Fact Check: ‘भारत जोडो’ यात्रेदरम्यान राहुल गांधी चे काढलेले चित्र एडिट करून खोट्या दाव्यासह व्हायरल

नवी दिल्ली (विश्वास न्यूज): काँग्रेसचे माजी अध्यक्ष राहुल गांधी ‘भारत जोडो’ यात्रेवर आहेत. कन्याकुमारी येथून सुरू झालेली ही यात्रा जम्मू-काश्मीरमध्ये संपणार आहे. सोशल मीडियावर ‘भारत जोडो’ यात्रेसंदर्भात अनेक खोट्या पोस्ट व्हायरल होत आहेत. असाच एक फोटो, ज्यामध्ये लांब केस आणि वाढलेली दाढी असलेले राहुल गांधी दिसत आहेत, तो देखील व्हायरल होत आहे. मतदारांना आकर्षित करण्यासाठी राहुल गांधी पंतप्रधान मोदींची कॉपी करत असल्याचा दावा करत हे छायाचित्र शेअर केले जात आहे. सोशल मीडियावर अनेक यूजर्स हे फोटो शेअर करत आहेत. विश्वास न्यूजने व्हायरल झालेल्या दाव्याची चौकशी केली असता तो खोटा असल्याचे आढळून आले. चुकीच्या दाव्यासह चित्र एडिट आणि शेअर केले जात आहे.

काय होत आहे व्हायरल?
फेसबुक यूजर विनोद पलया ने 20 ऑक्टोबर रोजी चित्र शेअर करून लिहले,’राहुल गांधी का राहु और शनि पीछा छोड़ दे तो यह दाढ़ी हमारे मोदी जी तरह नकल करके नकली मोदी बन सकते हैं ,क्या हालत कर दी है इनकी Narendra Modi जी ने…”

हि पोस्ट यूजर खरी मानून शेअर करत आहेत. ह्या पोस्ट चा आर्काइव्ह व्हर्जन इथे बघा.

तपास:

व्हायरल फोटो शोधण्यासाठी आम्ही गुगल रिव्हर्स इमेज सर्च च्या मदतीने तो शोधला. शोधादरम्यान, आम्हाला 18 ऑक्टोबर 2022 रोजी काँग्रेस पक्षाच्या अधिकृत हँडलने केलेल्या ट्विटमध्ये ही प्रतिमा आढळली. फोटोसोबत हिंदीमध्ये कॅप्शन असे लिहिले आहे की, “एक आत्मा योद्धासारखा, एक संत- स्मितसारखा. संपूर्ण भारत आज यामागे आहे. भारत जोडो यात्रा” खाली तुम्ही दोन चित्रांमधील फरक पाहू शकता.

अधिक तपास करत आम्ही राहुल गांधी यांचे सोशल मीडिया हँडल तपासले. येथे देखील, आम्हाला दाव्याशी संबंधित कोणतीही पोस्ट सापडली नाही, ज्यामध्ये राहुल गांधी व्हायरल चित्रासारखे दिसत आहेत.

तपासासाठी आम्ही गुगल ओपन सर्चची मदत घेतली. राहुल गांधी यांनी शुक्रवारी मंत्रालयात पुन्हा आपल्या यात्रेची सुरुवात केल्याच्या अशा अनेक बातम्या आम्हाला मिळाल्या. बातम्यांमधील छायाचित्रातही ते हलकी दाढीसह दिसत आहेत.

भारत जोडोच्या अधिकृत ट्विटर हँडलवर 21 ऑक्टोबर 2022 रोजी सुरू झालेल्या या प्रवासाच्या व्हिडिओमध्ये दिसणारा राहुल गांधींचा लूक व्हायरल चित्रापेक्षा वेगळा आहे.

अधिक माहितीसाठी, आम्ही या रॅलीचे नेते राहुल गांधी ह्यांच्या सोबत असलेले राजपाल बिश्त ह्यांना संपर्क केला. त्यांनी आम्हाला सांगितले की व्हायरल दावा खोटा आहे. व्हायरल चित्र संपादित केले आहे.

तपासाअंती, आम्ही ही पोस्ट शेअर करणाऱ्या यूहारचा तपास केला. तपासात हा युजर मध्य प्रदेशातील भोपाळ येथील रहिवासी असल्याचे समोर आले आहे. फेसबुकवर युजरचे ५ हजारांहून अधिक मित्र आहेत.

निष्कर्ष: विश्वास न्यूजच्या तपासात व्हायरल झालेला दावा खोटा असल्याचे आढळले. राहुल गांधींच्या वाढलेल्या दाढीचा संपादित फोटो सोशल मीडियावर व्हायरल झाला असून तो चुकीचा दावा करून शेअर केला जात आहे.

टॅग्स

• Congress
• Fact Check
• fake news
• Rahul Gandhi