తక్షణ వాస్తవ తనిఖీ: యంత్రాలతో జీడిపప్పు తయారు చేస్తున్నారంటూ మరోసారి తప్పుడు ప్రచారం

హైదరాబాద్‌ (విశ్వాస్ న్యూస్) : ఒక యంత్రం ద్వారా నకిలీ జీడిపప్పును తయారు చేస్తున్నట్లు సోషల్ మీడియాలో తిరిగి కనిపించిన ఒక పోస్ట్‌లో పేర్కొన్నారు. వీడియోను పరిశీలిస్తే, ఒక యంత్రంలో తెల్లటి షీట్ నుండి జీడిపప్పు ఆకారాలను కట్‌ చేయడం గమనించవచ్చు. విశ్వాస్ న్యూస్ ఇంతకుముందు ఈ పోస్ట్‌ను పరిశోధించి, అది నకిలీ ప్రచారమని తేల్చింది. ఇది వాస్తవానికి జీడిపప్పు ఆకారంలో ఉన్న స్నాక్స్ మాత్రమే తయారు చేస్తోంది, అసలు జీడిపప్పు కాదు.

దీనిపై ఫ్యాక్ట్ చెక్ కోసం విశ్వాస్ న్యూస్ వాట్సాప్ చాట్‌బాట్‌లో మెస్సేజ్‌ అందుకుంది.

దావా :
వాట్సాప్ చాట్‌బాట్‌లో షేర్ చేసిన పోస్ట్‌లో ఒక యంత్రం తెల్లటి షీట్ నుండి జీడిపప్పు ఆకారంలో ఉన్న వస్తువులను కత్తిరించే వీడియోను చూపిస్తోంది. దావా ప్రకారం యంత్రాల ద్వారా నకిలీ జీడిపప్పు తయారవుతోంది. దర్యాప్తు కోసం షేర్‌ చేయబడిన లింక్ ఇక్కడ ఉంది.

దర్యాప్తు :
విశ్వాస్ న్యూస్ ఇంతకుముందు దర్యాప్తు చేసినప్పుడు మేము ఇన్‌విడ్ సాధనం ద్వారా వీడియో స్క్రీన్ షాట్స్‌ సేకరించి, వాటి శోధనకు గూగుల్ రివర్స్ ఇమేజ్ సెర్చ్‌ను ఉపయోగించాము. ఇదే వీడియో యూట్యూబ్ ఛానెల్ ‘తుషార్ పాండ్యా’లో కనుగొనబడింది. ఈ వీడియోకు ‘Kaju Nimki Making Machine’ అని పేరు పెట్టారు.

తదుపరి దర్యాప్తులో, తుషార్ పాండ్యా యొక్క ట్విట్టర్ ఖాతాలో అదే వీడియోను మేము కనుగొన్నాము, ఆ వీడియోలో చూపిన యంత్రం జీడిపప్పు ఆకారపు స్నాక్స్ తయారు చేస్తుందని పేర్కొంది.

వాస్తవ తనిఖీ కథనం పూర్తి సారాంశాన్ని ఇక్కడ చదవవచ్చు.

స్నాక్స్ తయారీ యంత్రాలను తయారుచేసే Chotiwala Foods and Machines నిర్వాహకుడు తుషార్ పాండ్యాతో మేము మాట్లాడాము.

ఈ వైరల్ పోస్ట్ నకిలీదని ఆయన అన్నారు.

निष्कर्ष: యంత్రాల ద్వారా జీడిపప్పు తయారవుతున్నట్లు నకిలీ పోస్ట్ సోషల్ మీడియాలో మళ్లీ కనిపించింది. వీడియోలో చూపించిన యంత్రం వాస్తవానికి జీడిపప్పు ఆకారపు స్నాక్స్ తయారు చేస్తుంది.

ట్యాగ్స్

• cashew machine
• Fact Check
• fake message
• fake news
• not cashew machine
• viral claim fake
• Vishvas News
• vishvas telugu
• కాజు తయారీ యంత్రం కాదు
• కాజు యంత్రం
• నకిలీ కాజు యంత్రం
• నిజ నిర్ధారణ
• ఫేక్‌ న్యూస్‌
• ఫ్యాక్ట్‌ చెక్‌
• వాస్తవ తనిఖీ
• విశ్వాస్‌ తెలుగు
• విశ్వాస్‌ న్యూస్‌
• వైరల్‌ దావా అబద్ధం