Fact Check: गोव्याच्या नावाने व्हायरल होत असलेला उंच लाटांचा हा व्हिडिओ बनावट आहे
विश्वास न्यूजला त्यांच्या तपासात हा दावा खोटा असल्याचे आढळून आले. गोव्यात अशी कोणतीही घटना घडलेली नाही.
- By: Pallavi Mishra
- Published: Mar 21, 2025 at 04:23 PM
नवी दिल्ली (विश्वास न्यूज). सोशल मीडियावर एक व्हिडिओ व्हायरल होत आहे, ज्यामध्ये समुद्रात उंच लाटा उसळताना दिसत आहेत. ही पोस्ट या दाव्यासह शेअर केली जात आहे की, हा व्हिडिओ गोव्यातील आहे, जिथे 10 मार्च 2025 रोजी आलेल्या वादळामुळे 12000 लोकांचा मृत्यू झाला होता.
विश्वास न्यूजला त्यांच्या तपासात हा दावा खोटा असल्याचे आढळून आले. गोव्यात अशी कोणतीही घटना घडलेली नाही.
काय आहे व्हायरल पोस्टमध्ये?
‘___ father_sab _‘ या इंस्टाग्राम वापरकर्त्याने 10 मार्च 2025 रोजी व्हायरल व्हिडिओ (संग्रहित लिंक) शेअर करताना लिहिले की, “गोव्यात आलेल्या भीषण वादळामुळे 12 हजार लोकांचा मृत्यू झाला महाप्रलय 10/3/2025.”
तपास
तपास सुरू करण्यासाठी, आम्ही कीवर्ड सर्चचा वापर केला. आम्हाला बातम्यांच्या शोधात अशी कोणतीही बातमी आढळली नाही, जिच्यात गोव्यात घडलेल्या अशा कोणत्याही घटनेचा उल्लेख होता.
यानंतर, आम्ही गुगल लेन्सवर व्हायरल व्हिडिओच्या प्रमुख फ्रेम्स शोधल्या.आम्हाला हा व्हिडिओ अनेक ठिकाणी जानेवारी 2025 मध्ये अपलोड केलेला आढळला. यावरून हे स्पष्ट झाले की, हा व्हिडिओ 10 मार्चपूर्वी इंटरनेटवर होता.
यानंतर आम्ही व्हिडिओ काळजीपूर्वक पाहिला. व्हिडिओमधील लाटा खूप उंच आहेत पण समुद्राची पातळी वाढत नाहीये. तसेच, एका फ्रेममध्ये लाट इमारतीवर आदळते परंतु इमारतीला कोणतेही नुकसान करत नाही. जेव्हा आम्ही लोकांना पाहू लागलो तेव्हा त्यातही खूप विसंगती आढळून आल्या. जसे की, उभे असलेले लोक एकापासून दोन झाल्यासारखे वाटतात. काही लोक एकत्र येत असल्याचे दिसून येते. आम्हाला संशय होता की, हा व्हिडिओ एआय वापरून तयार केला गेला आहे.
एआय व्हिडिओ डिटेक्शन टूल कॅन्टिलक्स (Cantilux)ने असा अंदाज लावला की, हा व्हिडिओ एआय द्वारे तयार केला जाण्याची शक्यता 69 टक्के आहे.
आम्ही या विषयावर एआय तज्ज्ञ अझहर माचवे यांच्याशीही बोललो. त्यांनी व्हिडिओची तपासणी केली आणि सांगितले की, “ही पोस्ट बनावट आहे. लाटांचे पाणी समुद्रातून बाहेर पडत नाही. लाटांची आणि वाऱ्याच्या प्रवाहाची दिशा देखील सारखी नाही. लोकांचे स्वरूप देखील बदलत असल्याचे दिसत आहे.
खोट्या दाव्यासह व्हायरल व्हिडिओ शेअर करणाऱ्या ___father_sab_ या वापरकर्त्याला इंस्टाग्रामवर जवळजवळ 5000 लोक फॉलो करतात.
निष्कर्ष: विश्वास न्यूजला त्यांच्या तपासात हा दावा खोटा असल्याचे आढळून आले. गोव्यात अशी कोणतीही घटना घडलेली नाही. एआय डिटेक्शन टूल्स आणि तज्ञांनी हा व्हिडिओ एआय जनरेटेड असल्याची संभावना वर्तवली आहे.
- Claim Review : गोव्यात आलेल्या भीषण वादळामुळे 12 हजार लोकांचा मृत्यू
- Claimed By : Instagram user ‘___father_sab_’
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
