Fact Check: കെബി ഹെഡ്‌ഗേവാറും ബിആർ അംബേദ്കറും മോട്ടോർ സൈക്കിളിൽ സഞ്ചരിക്കുന്നതായി അവകാശപ്പെടുന്ന,  എ ഐ സൃഷ്ടിച്ച ചിത്രം വൈറലാകുന്നു

ന്യൂഡൽഹി (വിശ്വാസ് ന്യൂസ്) : രാഷ്ട്രീയ സ്വയംസേവക് സംഘ് (ആർഎസ്എസ്) സ്ഥാപകനായ കെബി ഹെഡ്ഗേവാർ ഡോ. ബി.ആർ. അംബേദ്ക്കറെ പിൻസീറ്റിൽ ഇരുത്തി   മോട്ടോർസൈക്കിൾ ഓടിക്കുന്ന ഒരു ചിത്രം സോഷ്യൽ മീഡിയയിൽ വൈറലാകുകയാണ്. നിരവധി ഉപയോക്താക്കൾ ഈ ചിത്രം ആധികാരികമാണെന്ന് കരുതി പങ്കിടുന്നു.

കെബി ഹെഡ്‌ഗേവാറും ബിആർ അംബേദ്കറും മോട്ടോർ സൈക്കിളിൽ  സഞ്ചരിക്കുന്നതായി അവകാശപ്പെടുന്ന സമൂഹമാധ്യമങ്ങളിൽ വൈറലായ ചിത്രം എ ഐ സൃഷ്ടിയാണെന്ന് വിശ്വാസ് ന്യൂസിന്റെ അന്വേഷണത്തിൽ വ്യക്തമായി.

വൈറൽ പോസ്റ്റ്?

അതിൻ്റെ ആധികാരികത പരിശോധിക്കാൻ ഞങ്ങളോട് അഭ്യർത്ഥിച്ചുകൊണ്ട് ഒരു  ഉപയോക്താവ് ഈ ഫോട്ടോ വിശ്വാസ് ന്യൂസിൻറെ ടിപ്പ്‌ലൈൻ നമ്പറായ 91 9599299372-ലേക്ക് അയച്ചുതന്നു.

അന്വേഷണം:

വൈറലായ പോസ്റ്റ് സത്യാവസ്ഥ സ്ഥിരീകരിക്കാൻ വിശ്വസ് ന്യൂസ് കീവേഡ് സെർച്ച് നടത്തി. 1940 ജൂൺ 21-ന് നാഗ്പൂരിൽ വെച്ച് ഡോ. ഹെഡ്‌ഗേവാർ അന്തരിച്ചുവെന്ന് ഞങ്ങൾ കണ്ടെത്തി, 1950-കളുടെ മധ്യത്തിൽ മാത്രമാണ് ഇന്ത്യയിൽ മോട്ടോർസൈക്കിളുകൾ വ്യാപകമായി ലഭ്യമായത്. Madras Motors in 1949 -ൽ ആദ്യമായി ഇറക്കുമതി ചെയ്ത ബുള്ളറ്റ് 350, പിന്നീട് ഇന്ത്യൻ സൈന്യത്തിൽ ഉൾപ്പെടുത്തി, 1955-ൽ ഔദ്യോഗിക ഉത്പാദനം രാജ്യത്ത് ആരംഭിച്ചു.

തുടർന്ന് ഞങ്ങൾ നിരവധി സർക്കാർ ആർക്കൈവ് വെബ്‌സൈറ്റുകളിൽ തിരഞ്ഞെങ്കിലും ഹെഡ്‌ഗേവാറും ഡോ. ​​അംബേദ്കറും ഒരുമിച്ച് മോട്ടോർ സൈക്കിൾ ഓടിക്കുന്ന ഫോട്ടോയോ റെക്കോർഡോ കണ്ടില്ല.

അടുത്തതായി, ഞങ്ങൾ ചിത്രം സൂക്ഷ്മമായി പരിശോധിക്കുകയും നിരവധി പൊരുത്തക്കേടുകൾ  കണ്ടെത്തുകയും ചെയ്തു. പശ്ചാത്തലം മങ്ങിയതായി കണ്ടു , പശ്ചാത്തലത്തിൽ ചില ആളുകൾക്ക് ഭാഗിക മുഖങ്ങളാണ്. . മോട്ടോർസൈക്കിളിൻ്റെ രജിസ്ട്രേഷൻ നമ്പറായ ‘78787655’ എന്നതും സംശയാസ്പദമാണ്, കാരണം ആദ്യകാല വാഹന നമ്പർ പ്ലേറ്റുകളിൽ ആൽഫാന്യൂമെറിക് പ്രൊവിൻഷ്യൽ കോഡുകൾ ഉപയോഗിച്ചിരുന്നു, ഇതുപോലുള്ള ദൈർഘ്യമേറിയ സംഖ്യാമാത്രമായ . ഇതെല്ലാം  ചിത്രം എ ഐ – സൃഷ്ടിച്ചതാണോ എന്ന സംശയം ഉയർത്തി.

കൂടുതൽ സ്ഥിരീകരണത്തിനായി , എ ഐ – ജനറേറ്റ് ചെയ്‌ത ചിത്രങ്ങൾ കണ്ടെത്തുന്നതിന് രൂപകൽപ്പന ചെയ്‌തിരിക്കുന്ന ഉപകരണമായ ഹൈവ് മോഡറേഷൻ ഉപയോഗിച്ച് ഞങ്ങൾ ചിത്രം വിശകലനം ചെയ്തു. ചിത്രം എ ഐ – ജനറേറ്റ് ചെയ്യപ്പെടാനുള്ള 99% സാധ്യത ഇതിന്റെ  ഫലം കാണിച്ചു.

മറ്റൊരു ടൂൾ, Was Is AI-യും  ചിത്രം എ ഐ  ജനറേറ്റ് ചെയ്യപ്പെടാനുള്ള സാധ്യത സൂചിപ്പിച്ചു.

ചിത്രവുമായി ബന്ധപ്പെട്ട് ഞങ്ങൾ എ ഐ  വിദഗ്ധൻ അസ്ഹർ മച്വെയെ ബന്ധപ്പെട്ടു, ചിത്രം എ ഐ  സൃഷ്ടിയാണെന്ന് അദ്ദേഹം സ്ഥിരീകരിച്ചു.

നിഗമനം: കെബി ഹെഡ്‌ഗേവാറും ബിആർ അംബേദ്കറും മോട്ടോർ സൈക്കിളിൽ സഞ്ചരിക്കുന്നതായി അവകാശപ്പെടുന്ന ചിത്രം  എ ഐ സൃഷ്ടിയാണെന്ന് വിശ്വാസ് ന്യൂസിന്റെ അന്വേഷണത്തിൽ വ്യക്തമായി.

ടാഗ്സ്

• BR Ambedkar
• KB Hedgewar