X

فیکٹ چیک: کشمیر کی مسجد کے ویڈیو کو کیا جا رہا پاکستان کا بتا کر شیئر

  • By Vishvas News
  • Updated: April 26, 2021

نئی دہلی (وشواس نیوز)۔ سوشل میڈیا پر ایک ویڈیو وائرل ہو رہا ہے جس میں ایک مسجد نظر آرہی ہے اور اس کے اندر کافی نشانوں کو دیکھا جا سکتا ہے۔ اب اس ویڈیو کو شیئر کرتے ہوئے دعوی کیا جا رہا ہے کہ عمران خان عاشق رسول ہے اور پاکستان کی مسجد کا یہ حال ہو گیا ہے۔ وشواس نیوز نے اپنی پڑتال میں پایا کہ وائرل ویڈیو میں نطر آرہی مسجد پاکستان کی نہیں بلکہ کشمیر کی ہے۔ گزشتہ روز پیش آئے انکاونٹر میں جنوبی کشمیر کے ضلع شوپیاں میں بنی اس مسجد کو نقصان پہنچا تھا۔

کیا ہے وائرل پوسٹ میں؟

ٹویٹر صارف ’آر جے رانجھنا‘ نے مسجد کے ویڈیو کو اپ لوڈ کرتے ہوئے لکھا، ’عمران خان عاشق رسول ہے اور عشق کا اظہار کچھ اس طرح کر رہا ہے۔ اس مسجد کا حال دیکھو آنکھوں والوں یہ کشمیر کی مسجد نہیں یہ فلسطین کی مسجد بھی نہیں یہ پاکستان کی مسجد ہے۔ اب اگر کوئی بندہ عمران خان کی سپورٹ میں ہے تو بھائی مجھے ابھی اسی وقت انفریڈ کر دیں ابھی۔ لعنت عمران خان لعنت‘‘۔

پوسٹ کے آرکائیو ورژن کو یہاں دیکھیں۔

پڑتال

اپنی پڑتال کو شروع کرتے ہوئے سب سے پہلے ہم نے ان ویڈ ٹول میں ویڈیو کو اپ لوڈ کیا اور اس کے متعدد کی فریسم نکال کر انہیں گوگل رورس امیج کے ذریعہ سرچ کیا۔ سرچ میں ہمیں باسط نام کا ویری فائڈ ہینڈل ملا جس کی جانب سے 9 اپریل 2021 کو کئے گئے ٹویٹ میں وائرل ویڈیو کے ہی بڑے ورژن کو دیکھا جا سکتا ہے۔ ویڈیو کو ٹویٹ کرتے ہوئے صارف نے لکھا، ’جنوبی کشمیر کے ضلع شوپیاں میں ایک تصادم کے دوران مسجد کو نقصان پہنچا‘‘۔

اب ہم نے گوگل نیوز سرچ کے ذریعہ معاملہ تفتیش کو آگے بڑھایا۔ سرچ میں ہمیں آوٹ لک انڈیا کی ایک خبر ملی جس میں بتایا گیا کہ، ’جموں و کشمیر کے شوپیان اور پلوامہ اضلاع میں سیکیورٹی فورسز نے دو الگ الگ انکاؤنٹر میں دہشت گرد تنظیم انصار غزوات الہند کے سربراہ امتیاز احمد شاہ سمیت سات عسکریت پسندوں کو ہلاک کردیا۔ مکمل خبر یہاں پڑھیں۔ مذکورہ معاملہ سے جڑی خبر ہمیں دا ہندو کی یوز ویب سائٹ پر بھی ملی جس میں وائرل تصویر میں مظر آرہی مسجد کو دیکھا جا سکتا ہے۔

وائرل ویڈیو کے 15 سیکنڈ کے فریم میں مسجد کی اسی کھڑکی والے منظر کو دیکھا جا سکتا ہے جو دا ہندو کی خبر میں دی گئی تصویر میں ہے۔ اس سے یہ ثابت ہوتا ہے کہ مذکورہ ویڈیو کشمیر کے شوپیاں کا ہے۔

کیو این ایس ٹی وی نام کے مقامی یوٹیوب چینل پر بھی ہمیں معاملہ سے جڑا مسجد کا ویڈیو ملا۔ یہاں بھی بتایا گیا کہ شوپیاں میں ہوئے انکاؤنٹر میں مسجد کو نقصان پہنچا۔

ویڈیو کے بارے میں مزید معلومات حاصل کرنے کے مقصد سے ہم نے سری نگرمیں موجود دینک جاگرن کے جموں و کشمیر بیورو چیف نوین نواز سے رابطہ کیا۔ انہوں نے ہمیں بتایا کہ وائرل ویڈیو میں نظر آرہی مسجد کے شوپیاں کی ہی ہے‘‘۔

پوسٹ کو فرضی دعوی کے ساتھ شیئر کرنے والے ٹویٹر صارف آر جے رانجھا کی سوشل اسکیننگ میں ہم نے پایا کہ صارف کا تعلق پاکستان سے ہے۔

نتیجہ: وشواس نیوز نے اپنی پڑتال میں پایا کہ وائرل ویڈیو میں نطر آرہی مسجد پاکستان کی نہیں بلکہ کشمیر کی ہے۔ گزشتہ روز پیش آئے انکاونٹر میں جنوبی کشمیر کے ضلع شوپیاں میں بنی اس مسجد کو نقصان پہنچا تھا۔

  • Claim Review : عمران خان عاشق رسول ہے اور عشق کا اظہار کچھ اس طرح کر رہا ہے۔ اس مسجد کا حال دیکھو آنکھوں والوں یہ کشمیر کی مسجد نہیں یہ فلسطین کی مسجد بھی نہیں یہ پاکستان کی مسجد ہے۔
  • Claimed By : Inoxent RJ Ranjha
  • Fact Check : جھوٹ‎
جھوٹ‎
    فرضی خبروں کی نوعیت کو بتانے والے علامت
  • سچ
  • گمراہ کن
  • جھوٹ‎

مکمل حقیقت جانیں... کسی معلومات یا افواہ پر شک ہو تو ہمیں بتائیں

سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔

ٹیگز

متعلقہ مضامین

Post saved! You can read it later