X

فیکٹ چیک: ڈرون پر نظر آرہے اس شخص کا یہ ویڈیو فیفا ورلڈ کپ 2022 کا نہیں ہے

وشواس نیوز نے اس ویڈیو کی پڑتال کی تو ہم نے پایا کہ یہ ویڈیو سال 2019سے سوشل میڈیا پلیٹ فارمس پر موجود ہے۔ اس پرانے ویڈیو کو گمراہ کن حوالے کے ساتھ وائرل کیا جا رہا ہے۔

  • By Vishvas News
  • Updated: December 4, 2022

نئی دہلی (وشواس نیوز)۔ سوشل میڈیا پر ایک ویڈیو وائرل ہو رہا ہے جس میں ایک شخص کو اسٹیڈئم کے میدان کے اندر ڈرون سے نیچے آتے ہوئے دیکھا جا سکتا ہے۔ ویڈیو میں نظر آرہے شخص کے ہاتھ میں کلمہ طیبہ لکھا ہوا سعودی عرب کا جھنڈا بھی ہے۔ اس ویڈیو کو شیئر کرتے ہوئے صارفین یہ دعوی کر رہے ہیں کہ فیفا ورلڈ کپ کے دوران ایک شخص ڈرون کے ذریعے کلمہ طیبہ کا جھنڈا لہراتے ہوئے نظر آیا۔ جب وشواس نیوز نے اس ویڈیو کی پڑتال کی تو ہم نے پایا کہ یہ ویڈیو سال 2019سے سوشل میڈیا پلیٹ فارمس پر موجود ہے۔ اس پرانے ویڈیو کو گمراہ کن حوالے کے ساتھ وائرل کیا جا رہا ہے۔

کیا ہے وائرل پوسٹ میں؟

فیس بک صارف نے وائرل پوسٹ کو شیئر کرتے ہوئے لکھا، ’قطر میں فیفا ورلڈ کپ کے دوران ایک شخص کا انوکھا انداز ڈرون کے ذریعے کلمہ طیبہ کا جھنڈا لہرا کر ساری دنیا کو پیغامبس یہی جھنڈا سارے عالم اسلام میں سربلند ہوگا انشاءاللہ‘۔

پوسٹ کے آرکائیو ورژن کو یہاں دیکھیں۔

پڑتال

اپنی پڑتال کو شروع کرتے ہوئے سب سے پہلے ہم نے ویڈیو کو ان ویڈ ٹول پر ڈالا اور متعدد کی فریمس نکالے اور انہیں گوگل لینس کے ذریعہ سرچ کیا۔ سرچ میں ہمیں اسی سے ملتا جلتا ویڈیو ایک ٹویٹر ہینڈل پر 3مئی 2019 کو اپ لوڈ ہوا ملا۔ یہاں ویڈیو کے ساتھ دی گئی معلومات کے مطابق یہ سعودی کپ کے فائنل کا ویڈیو ہے۔

مزید سر چ میں یہی ویڈیو اے ڈی اسپورٹس نام کے ایک یوٹیوب چینل پر 2 مئی 2019 کو اپلوڈ ہوا ملا۔ یہاں 35مینٹ کے اس ویڈیو میں شروعات سے فٹ بال کھیلتے ہوئے کھلاڑیوں کو دیکھا جا سکتا ہے۔ شروعات میں ہی یہ شخص ڈرون سے میدان میں اترتا ہوا نظر آتا ہے۔

وائرل ویڈیو سے متعلق فیفا ورلڈ کپ کو کوور کر رہے اسپورٹس صحافی سورو رائے نے بتایا کہ یہ ویڈیو فیفا ورلڈ کپ کا نہیں ہے بلکہ کچھ سالوں پرانا ہے۔

گمراہ کن پوسٹ کو شیئر کرنے والے فیس بک پیج کی سوشل اسکیننگ میں ہم نے پایا کہ 82 ممبرز ہیں اس پیج کے۔

نتیجہ: وشواس نیوز نے اس ویڈیو کی پڑتال کی تو ہم نے پایا کہ یہ ویڈیو سال 2019سے سوشل میڈیا پلیٹ فارمس پر موجود ہے۔ اس پرانے ویڈیو کو گمراہ کن حوالے کے ساتھ وائرل کیا جا رہا ہے۔

  • Claim Review : فیفا ورلڈ کپ کے دوران ایک شخص ڈرون کے ذریعے کلمہ طیبہ کا جھنڈا لہراتے ہوئے نظر آیا
  • Claimed By : کلری نیوز چینل
  • Fact Check : گمراہ کن
گمراہ کن
فرضی خبروں کی نوعیت کو بتانے والے علامت
  • سچ
  • گمراہ کن
  • جھوٹ‎

مکمل حقیقت جانیں... کسی معلومات یا افواہ پر شک ہو تو ہمیں بتائیں

سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔

ٹیگز

اپنی راے دیں

No more pages to load

متعلقہ مضامین

Next pageNext pageNext page

Post saved! You can read it later