనా కాలర్ ట్యూన్‌ను తొలగించలేరు, వైరల్ పోస్ట్ అబద్ధం
వినియోగదారులు కరోనా కాలర్ ట్యూన్‌ను తొలగించవచ్చని పేర్కొన్న వైరల్ పోస్ట్ నకిలీ. వినియోగదారులు కరోనా కాలర్ ట్యూన్‌ను తొలగించలేరు.
- By Vishvas News
- Updated: November 25, 2020
హైదరాబాద్‌ (విశ్వాస్ న్యూస్) : కొన్ని సింపుల్స్‌ స్టెప్స్‌ ఫాలో అవడం ద్వారా మీరు మీ ఫోన్ నుండి కరోనా కాలర్ ట్యూన్‌ను తొలగించవచ్చని సోషల్ మీడియాలో ఒక వైరల్ పోస్ట్ తిరుగుతోంది. ఈ వైరల్ వాదన అబద్ధమని విశ్వాస్ న్యూస్ తేల్చింది.
దావా :
ట్విట్టర్ యూజర్ ‘Mᴏʜᴅ Kᴀsʜɪғ ᴋʜᴀɴ’ ఈ పోస్ట్‌ను షేర్ చేశారు – ఎయిర్‌టెల్‌లో కరోనా కాలర్ ట్యూన్‌ను తొలగించడానికి 646224 # కు డయల్ చేసి 1 నొక్కండి, బిఎస్ఎన్ఎల్ నెంబర్‌ కోసం ‘UNSUB’ అని 56700 లేదా 56799 కు ఎస్ఎంఎస్ పంపండి, వోడాఫోన్ నెంబర్‌ కోసం ‘CANCT’ అని 144 కు ఎస్ఎంఎస్ పంపండి, మరియు జియో యూజర్లు అయితే కరోనా కాలర్ ట్యూన్ తొలగించడానికి 155223 కు ‘STOP’ అని ఎస్ఎంఎస్ పంపించండి.
వైరల్ పోస్ట్ యొక్క ఆర్కైవ్ వెర్షన్ ఇక్కడ చూడవచ్చు.
విశ్వాస్ న్యూస్ తన వాట్సాప్ చాట్‌బాట్ (9599299372) లో కూడా వాస్తవ తనిఖీ అభ్యర్థనతో ఈ పోస్ట్ పొందింది.
దర్యాప్తు :
వైరల్ పోస్ట్‌లోని దావాను తనిఖీ చేయడానికి, మేము ఎయిర్‌టెల్, బిఎస్ఎన్ఎల్, వొడాఫోన్ మరియు జియో యొక్క అధికారిక వెబ్‌సైట్‌లను తనిఖీ చేయడం ద్వారా మా దర్యాప్తును ప్రారంభించాము, కాని కరోనా కాలర్ ట్యూన్ తొలగించడం గురించి మాకు ఎటువంటి సూచనలు కనుగొనబడలేదు.
మేము ఎయిర్‌టెల్ నంబర్ నుండి 646224 # డయల్ చేసాము, కాని ప్లీజ్‌ డయల్ కరెక్ట్‌ స్ట్రింగ్ అని సందేశాన్ని అందుకున్నాము. మరోవైపు, మేము జియో నంబర్ నుండి 155223 కు ‘STOP’ అని ఎస్ఎంఎస్ పంపినప్పుడు, జియో ట్యూన్స్ సేవలను తొలగించడానికి మాకు ఒక సందేశం వచ్చింది, అయితే, ఇది కరోనా కాలర్ ట్యూన్ తొలగించే సర్వీసు కాదు.
విశ్వాస్ న్యూస్ ఎయిర్‌టెల్ కస్టమర్ కేర్ ఎగ్జిక్యూటివ్ ఇర్ఫాన్‌ను సంప్రదించింది. ఈ కాలర్ ట్యూన్ ప్రభుత్వ ఆదేశాల మేరకు వర్తింప జేయబడిందని, మరియు ఈ ట్యూన్‌ను తొలగించే ఆదేశాలు తమకు లేవని ఇర్ఫాన్‌ చెప్పారు. కాబట్టి, ప్రస్తుతానికి, వైరల్ పోస్ట్‌లో ఇచ్చిన సూచనలను పాటించడం ద్వారా కూడా మనం ఈ కాలర్ ట్యూన్‌ను తొలగించలేము.
జియో కస్టమర్ కేర్ ఎగ్జిక్యూటివ్ అల్మాస్‌ను కూడా మేము సంప్రదించాము. వైరల్ పోస్ట్ నకిలీదని ఆయన కూడా ధృవీకరించారు. ప్రభుత్వ ఆదేశాల ప్రకారం ఇది వర్తింపజేయబడినందున వినియోగదారులు కరోనా కాలర్ ట్యూన్‌ను తొలగించలేరని చెప్పారు.
వైరల్ పోస్ట్‌ను షేర్ చేసిన చాలా మంది యూజర్లలో ట్విట్టర్ యూజర్ Mᴏʜᴅ Kʜɪғsʜɪғ ఒకరు. ఈ అకౌంట్‌ సోషల్ స్కానింగ్‌లో అతను యుపిలోని లక్నో నివాసి అని తెలిసింది.
निष्कर्ष: వినియోగదారులు కరోనా కాలర్ ట్యూన్‌ను తొలగించవచ్చని పేర్కొన్న వైరల్ పోస్ట్ నకిలీ. వినియోగదారులు కరోనా కాలర్ ట్యూన్‌ను తొలగించలేరు.
- Claim Review : ఇచ్చిన సూచనలను పాటించడం ద్వారా, వినియోగదారు ఫోన్ నుండి కరోనా కాలర్ ట్యూన్‌ను తొలగించవచ్చు.
- Claimed By : Twitter user: Mᴏʜᴅ Kᴀsʜɪғ ᴋʜᴀɴ
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
-
Whatsapp 9205270923
-
Telegram 9205270923
-
Email-Id contact@vishvasnews.com
