X

Fact Check: परेश रावल चा माफी मागतानाचा पाच वर्ष जुना व्हिडिओ दिशाभूल करणाऱ्या दाव्यासह व्हायरल

परेश रावल यांच्या व्हिडिओबाबत विश्वास न्यूजने केलेला दावा चुकीचा ठरला आहे. आमच्या तपासात आम्हाला आढळून आले की, व्हायरल झालेला व्हिडिओ अलीकडच्या काळातील नसून 2017 सालचा आहे. जे लोक भ्रामक दावे करून व्हायरल करत आहेत. 2017 मध्ये परेश रावल यांनी राजपूत समाजाची तुलना माकडाशी केली होती. ज्यावर त्याने नंतर माफी मागितली, हा व्हिडिओ त्यावेळचा आहे.

  • By Vishvas News
  • Updated: December 6, 2022

नवी दिल्ली (विश्वास न्यूज): अभिनेता परेश रावल हे गुजरात निवडणुकीदरम्यान बंगाली लोकांबद्दल केलेल्या वादग्रस्त विधानामुळे चर्चेत आहेत. त्यातच त्याचा एक व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओमध्ये तो माफी मागताना दिसत आहे. परेश रावल जेव्हा गुजरात निवडणुकीच्या प्रचारासाठी गेले होते तेव्हा त्यांच्यावर लोकांनी बहिष्कार टाकल्याचा दावा करत हा व्हिडिओ शेअर केला जात आहे. त्यानंतर त्यांनी सर्वांसमोर माफी मागितली.

विश्‍वास न्यूजच्या तपासात आढळून आले की, व्हायरल झालेला व्हिडिओ अलीकडचा नसून 2017 सालचा आहे. जे लोक भ्रामक दावे करून व्हायरल करत आहेत. 2017 मध्ये परेश रावल यांनी राजपूत समाजाची तुलना माकडाशी केली होती. ज्यावर त्याने नंतर माफी मागितली, हा व्हिडिओ त्यावेळचा आहे.

काय होत आहे व्हायरल?
फेसबुक यूजर समाचार 24/7 ने व्हायरल व्हिडिओ शेअर करून लिहले, “वोटर्स ने रपटा दिया…अब गिड़गिड़ाकर माफ़ी मांगता फिर रहा…गली गली।”

हा आणि असेच काही दावे लोक फेसबुक वर खरे समजून शेअर करत आहे. ह्या पोस्ट चा आर्काइव्ह व्हर्जन इथे बघा.

तपास:
व्हायरल व्हिडिओचे सत्य जाणून घेण्यासाठी, आम्ही संबंधित कीवर्डसह युट्युब वर शोध सुरू केला. दरम्यान, जबरसिंग राठोड कालेवा नावाच्या युट्युब चॅनेलवर 30 नोव्हेंबर 2017 रोजी अपलोड केलेला हा व्हिडिओ आम्हाला आढळला. मिळालेल्या माहितीनुसार, परेश रावल यांचा हा व्हिडिओ राजपूत समाजाची माफी मागण्याचा आहे.

तपास पुढे नेत, आम्ही संबंधित कीवर्ड वापरून गूगल वर बातम्यांचे अहवाल शोधणे सुरू केले. आम्हाला 27 नोव्हेंबर 2017 रोजी ट्रिब्यूनवर प्रकाशित झालेला अहवाल सापडला. वृत्तानुसार, परेश रावल यांनी राजपूतांवर आक्षेपार्ह टिप्पणी केल्याबद्दल माफी मागितली होती.

डीएनएसह इतर अनेक संकेतस्थळांनीही याबाबतचे वृत्त प्रसिद्ध केले होते. एएनआय या वृत्तसंस्थेनेही याबाबत ट्विट केले होते. 26 नोव्हेंबर 2017 रोजी वन इंडियावर प्रसिद्ध झालेल्या वृत्तानुसार, “रॅलीला संबोधित करताना परेश रावल म्हणाले की, सरदार पटेल यांनी देशाला एकसंघ केले, या संस्थानांना सरळ केले, जे माकड होते. ते म्हणाले की, पटेल यांच्याबद्दल फारसे काही लिहिले गेले नाही, पण जेआरडी टाटा म्हणाले होते की, सरदार पटेल देशाचे पंतप्रधान असते तर देश कुठे पोहोचला असता. त्यावर राजपूत समाज संतप्त झाला असून परेश रावल यांनी आपल्या वक्तव्यावर माफी मागितली आहे.

3 डिसेंबर 2022 रोजी न्यूज 18 वर प्रकाशित झालेल्या वृत्तानुसार, “गुजरातच्या वलसाडमध्ये निवडणूक प्रचारादरम्यान परेश रावल म्हणाले होते की, ‘गॅस सिलिंडरच्या किमती वाढल्या आहेत, पण त्यांच्या किमती कमी होतील. पण दिल्लीत रोहिंग्या आणि बांगलादेशी तुमच्या आसपास राहू लागले तर? गॅस सिलेंडरचे काय कराल? तुम्ही बंगालींसाठी मासे शिजवाल का?” या विधानावर प्रचंड विरोध झाल्यानंतर त्यांनी शुक्रवारी माफी मागितली. मला ‘बेकायदेशीर बांगलादेशी’ म्हणायचे आहे, असे सांगून त्यांनी माफी मागितली होती. वाद वाढल्यानंतर परेश रावल यांनी ट्विट करत आपल्या वक्तव्याबद्दल माफी मागितली आहे.

या व्हिडिओबाबत आम्ही गुजरातमधील दैनिक जागरणचे सहयोगी संपादक जीवन कपुरिया यांच्याशी बोललो. व्हायरल झालेला व्हिडिओ आम्ही त्याच्यासोबत शेअर केला आहे. त्याने आम्हाला सांगितले, “व्हायरल व्हिडिओ जवळपास पाच वर्षे जुना आहे आणि त्याचा अलीकडील प्रकरणाशी काहीही संबंध नाही.”

आमच्या तपासणीच्या शेवटी, आम्ही न्यूज 24/7 तपासले, ज्या वापरकर्त्याने ही पोस्ट शेअर केली आहे. प्रोफाइलवर दिलेल्या माहितीनुसार, युजर महाराष्ट्रातील आहे.

निष्कर्ष: परेश रावल यांच्या व्हिडिओबाबत विश्वास न्यूजने केलेला दावा चुकीचा ठरला आहे. आमच्या तपासात आम्हाला आढळून आले की, व्हायरल झालेला व्हिडिओ अलीकडच्या काळातील नसून 2017 सालचा आहे. जे लोक भ्रामक दावे करून व्हायरल करत आहेत. 2017 मध्ये परेश रावल यांनी राजपूत समाजाची तुलना माकडाशी केली होती. ज्यावर त्याने नंतर माफी मागितली, हा व्हिडिओ त्यावेळचा आहे.

  • Claim Review : परेश रावल यांनी बंगालींवर केलेल्या वादग्रस्त वक्तव्याबद्दल माफी मागितली.
  • Claimed By : समाचार 24/7
  • Fact Check : False
False
Symbols that define nature of fake news
  • True
  • Misleading
  • False

Know the truth! If you have any doubts about any information or a rumor, do let us know!

Knowing the truth is your right. If you feel any information is doubtful and it can impact the society or nation, send it to us by any of the sources mentioned below.

टॅग्स

Post your suggestion

No more pages to load

संबंधित लेख

Next pageNext pageNext page

Post saved! You can read it later